რეკლამა
კობახიძე: „საზოგადოებამ მოგვცა კონკრეტული მინიშნებები, ეს მინიშნებები უნდა გავითვალისწინოთ
FaceBook Twitter
E-mail Print
„საზოგადოებამ მოგვცა კონკრეტული მინიშნებები, ეს მინიშნებები უნდა გავითვალისწინოთ და ამის შესაბამისად ვიმოქმედოთ“ - ამის შესახებ პარლამენტის თავმჯდომარემ, „ქართული ოცნება-დემოკრატიული საქართველოს“ აღმასრულებელმა მდივანმა ირაკლი კობახიძემ განაცხადა.

მისი თქმით, არის ბევრი საკითხი, რომელთან დაკავშირებითაც საზოგადოება მგრძნობიარეა.

„ქართულ ოცნებასა“ და საზოგადოებას შორის კომუნიკაციის დეფიციტია და ეს კომუნიკაცია უნდა გახდეს მაქსიმალურად ინტენსიური. უნდა ვნახოთ რა აწუხებს ყველაზე მეტად საზოგადოებას და ამის შესაბამისად ვიმოქმედოთ.

კომუნიკაცია უნდა იყოს ხალხთან მუდმივი. იყო გარკვეული ჩავარდნა განსაკუთრებით შარშან, რომ იყო გარკვეული შიდა უთანხმოებებიც და ეს იყო ერთ-ერთი მიზეზი იმისა, რომ ბიძინა ივანიშვილმა გადაწყვიტა პოლიტიკაში დაბრუნება“ - განაცხადა ირაკლი კობახიძემ.

მისი თქმით, როდესაც არის შიგნით პრობლემებია ასეთ დროს ნაკლები რესურსი რჩება იმისათვის, რომ ხალხთან შეინარჩუნო მაქსიმალურად აქტიური კომუნიკაცია, თუმცა დღეს ეს პრობლემები დაძლეულია.

„როგორც კი დასრულდება საპრეზიდენტო არჩევნები ჩვენ უნდა გადავიდეთ აქტიურ რეჟიმზე, იმისათვის რომ მაქსიმალურად მოვისმინოთ ხალხის მოსაზრებები და ვიმოქმედოთ ამის შესაბამისად. არის ბევრი პრობლემა, რომელიც უკვე გადაიჭრა, არის ბევრი გადაუჭრელი პრობლემა, რაღაცეები თეორიულადაც ვერ გადაიჭრება უახლოეს პერსპექტივაში, მაგრამ ბევრი საკითხის გადაჭრა უახლოეს მომავალში შეიძლება. მთავარია, რომ საზოგადოებისგან სწორად მივიღოთ ეს გზავნილები და შემდეგ ამ გზავნილების შესაბამისად, სწორად ვიმოქმედოთ“ - განაცხადა ირაკლი კობახიძემ.

როგორც ირაკლი კობახიძემ აღნიშნა, მეორე ტურში შესაბამისი შედეგის დასადებად სრული მობილიზაციაა.

„პარტიამ სრულად აიღო პასუხისმგებლობა ამ არჩევნებზე და მთელი თავისი რესურსით არის ჩართული ამ მეორე ტურის საპრეზიდენტო კამპანიაში“ - განაცხადა პარტიის აღმასრულებელმა მდივანმა.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.