GHGA აფხაზეთში მცხოვრები მეთხილეებისთვის საკუთარი სერვისების მიწოდებას გეგმავს
Share
გაეროს განვითარების პროგრამის (UNDP) მხარდაჭერით, სომხეთის
დედაქალაქ ერევანში ჩატარდა მე-3 ეტაპი სემინარების,
სოფლის მეურნეობაში წარმოდგენილი მავნებლების და დაავადებების
შესახებ. სემინარში მონაწილეობა მიიღეს "საქართველოს თხილის
მწარმოებელთა ასოციაციის", საქართველოს სოფლის მეურნეობის
სამინისტროს, სამეცნიერო კვლევითი ცენტრების წარმომადგენლებმა და
ქართველმა ფერმერებმა. ასევე, მსოფლიოს წამყვანმა სპეციალისტებმა დიდი
ბრიტანეთიდან და იტალიიდან, შეხვედრას ესწრებოდნენ დე ფაქტო აფხაზეთში
სოფლის მეურნეობის დარგში მომუშავე სპეციალისტები და ფერმერები.
"საქართველოს თხილის მწარმოებელთა ასოციაციის" აღმასრულებელმა
დირექტორმა გიორგი თოდუამ, სემინარის მონაწილეებს გააცნო ინფორმაცია
ასოციაციის საქმიანობისა და აზიური ფაროსანას (BMSB) მონიტორინგისა და
წამლობის პროგრამისა და მისი შედეგების შესახებ, რომელსაც ასოციაცია
ახორციელებს "ფერერო/აგრიჯორჯიასთან" (Ferrero/AgriGeorgia) ერთად.
მხარეებმა ერთმანეთს გაუზიარეს აზიურ ფაროსანასთან და სხვა მავნებელ
დაავადებებთან ეფექტური ბრძოლის უახლესი გამოცდილება.
"საქართველოს თხილის მწარმოებელთა ასოციაცია" ახლო მომავალში გეგმავს
ასოციაციის სერვისების მიაწოდებას აფხაზეთში მცხოვრები თხილის
მწარმოებელი ფერმერებისათვის.