რეკლამა
ზუგდიდის მუნიციპალიტეტში გზების სარეაბილიტაციო სამუშაოები მიმდინარეობს
FaceBook Twitter
E-mail Print
ზუგდიდის მუნიციპალიტეტის რუხის, ზედაეწერისა და ჩხოუშის ადმინისტრაციულ ერთეულებში გზების სარეაბილიტაციო სამუშაოები მიმდინარეობს - ამის შესახებ ინფორმაციას ზუგდიდის მუნიციპალიტეტის მერია ავრცელებს.

მერიის ინფორმაციით, სამუშაოების მიმდინარეობას ზუგდიდის მუნიციპალიტეტის მერის მოვალეობის შემსრულებელი მაიზერ ნანავა და მერის პირველი მოადგილე გიორგი შენგელია გაეცნენ და მოსახლეობას გაესაუბრნენ.

რუხში, ესართიასა და ზაურ თოდუას ქუჩებზე გზის სარეაბილიტაციო სამუშაოები დაიწყო. საავადმყოფომდე მისასვლელი გზა (ესართიას ქუჩა) წლებია ავარიულ მდგომარეობაშია და მოსახლეობას უჭირს ტრანსპორტით გადაადგილება. აღნიშნული გზა მრავალპროფილურ საავადმყოფომდე მისასვლელი გზაა, რომლითაც მომავალში ადგილობრივებთან ერთად, დევნილი მოსახლეობაც ისარგებლებს.

რეაბილიტირდება 577 მეტრი სიგრძის გზა. პროექტის ღირებულება 413 990.9 ლარია.

გზა ავარიულ მდგომარეობაშია ზ. თოდუას ქუჩაზეც. გზის რეაბილიტაციით კი მრავალწლიანი პრობლემა მოგვარდება. სარეაბილიტაციო გზის სიგრძე 2723 მეტრს შეადგენს, სამუშაოები ორ ეტაპად განხორციელდება და მეორე ეტაპი 2020 წელს დასრულდება.

პროექტის ღირებულება 500 000 ლარს შეადგენს.

მოსახლეობასთან გიორგი შენგელიამ რუხი-რიყე-ტყაიას გზის რეაბილიტაციზეც ისაუბრა და აღნიშნა, რომ ამ გზის რეაბილიტაციით სამი სოფლის მოსახლეობას გზის პრობლემა მოუგვარდება. აგრეთვე, რუხში საბავშვო ბაღის მშენებლობაც იგეგმება.

გზების სარეაბილიტაციო სამუშაოები მიმდინარეობს ზედაეწერისა და ჩხოუშის ადმინისტრაციულ ერთეულშიც. ზედაეწერში გზის რეაბილიტაციის პირველი ეტაპი 2018 წელს განხორციელდა. გზის სარეაბილიტაციო სამუშაოებზე 400 000 ლარი დაიხარჯება.

ჩხოუშის ადმინისტრაციულ ერთეულში გზის სარეაბილიტაციო სამუშაოები 2 ეტაპად განხორციელდება და მეორე ეტაპის სამუშაოები 2020 წელს დასრულდება. ჯამში რეაბილიტირდება 1420 მეტრი სიგრძის გზა.

პროექტის ღირებულება 500 000 ლარია.პროექტები საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის მერიის თანადაფინანსებით ხორციელდება.

2019 წელს ზუგდიდის მუნიციპალიტეტში ინფრასტრუქტურული პროექტების განსახორციელებლად მთავრობამ 50 მილიონი ლარი გამოყო.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.