რეკლამა
ირაკლი კობახიძე: გარკვეულ კითხვებს აჩენს ის, რომ 11-ჯერ მოხდა ვალის გადავადება
FaceBook Twitter
E-mail Print
გარკვეულ კითხვებს აჩენს ის, რომ 11-ჯერ მოხდა ვალის გადავადება - განაცხადა ტელეკომპანია იმედის თოქშოუში „პირისპირ“ პარლამენტის თავმჯდომარე ირაკლი კობახიძემ ომეგას საქმესთან დაკავშირებით.

„რატომ იყო ასეთი ლოიალური მის მიმართ სახელმწიფოს კონკრეტული უწყება. ეს არის ზოგადი კითხვა, მაგრამ არავითარი კითხვა არ ისმევა ბუნებრივია ბიზნესის თავისუფლებასთან დაკავშირებით. ეს არის ის კითხვა, რომელსაც ძალიან მარტივად გაეცა პასუხი. ჩვენ მოვისმინეთ აბსოლუტურად გაუგებარი ჩანაწერები, სადაც იყო საუბარი რაღაც ვირტუალურ მოვლენებზე, საუბარი იყო იმაზე, რომ ოთხი თითით აჩვენეს მას რომ 4 მილიონი უნდა შეეტანა. აბსოლუტურად კომიკურიც არის ეს ჩანაწერები ყველაფერთან ერთად. ოთხი თითი რატომ უნდა აჩვენო ადამიანს, ერთი ვარიანტია, რომ გეშინია საკუთარ სახლში მოგისმინონ და ეს ღიმილის მომგვრელია აბსოლუტურად, მეორე ვარიანტი რა არის ესეც არ ვიცი. ანუ რეალურად აბსოლუტურად კომიკური სახე შეიძინა იმ ჩანაწერებმა რომელიც გაავრცელა დიდის ამბით ნიკა გვარამიამ, მისმა ტელევიზიამ, „ნაციონალური მოძრაობის“ პარტიულმა ტელევიზიამ და ისევე მალე ჩაიფუშა ეს სპექტაკლი, როგორც მალევე დაიდგა“ - განაცხადა ირაკლი კობახიძემ.

მისი თქმით, ასევე მოხდება ყველა სხვა სპექტაკლის შემთხვევაში.

„მთავარი თეზისი რა არის, სადაც არის დანაშაული იქ ბუნებრივია არის აღშფოთების საფუძველი, მაგრამ სადაც არ არის დანაშაული და გადაცდომა და ჩვენ ამ ღირებულებებს ვეფუძნებით, ჩვენი ღირებულება არის ის, რომ უზრუნველყოფილი უნდა იყოს დემოკრატია, ბიზნესის თავისუფლება, ადამიანის უფლებები და ამით არის გამსჭვალული მთლიანად სახელმწიფოს სისტემა, ეს არის ჩვენი მთავარი ღირებულება და ამაზე დგას დღეს ჩვენი ხელისუფლება, 2012 წლიდან მოყოლებული და სადაც ასეთი ღირებულებებით მოქმედებს ხელისუფელბ,ა იქ შეუძლებელია ცარიელ ადგილზე რაიმე კომპრომატის ხელოვნურად შექმნა, ეს არის მთავარი ამ ყველაფერში“ - განაცხადა ირაკლი კობახიძემ.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.