დამოუკიდებლობის დღეს ზუგდიდში, უკვე მეორე წელია არ იმართება საზეიმო ღონისძიებები.

კორონავირუსის პანდემიის გამო, ადამიანთა ხალხმრავალი შეკრების თავიდან არიდების მიზნით, ქალაქი მხოლოდ სადღესასწაულოდ მოირთო ეროვნული დროშებით და 26 მაისის ინსტალაციით.

ქალაქის ცენტრში დაიდგა სტენდები პირველი პრეზიდენტის გამოსახულებით, რომელზეც დატანილია ინფორმაცია ამ დღის შესახებ.

1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.

ქვეყანამ დამოუკიდებლობის აღდგენა 70 წლის შემდეგ, 1991 წლის 9 აპრილს შეძლო.