ზუგდიდის ერთ-ერთ ავტოსახელოსნოზე მესაკუთრე გიორგი ჯაფარიძემ ანტისაოკუპაციო ბანერი გააკრა.

მოქალაქე ამბობს, რომ სურს კიდევ ერთხელ შეახსენოს ყველას, რომ რუსეთი ოკუპანტია.

„გარკვეული ძალები საქართველოში ცდილობენ, რომ ხალხს დაავიწყონ ვინ არის რუსეთი. გამვლელები, მათ შორის გაივლიან ახალგაზრდები, ბავშვები და ამას ყოველთვის ნახავენ. რუსეთი რომ ოკუპანტია, ეს არ უნდა დაგვავიწყდეს. მე არ დამავიწყდება, მაგრამ მინდა, რომ პატარებსაც არ დაავიწყდეთ. სამი დისშვილი მყავს და ისინიც მეხმარებოდნენ ბანერის გაკეთებაში“, - გვითხრა გიორგი ჯაფარიძემ.