რეკლამა
ივანიშვილი: პარტია იქმნება იმისთვის, რომ იზრუნოს ხალხზე. კეთილი ვინებოთ და ეს დაპირებები ყველაფერი შევასრულოთ
FaceBook Twitter
E-mail Print
„ერთი წლის განმავლობაში მე ვაჩვენებ არა მარტო საქართველოს, ევროპასაც, როგორი დემოკრატია შეიძლება აშენდეს საქართველოში“- განაცხადა პოლიტიკური გაერთიანება „ქართული ოცნება - დემოკრატიული საქართველოს“ თავმჯდომარე ბიძინა ივანიშვილმა თოქშოუ „იმედი LIVE”-სთვის მიცემულ ინტერვიუში.

მისი თქმით, აქვს პრეტენზია და ამბიცია, რომ ეს იქნება ჭეშმარიტად სახალხო და მათზე მზრუნველი ხელისუფლება.

„მე იმის პრეტენზია და ამბიციაც მაქვს, რომ ერთი წლის განმავლობაში არამარტო ქართული საზოგადოება და საქართველოს მოსახლეობა დავარწმუნო, რომ ეს იქნება ჭეშმარიტად სახალხო ხელისუფლება და ეს იქნება მათზე მზრუნველი მხოლოდ. პარტიას სხვა არავითარი ფასეულობა ჩემთვის არ აქვს. არც „ქართულ ოცნებას“ რომლის შექმნაში დიდი წვლილი მაქვს, და არც სხვა ნებისმიერს. პარტია იქმნება იმისთვის, რომ იზრუნოს ხალხზე. კეთილი ვინებოთ და ეს დაპირებები ყველაფერი შევასრულოთ. მე ვფიქრობ რომ მე პირნათლად, უფრო ადრე ვიდრე ერთი წელი, მექნება საშუალება რომ ვისაუბრო ხალხთან და ვნახოთ, რომ თურმე ჩვენ გვაქვს ძლიერი სახელმწიფო, დემოკრატიულად მართული, დემოკრატიული მეთოდებით, ადამიანის ღირსებაზე მორგებული, ამავდროულად, იმის იმედიც ნუ ექნებათ, რომ ერთი ხელის მოქნევით, ჯადოსნური ჯოხით ჩვენ შვეიცარიის ეკონომიკა გვექნება. არა, ეს რთულია, ამას დრო სჭირდება“ - განაცხადა ბიძინა ივანიშვილმა.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.