ზუგდიდის ცენტრალურ უბნებში, სკვერებსა თუ ბაღებში წვრილფეხა და მსხვილფეხა პირუტყვის ყოფნა აკრძალულია, თუმცა ეს წესი თითქმის ყოველდღიურად ირღვევა.

ამჯერად მოქალაქემ ძროხები დადიანების ეზოში გადაიღო და "ლაივპრესს" მიაწოდა.

მსხვილფეხა თუ წვრილფეხა პირუტყვის ქალაქის ქუჩებში უპატრონოდ მიტოვება სამართალდარღვევაა. მას ადგილობრივი საკრებულოს მიერ მიღებული წესი არეგულირებს. მიუხედავად ამისა, ძროხებთან ერთად ღორებს, ინდაურებს თუ სხვა პირუტყვს და ფრინველს ქალაქის ცენტრასა და პერიფერიებში, პერიოდულად შეიძლება შეხვდეთ.