ზუგდიდში, მიმდინარე წელს 60-მდე გზას რეაბილიტაცია ჩაუტარდება
ზუგდიდში, ჭაქვინჯის ადმინისტრაციულ ერთეულში, ბაღმარანის უბანში,
საავტომობილო გზის რეაბილიტაციის მეორე ეტაპი აქტიურად
მიმდინარეობს.
სამუშაოების მიმდინარეობას ზუგდიდის მუნიციპალიტეტის მერი გიორგი
შენგელია გაეცნო. რეაბილიტირდება 5 კილომეტრამდე საავტომობილო გზა,
რომლის ღირებულება 1 600 000 ლარია. ეწყობა სანიაღვრე არხები.
გიორგი შენგელიას ინფორმაციით, საგზაო ინფრასტრუქტურის მოწყობა 21
ადმინისტრაციულ ერთეულში მიმდინარეობს, ზუგდიდში კი 36 გზის
რეაბილიტაციაზე ტენდერი უახლოეს პერიოდში გამოცხადდება.
ჯამში, მუნიციპალიტეტის მასშტაბით 60-მდე საავტომობილო გზის
რეაბილიტაცია განხორციელდება.