ეკონომიკა
ევროპის ბაზარზე ქართული თხილის დაბლოკვა არ დასტურდება
FaceBook Twitter
E-mail Print
ქართული მედიით გავრცელებული ცნობების თანახმად, ევროპა ქართულ თხილს ბლოკავს. ტელეკომპანია რუსთავი 2-ის ინფორმაციით, ევროკავშირის საზღვრიდან უკან დააბრუნეს რამდენიმე ტონა თხილი, რომელშიც კიბოს გამომწვევი სოკო აღმოაჩინეს.

ზუგდიდის „აგრო სახლის“ ხელმძღვანელი მაია მიქავა ამბობს, რომ ევროპის ბაზრის მიერ ქართული თხილის დაბლოკვის შესახებ ინფორმაცია სიმართლეს არ შეესაბამება.

მისი განმარტებით, არსებობს ევროკომისიის სწრაფი განგაშის სისტემა - პორტალი RASFF Portal, სადაც ინფორმაცია თავსდება ამა თუ იმ ქვეყნის პროდუქციაზე წუნის დადების შესახებ.

მისივე თქმით, პორტალის თანახმად, ევროპის ბაზარზე მიმდინარე წელს, ქართულ თხილზე წუნის მხოლოდ 7 შემთხვევა იყო.

„დაბლოკვა და წუნის დადება ერთმანეთისგან განსხვავდება. პორტალზე ათასობით ინფორმაცია დევს, ისევ ევროპის ქვეყნების წარმოებული პროდუქციის წუნზე. მაგალითად, იტალიიდან გერმანიაში რომ კვერცხი და ხორცი დაიწუნეს და გერმანიის საზღვარზე არ შეუშვეს, რასაკვირველია ეს იმას არ ნიშნავს, რომ გერმანიამ დაბლოკა იტალიური ხორცი ან კვერცხი. ის ფაქტი, რომ ქართულ თხილზე წუნის მხოლოდ 7 შემთხვევა იყო, ჩემთვის სასიხარულოც კია, რადგან ისეთი მდგომარეობა გვაქვს თხილის სექტორში გავრცელებული სხვადასხვა დაავადების გამო. დაბლოკვა სულ სხვა რამეს ნიშნავს. რუსეთმა რომ ემბარგო დაუწესა ქართულ პროდუქციას, ეს არის დაბლოკვა“, - გვითხრა მაია მიქავამ.

დადგენილ ზღვარზე მეტი აფლატოქსინის მაჩვენებლის აღმოჩენა ქართული თხილის ევროკავშირის საზღვარზე გასულ ქართული თხილის ასობით პარტიიდან 7 შემთხვევაზე, ნორმალურ მოვლენად მიიჩნევს ასევე საქართველოს თხილის ექსპორტიორთა ასოციაციის აღმასრულებელი დირექტორი ლევან ქარდავა.

მისივე განმარტებით, პროდუქციაზე წუნის დადების შემთხვევაში, ის ნადგურდება და შესაბამისად, უვარგისი თხილი ქართულ ბაზარზე ვერ მოხვდება.

„ევროკავშირის საზღვარზე აფლატოქსინის აღმოჩენის შემთხვევაში თხილი ბრუნდება უკან, საქართველოში. საზღვარზე თხილს ხვდება სურსათის ეროვნული სააგენტოს წარმომადგენელი, ამოწმებს ტვირთს, ლუქავს მას და აცილებს დაცულ საწყობამდე, სადაც ასევე ხდება მისი დალუქვა. დალუქული თხილი კვლავ მოწმდება აფლატოქსინის შემცველობაზე.

აფლატოქსინის შემცველობის დადასტურების შემთხვევაში, სურსათის ეროვნული სააგენტოს წარმომადგენლების კონტროლის ქვეშ ხდება მისი გადარჩევა და გასუფთავება საეჭვო თხილის გულისაგან, რადგან მასაში უმნიშვნელო რაოდენობის დაავადებულ გულს შეუძლია იმოქმედოს მთლიანი ანალიზის შედეგებზე. გადარჩევის შემდეგ, პროდუქცია განმეორებით მოწმდება ევროპულ ლაბორატორიებში. თუ აფლატოქსინი აღარ აღმოჩნდა, მეწარმეს ეძლევა უფლება განმეორებით მოახდინოს თხილის ექსპორტი.

გამორჩეული წუნდებული თხილი კი ექვემდებარება განადგურებას. არცერთი კილოგრამი დაავადებული თხილი არ ხვდება ქართულ ბაზარზე და არცერთ შემთხვევაში არ არის მისი გამოყენება მწარმოებლის კეთილ ნებაზე დამოკიდებული“, - განაცხადა ლევან ქარდავამ.

ქართული თხილის დაბლოკვაზე გავრცელებული ინფორმაციის პასუხად, სურსათის ეროვნული სააგენტოც RASFF-ის მონაცემებით პასუხობს, სადაც ნათქვამია, რომ გასულ წლებში ქართულ თხილზე წუნის მეტი შემთხვევა იყო და ასევე მოყვანილია სხვა ქვეყნების პროდუქციაზე მიღებული შეტყობინებების სტატისტიკა.

„ევროკომისიის სწრაფი განგაშის სისტემით შეტყობინებები თხილში აფლატოქსინების შემცველობაზე ყოველწლიურად ეგზავნება თხილის მწარმოებელ სხვა ქვეყნებსაც, მათ შორის ისეთ მსხვილ მწარმოებლებს, როგორებიცაა თურქეთი და იტალია (ევროკომისიის სწრაფი განგაშის სისტემით (RASFF) თურქეთმა 2016 წელს თხილსა და კაკლოვან კულტურებში (თხილი, მიწის თხილი, ფისტა, ნუში) აფლატოქსინების შემცველობაზე ევროკომისიის სწრაფი განგაშის სისტემით (RASFF) მიიღო 74 შეტყობინება, აქედან 37 შემთხვევა აღინიშნა თხილში. იტალიამ 2016 წელს თხილსა და კაკლოვან კულტურებზე მიიღო 58 შეტყობინება“, - ნათქვამია სააგენტოს განცხადებაში.


ქართულ თხილში ჯანმრთელობისთვის საზიანო ნივთიერება აფლატოქსინის აღმოჩენის და პროდუქციის ევროპის ბაზარზე აკრძალვის შესახებ ინფორმაცია მედიით, შარშან ივლისშიც გავრცელდა, რომელიც არ დადასტურდა.

მაია მიქავამ გვითხრა, რომ მან რუსთავი2-ის ჟურნალისტთან თხილის სექტორში არსებულ პრობლემებზე ისაუბრა, თუმცა მოგვიანებით სიუჟეტი სხვა კონტექსტით გავიდა ეთერში.

„ძალიან ვთხოვ ყველას, რომ პრობლემაში გაერკვიონ და მერე დაწერონ და გადაიღონ. თხილის სექტორს უჭირს ძალიან. ჩვენ სერიოზულად დავზარალდით თხილის დაავადებების გამო, მეთხილეების 90 %-ს საბანკო დავალიანებები აქვს. გასულ წელსაც 4 საათიანი ინტერვიუ მქონდა რუსთავი 2-თან, სადაც ბევრ რამეზე ვისაუბრე და არსად არ მითქვამს, რომ ქართული თხილი მკვლელია, თუმცა რეპორტაჟი ასეთი კონტექსტით გავიდა. გაუგებარია, რატომ ხდება ასე მიზანმიმართულად ქართული თხილის დისკრედიტაცია, როცა საინფორმაციო საშუალებები თხილის სექტორში არსებულ მთავარ პრობლემებს უნდა აშუქებდნენ“, - გვითხრა მაია მიქავამ.
Print E-mail
Twitter
სხვა მასალები
ცაიშის ყოფილი ბალნეოლოგიური კურორტის შეძენით ორი
09:44 / 27.06.2019
ცაიშის ყოფილი ბალნეოლოგიური კურორტის შეძენით ორი
„ჩირიფრუტი“, - ხელით დამზადებული სასუსნავების ბიზნესია, რომელიც
18:36 / 12.03.2019
„ჩირიფრუტი“, - ხელით დამზადებული სასუსნავების ბიზნესია, რომელიც
ზუგდიდის სოფლების უმეტეს ნაწილში გასული წლის მსგავსად,
16:43 / 04.08.2018
ზუგდიდის სოფლების უმეტეს ნაწილში გასული წლის მსგავსად,
მედიით გავრცელებული ინფორმაციის თანახმად, ქართული თხილი ევროპის
ბაზარზე ვერ
20:21 / 17.07.2017
მედიით გავრცელებული ინფორმაციის თანახმად, ქართული თხილი ევროპის ბაზარზე ვერ
საბჭოთა რეპრესიები
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ფოტო
სახიფათო ორმოები საჯიჯაო-ნარაზენის გზაზე [ფოტო]
ზუგდიდის მუნიციპალიტეტის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
როგორი ეზოები აქვს ზუგდიდში კორპუსებს [ფოტო]
ზუგდიდში მრავალბინიანი კორპუსების ეზოები ის ადგილია,
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.