რეკლამა
ზუგდიდის მერმა ლაშა გოგიამ მიმდინარე ინფრასტრუქტურული სამუშაოები დაათვალიერა
FaceBook Twitter
E-mail Print
ზუგდიდის მუნიციპალიტეტის მერმა ლაშა გოგიამ, ვიცე მერ გია გულორდავასთან და ზედამხედველობისა და არქიტექტურის სამსახურის უფროს ლაშა ჯაიანთან ერთად, მუნიციპალიტეტში მიმდინარე და დასრულებული ინფრასტრუქტურული პროექტები დაათვალიერა - ამის შესახებ ინფორმაციას ზუგდიდის მუნიციპალიტეტის მერია ავრცელებს.

მერიის ინფორმაციით, ლაშა გოგია კახათში, კოკსა და ორსანტიაში დასრულებულ და მიმდინარე გზის სარეაბილიტაციო სამუშაოებს გაეცნო.

კახათში, რუსთავე\ლის ქუჩაზე, საავტომობილო გზის რეაბილიტაციის მეორე ეტაპი დასრულდა. ჯამში რეაბილიტირდა 2800 მეტრი სიგრძისა და 5 მეტრი სიგანის გზა.

აღნიშნული გზა კახათის ადმინისტრაციულ ერთეულს, ინგირის, შამგონას და აბასთუმნის ადმინისტრაციულ ერთეულებთან აერთებს. გზა ავარიულ მდგომარეობაში იყო და მოსახლეობას გადაადგილების პრობლემას უქმნიდა.

პროექტის ღირებულებამ 516 329 ლარი შეადგინა.

ორსანტიას ადმინისტრაციულ ერთეულში, ორსანტიასა და დარჩელის დამაკავშირებელი გზის (ორსანტიას ასფალტირებული გზიდან დარჩელში, ზუგდიდი-ანაკლიას საავტომობილო გზამდე) სარეაბილიტაციო სამუშაოები მიმდინარეობს.

სარეაბილიტაციო გზის სიგრძე 4128 მეტრია.

სარეაბილიტაციო გზის მონაკვეთზე გათვალისწინებულია სანიაღვრეების, მიერთებისა და ეზოში შესასვლელის მოწყობა.

სამუშაოები საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის გამგეობის თანადაფინანსებით ხორციელდება და მისი პროექტის ღირებულება 2 000 000 ლარია.

დასრულდა კოკის ადმინისტრაციული ერთეულიდან, ორსანტიას ადმინისტრაციულ ერთეულამდე გზის რეაბილიტაციის მესამე ეტაპი. რეაბილიტირდა 1875 სიგრძისა და 5 მეტრი სიგანის გზა. დაიგო ბეტონის საფარი. კოკი-ორსანტიის დამაკავშირებელი საავტომობილო გზა ავარიულ მდგომარეობაში იყო და რეაბილიტაციას საჭიროებდა. აღნიშნული გზის რეაბილიტაციით სარგებელი კი ორივე სოფლის მოსახლეობამ, ჯამში 6000 ადამიანმა მიიღო. პროექტის ღირებულებამ 630 000 ლარი შეადგინა. კოკი- ორსანტიის დამაკავშირებელი გზის რეაბილიტაციის პირველი ეტაპი 2016 წელს განხორციელდა. გზის საფარის დაგების პარალელურად მოწესრიგდა სანიაღვრე არხები,მობეტონდა მოსახლეობის ჭიშკრების ბილიკები და მოწესრიგდა ტროტუარები.

მიმდინარეობს დიდინეძი-კახათის დამაკავშირებელი საავტომობილო გზის რეაბილიტაცია.

გზა წლებია ავარიულ მდგომარეობაშია და მოსახლეობა მის რეაბილიტაციას ითხოვს. გზის რეაბილიტაციით სარგებელს 1250 ბენეფიციარი მიიღებს. სარეაბილიტაციო გზის სიგრძე 5200 მეტრი, სიგანე 6 მეტრი.

სარეაბილიტაციო გზის მონაკვეთზე გათვალისწინებულია ხელოვნური წყალგამტარი ნაგებობის მოწყობა, მილის გამოცვლა ახალი ლითონის მილით. პროექტით გათვალისწინებულია 6 მიერთებისა და 65 ეზოში შესასვლელის მოწყობა, 20 ეზოში შესასვლელზე გათვალისწინებულია რკ/ბეტონის გადახურვის ფილის და 2 ეზოში შესასვლელზე ლითონის ცხაურის მოწყობა.

პროექტის ღირებულება 2 505 200 ლარია.

გზების სარეაბილიტაციო სამუშაოები საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის მერიის თანადაფინანსებით ხორციელდება.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.