რეკლამა
ზუგდიდის განახლებული საჭადრაკო სკოლა საზეიმოდ გაიხსნა
FaceBook Twitter
E-mail Print
ზუგდიდის განახლებული საჭადრაკო სკოლა დღეს საზეიმოდ გაიხსნა.

"დღეს კიდევ ერთი მნიშვნელოვანი დღეა ჩვენი მუნიციპალიტეტისთვის. ვხსნით განახლებულ საჭადრაკო სკოლას, სადაც ბევრი ღირსეული მოჭადრაკე აღიზრდება. ჩვენს ქალაქს და მუნიციპალიტეტს აქვს უდიდესი საჭადრაკო ტრადიცია, რომელიც მომავალშიც გაგრძელდება და მე დარწმუნებული ვარ, ამ სკოლაში, რომელიც ნონა გაფრინდაშვილის სახელს ატარებს, კიდევ ბევრი ჩემპიონი აღიზრდება", - განაცხადა ღონისძიებაზე გიორგი შენგელიამ.

გახსნის ცერემონიალში ზუგდიდის მუნიციპალიტეტის მერი გიორგი შენგელია, ქ. ზუგდიდის მაჟორიტარი დეპუტატი მერაბ ქვარაია, სამეგრელო-ზემო სვანეთის სახელმწიფო რწმუნებულის მოადგილე დავით ვერავა, მერის მოადგილეები გიგა ფარულავა და კონსტანტინე კაკავა, მოჭადრაკე, ხუთგზის მსოფლიო ჩემპიონი ჭადრაკში, სპორტის დამსახურებული ოსტატი ნონა გაფრინდაშვილი, საქართველოს ჭადრაკის ფედერაციის პრეზიდენტი გიორგი გიორგაძე, საკრებულოს თავმჯდომარე მამუკა წოწერია, მოჭადრაკეები, აფხაზეთის მთავრობის წარმომადგენლები და საზოგადოების სხვადასხვა სფეროს წარმომადგენლები ესწრებოდნენ. როგორც ნონა გაფრინდაშვილმა აღნიშნა, ზუგდიდი ნამდვილად იმსახურებდა ამ პროექტის განხორციელებას - "მე დარწმუნებული ვარ, რომ ის ტრადიციები, რაც ამ კუთხეს გააჩნია, გაგრძელდება და უნიჭიერეს ახლაგაზრდებს ვიხილავთ ამ სკოლიდან".

საჭადრაკო სკოლის განახლებისთვის 904 367 ლარი დაიხარჯა. რეაბილიტირდა შენობის კონსტრუქციული ნაწილი. არსებულ შენობაზე დაშენდა მეორე სართული. მოეწყო დამატებითი საკლასო ოთახები, შეჯიბრის ჩასატარებელი დარბაზი, ადმინისტრაციის ოთახი და სანიტარული კვანძები. აგრეთვე მოეწყო წყალგაყვანილობა-კანალიზაციის, ელექტრომომარაგების და გათბობა-გაგრილების ახალი სისტემა. ფასადზე, თანამედროვე კომპოზიტური მასალებით, ახალი არქიტექტურული ფორმების მოწყობით განახლდა შენობის გარე იერსახე. შენობა შშმ პირთათვის ადაპტირებულია.

პროექტი საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის მერიის თანადაფინანსებით განხორციელდა.
Print E-mail
Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.