რეკლამა
ზუგდიდში მატერიალური მხარდაჭერის პროგრამის გამარჯვებულები დააჯილდოვეს [ვიდეო]
FaceBook Twitter
E-mail Print
საერთაშორისო ორგანიზაცია "ჰილფსვერქ ინთერნეიშენალმა" პარტნიორ ასოციაცია "თანხმობა-სთან" ერთად, პროექტის "ნაბიჯ-ნაბიჯ უკეთესი მომავლისკენ" ფარგლებში მატერიალური მხარდაჭერის პროგრამის გამარჯვებულები დააჯილდოვა. მათ სერთიფიკატები და ბიზნესის განხორციელებისთვის საჭირო ინვენტარი გადაეცათ.

ღონისძიებაზე, რომელიც ზუგდიდში, დადიანების ისტორიულ ეზოში მოეწყო, ადგილობრივი და საერთაშორისო ორგანიზაციების, სახელმწიფო სტრუქტურების, ევროკავშირისა და ავსტრიის განვითარების სააგენტოს წარმომადგენლები იმყოფებოდნენ.

მატერიალური მხარდაჭერის პროგრამა, პირობით მსჯავრდებულ პირთა და ყოფილ პატიმართა რეასოციალიზაცია-რეინტეგრაციის პროექტის ერთ-ერთი შემადგენელი ნაწილია. პროგრამის პირველი ეტაპი 2018 წლის აგვისტო-ოქტომბერში განხორციელდა, რა დროსაც სამეგრელოს რეგიონში 16 გამარჯვებული ბიზნეს იდეა გამოვლინდა. მეორე ეტაპი კი 2019 წლის აგვისტოში დაიწყო და ოქტომბერში დასრულდა. გამოვლინდა 32 გამარჯვებული ბიზნეს იდეა.

სამეგრელოში დაფინანსებული ბიზნეს იდეების ბიუჯეტმა 160 000 ლარი შეადგინა. პროგრამა მიზნად ისახავდა პირობით მსჯავრდებული პირებისთვის და ყოფილი პატიმრებისთვის, ან მათი ოჯახის წევრებისთვის ახალი ბიზნესის დაწყებაში, ან უკვე არსებული ბიზნეს საქმიანობის გაფართოებაში დახმარებას, ან საარსებო წყაროს შექმნას, რისთვისაც გაიცემოდა 1500 ევროდან 5000 ევრომდე ოდენობის ფინანსური მხარდაჭრა.

პროექტი დაფინანსებულია ევროკავშირისა და ავსტრიის განვითარების სააგენტოს მიერ და ხორციელდება სპეციალურ პენიტენციურ სამსახურთან, დანაშაულის პრევენციის, პრობაციისა და არასაპატიმრო სასჯელთა აღსრულების სააგენტოსთან მჭიდრო თანამშრომლობით. პროექტი 2017 წელს დაიწყო და 2020 წლის 1 მაისამდე გაგრძელდება.

პროექტის "ნაბიჯ-ნაბიჯ უკეთესი მომავლისაკენ" (მეორე ეტაპი) მიზანია შიდა ქართლში, სამეგრელოსა და იმერეთში მცხოვრები სრულწლოვანი პრობაციონერების, განრიდებული პირების, ყოფილი მსჯავრდებულებისა და მათი ოჯახის წევრების რესოციალიზაციის ხელშეწყობა ინტეგრირებული მიდგომის გზით. ასევე, ქსნის მე-15-ე დაწესებულების მაგალითზე პატიმართა დასაქმების კერების შექმნა სასჯელაღსრულების დაწესებულებებში.

Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.