ანაკლიასა და განმუხურში ტურისტული სეზონისთვის სამზადისი დაიწყო
Share
ანაკლია-განმუხურის სანაპირო ზოლზე ტურისტული სეზონისთვის
მოსამზადებელი სამუშაოები დაიწყო, ამჟამად ტერიტორიაზე 500-მდე
სხვადასხვა სახის მრავალწლიანი მცენარეების დარგვა მიმდინარეობს, -
ამის შესახებ ინფორმაციას ზუგდიდის მუნიციპალიტეტის მერია
ავრცელებს.
მერიის ინფორმაციით, გამწვანების სამუშაოები ზუგდიდის მუნიციპალიტეტის
მერის პირველმა მოადგილემ გიორგი შენგელიამ დაათვალიერა და
გამწვანების სამუშაოებში მიიღო მონაწილეობა. ამასთანავე, ანაკლიასა და
განმუხურში დაგეგმილია 5 მილიონი ლარის ღირებულების სახვადასხვა სახის
ინფრასტრუქტურული სამუშაოების განხორციელება.
მოხდება: მდინარე ენგურის შესართავთან არსებული კაფე-რესტორნის,
ანაკლია-განმუხურის დამაკავშირებელი ხიდის რეაბილიტაცია, მოეწყობა
ველობილიკები, სანაპირო ზოლამდე მისასვლელი ბილიკები, საშხაპეები და
გასახდელები, მოხდება კალათბურთისა და ფეხბურთის მოედნების
რეაბილიტაცია, აღდგება სტიქიის დროს დაზიანებული განმუხურის
ამფითეატრი.