რეკლამა
სალომე ზურაბიშვილი: გასაკვირი არ არის, რომ რუსული პიარი ღიად არის ჩართული ჩემ წინააღმდეგ
FaceBook Twitter
E-mail Print
გასაკვირი არ არის, რომ რუსული პიარი ღიად არის ჩართული ჩემ წინააღმდეგ, – ამის შესახებ დამოუკიდებელმა საპრეზიდენტო კანდიდატმა სალომე ზურაბიშვილმა რუსთაველის თეატრში, მხარდამჭერებთან შეხვედრაზე განაცხადა.

სალომე ზურაბიშვილის განცხადებით, ცნობილია, ვინ არის ქვეყნის მტერი და ამასთან, მტერია ყველა ის ადამიანი, ვინც ქვეყნის დასუსტებას ცდილობს.

„სტაბილიზაცია, დამშვიდება, გაერთიანება – ეს არის ის, რაც ჩვენ გვჭირდება ყველაზე მეტად დღეს. ეს არის ის, რისთვისაც გადავწყვიტე ვიყარო კენჭი პრეზიდენტობაზე და ის არის, რაც ყველაზე ნაკლებად აწყობს მტერს.

მტერი არის ძალიან კონკრეტული და ყველამ ვიცით, ვინ არის, მაგრამ მტერი არის ასევე ყველა ის, ვინც ამით სარგებლობს, რომ ქვეყანა დაასუსტოს, დაშალოს და არ მოგცეს ის გასაქანი, რომელიც გვჭირდება, რომ განვითარების გზაზე ვიაროთ უფრო სწრაფად, ენერგიულად და უფრო შედეგიანად.

არ არის გასაკვირი და შემთხვევითობა, რომ პირდაპირ რუსული პიარი ოფიციალურად და ღიად არის ჩართული ჩემს საწინააღმდეგო პიარში. როგორც წარსულში, რუსეთის სამსახურებს დღესაც ძალიან კარგად ესმით, დიდი ხნის შესწავლილი აქვთ ქართული ცნობიერება და იციან, რას უნდა დაარტყან, რას უნდა უმიზნონ. უმიზნებენ რას - სამ მცნებას: მამული, ენა, სარწმუნოება. სამივეში ბრალს მდებენ. ამიტომ, ეს არ არის შემთხვევითობა“, - განაცხადა სალომე ზურაბიშვილმა.
მისივე თქმით, არსებული აგრესიის მიზანი დაპირისპირების გამოწვევაა.

„ეს ყველაფერი გავიგეთ, ვიცით. ახლა აქედან უნდა გადავიდეთ შემდეგ ეტაპზე, რადგან მთავარი მიზეზი ამ აგრესიისა და ძალადობისა არის სწორედ, რომ დავრჩეთ ამ ძალადობაში, დაპირისპირებაში, რომ ვუპასუხოთ. ერთი, რომ, ნერვიულობაში ვიყოთ ჩაძირული და გადავიდეთ კითხვა-პასუხში, ქიშპობასა და ბრძოლაში – სიტყვიერი იქნება, თუ სხვა ფორმით. ეს არის ჩვენი გზიდან გადასვლა, რაც არ უნდა დავუშვათ. მე მოვდივარ არა იმისთვის, რომ ვიღაცასთან შიგნით დავიწყო ბრძოლა, მოვდივარ პირიქით, ახალი ხედვით, რათა დასრულდეს მართლა ამ ქვეყანაში და თუ მეტი ვერაფერი შევძელი, ეს მაინც უნდა შევძლო, რომ გადავიდეთ ახალ პოლიტიკურ კულტურაზე, ახალ ხედვასა და ურთიერთობებზე და შევქმნათ ის ქვეყანა, რომელიც მართლა უნდა იყოს 21-ე საუკუნის ქვეყანა და არა სადღაც გაჩერებული, გაჭედილი საბჭოთა, პოსტსაბჭოთა და 21-ე საუკუნეს შორის და არ ვიცით, როგორ მოვირგოთ ეს 21-ე საუკუნე, რადგან არ ვართ შესული გამბედაობით, არ ვართ დარწმუნებული, რომ ჩვენი ადგილი იქ არის. ჩვენი ადგილი იქ არის, თუ წარსულს უკან დავტოვებთ“, – განაცხადა სალომე ზურაბიშვილმა.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.