კომენტარი
პუტინის გამოსახულებიანი შოკოლადები მალე ზუგდიდში - ინტერვიუ იდეის ავტორთან
FaceBook Twitter
E-mail Print
საქართველოში პუტინის გამოსახულებიანი შოკოლადების პირველი პარტია უკვე შემოვიდა. მათ თავდაპირველად ბავშვთა სახლებსა და მოხუცთა თავშესაფრებში უსასყიდლოდ დაარიგებენ, თუმცა ცოტა ხანში ყიდვის მსურველებს ტკბილეულის შეძენა, რომელიც საკმაოდ ძვირადღირებულია, სხვადასხვა ჰიპერმარკეტსა და მარკეტში შეეძლებათ. შოკოლადის შემოტანა ზუგდიდშიც იგეგმება. რას ემსახურება ეს ყველაფერი, ვინ და რატომ უჭერს მხარს რუსეთის მოქმედ პრეზიდენტს და რატომ ნიშნავს ძლიერი რუსეთი ძლიერ საქართველოს, ამ საკითხებზე „ლაივპრესი“ სიახლის ინიციატორს, რუსულ-ქართული ახალგაზრდული კავშირის დირექტორ ირაკლი ყიფიანს ესაუბრა.

ლაივპრესი: დიდი გამოხმაურება მოჰყვა სოციალურ ქსელში თქვენს მიერ განთავსებული შოკოლადის ფოტოს, რუსეთის პრეზიდენტის გამოსახულებით. უკვე შემოვიდა საქართველოში პროდუქცია?

ირაკლი ყიფიანი: რუსულ-ქართული ურთიერთობების თემა, შოკოლადი იქნება ეს, ბაიკერი თუ გეორგიევსკის ბაფთა, რა თქმა უნდა, ასეთ საკითხებში ყოველთვის ერთვებიან ადამიანები, ვისაც რამდენიმე მონიტორზე რამდენიმე ათეული ექაუნთი აქვს გახსნილი „ფეისბუკის“, იმიტომ, რომ მათი სამსახური ეს არის და ასე ცდილობენ ზოგადად იმ ადამიანების შეშინებას, ვინც საღ აზრზეა ჩემი გადმოსახედიდან, რომ მათ შეუზღუდონ გამოხატვის თავისუფლება თუნდაც სოციალურ ქსელში, თავი აგრძნობინონ უმცირესობაში და ასე შემდეგ.

რაც შეეხება შოკოლადებს, ისინი უკვე შემოვიდა. ჯერ ნაწილი, დანარჩენი ეტაპობრივად შემოვა. მე ჩვეულებრივ დავდე ფოტო და არ მეგონა, თუ მსგავსი რეზონანსი მოყვებოდა, ჩემი მიზანი არ იყო ასეთი ამბავი ამტყდარიყო. რომ დავფიქრდით, ბავშვთა სახლებში, მოხუცთა თავშესაფრებში ხომ შეგვაქვს უსასყიდლოდ, და მეორე დღეს მაშინათვე დახლებზე გამოტანა იქნებოდა უხერხული. შეიძლება მერე კრემლის აგენტობის გარდა ისიც დამბრალდეს, თითქოს სპეციალურად გავაკეთე ყველაფერი, რომ მიმეტანა მოხუცებთან და ბავშვთა სახლებში და ამით პიარი გამეკეთებინა, უკეთ გაყიდულიყო. ადამიანთა ფანტაზიას საზღვარი არ აქვს. მე შეიძლება ძალიან ბევრი ლანძღვა ავიტანო, მაგრამ ასეთი რაღაც გულს ძალიან მატკენს. აქედან გამომდინარე გადავწყვიტეთ - ჯერ შევიტანთ ეტაპობრივად ბავშვთა სახლებში, მოხუცთა თავშესაფრებში. და პლიუს, ვლადიმერ პუტინს ხომ ვუცხადებთ მხარდაჭერას საპრეზიდენტო არჩევნებში და რუსეთში მცხოვრებ ქართველებს მოვუწოდებთ, მიბრძანდნენ არჩევებზე და ხმა მისცენ მას. როცა ჩაივლის ეს ყველაფერი, სიტუაცია მინელდება, მერე უკვე გამოვიტანთ დახლებზე. რამდენიმე ჰიპერმარკეტთან მიდიოდა მოლაპარაკება, ორთან წარმატებით დასრულდა, რამდენიმე საშვალოქსელურ მარკეტთან, მცირე მაღაზიებთან, რეგიონებში მათ შორის.

ირაკლი ყიფიანი

ლაივპრესი:
თუ შემოვა ეს შოკოლადები სამეგრელოში, მათ შორის ზუგდიდის ბაზარზე? აწარმოებთ ამ საკითხზე ვინმესთან მოლაპარაკებებს?

ირაკლი ყიფიანი: ზუგდიდში რა თქმა უნდა შემოვა. მთხოვეს, ჯერ არ გაამხილოო. ჩემი ძმა იყო იქ ჩასული მოსალაპარაკებლად და თვითონ ითხოვეს ასე. თქვენ თვითონ გაგიკვირდებათ, ორმა ისეთმა ადამიანმა აიღო თავის თავზე და მოითხოვა. ჯერ ვერ გეტყვით, რამდენიმე დღეში შემეძლება თქმა.

ლაივპრესი: მარკეტების მფლობელებზეა საუბარი?

ირაკლი ყიფიანი: ზუგდიდის ასე ვთქვათ ერთ-ერთ სახეებზეა საუბარი, გამოჩენილ სპორტსმენებზე, დიდი კვალი რომ აქვთ მსოფლიო სპორტში დატოვებული. ვინც დღეს ნაწილობრივ ბიზნესშია გადართული. სხვათაშორის, ანაკლიაში გვთხოვეს, ბულვარში დგას თურმე საზაფხულო სეზონისთვის ფაცხები. ძალიან ბევრი რუსი ტურისტი არისო იქ, ირანელები, სომხები და მომგებიანი იქნებაო.

ლაივპრესი: როდიდან შეიძლება ველოდოთ ზუგდიდში ამ შოკოლადების შემოტანას? საპრეზიდენტო არჩევნების შემდეგ, თუ მანამდე?

ირაკლი ყიფიანი: როგორც კი დავასრულებთ კამპანიას ბავშვთა სახლებსა და მოხუცთა თავშესაფრებში, ოდნავ მინელდება სიტუაცია და ეგრევე შემოვიტანთ.

ლაივპრესი: წინააღმდეგობა ხომ არ შეგხვედრიათ პროდუქციის შემოტანის დროს საბაჟოზე?

ირაკლი ყიფიანი: არანაირი წინააღმდეგობა არ ყოფილა. ღირსეულად მოიქცა ჩვენი სახელმწიფო. ერთადერთი, ამერიკის ელჩი თუ გასცემდა ამ დირექტივას. შეიძლება საქართველოში არ არის, უფრო მნიშვნელოვანი საქმეებითაა დაკავებული და ვერ მოიცალა ჯერ ამისთვის. მე არაფერი შემომიტანია. ბიზნესმენი არ ვარ. არც კრემლი მაძლევს ფულს, რომ რაღაცები ვატარო აქეთ-იქით. უბრალოდ აქტიური მოქალაქე ვარ. ჩემს მეგობრებს ასეთი იდეა შევთავაზე, ადგნენ და გააკეთეს, იყიდეს და შემოიტანეს. 

ლაივპრესი: ეს შოკოლადები რუსეთში არჩევნებთან დაკავშირებით გამოჩნდა, თუ იყო მანამდეც?

ირაკლი ყიფიანი: მანამდე სხვადასხვა ვარიანტი იყო. კონკრეტულად ეს ვერსია ახალი გამოჩენილია. 4 200 (188 ლარი) რუბლი ღირს კილო. საკმაოდ დიდი ფულია შოკოლადისთვის. გავიყვანთ ჩვენს კანდიდატს, რომელიც იცავს მთელს ქრისტიანულ სამყაროს მსოფლიოში, ამარცხებს ბოროტებას, ტერორიზმს, იცავს მშვიდობას კავკასიაში. არ დებს არანაირ ინვესტიციას არც აფხაზეთში, არც ცხინვალში იმიტომ, რომ იცის, ადრე თუ გვიან უნდა დავსხდეთ და პრაგმატულად მოაზროვნე ადამიანებმა უნდა ვისაუბროთ ამ საკითხებზე და ყველაფერი ჩადგეს კალაპოტში.

ლაივპრესი: რადგან აფხაზეთი და ცხინვალის რეგიონები ახსენეთ, როგორ მოგწონთ ზოგადად რუსეთის და ვლადიმერ პუტინის პოლიტიკა მათ მიმართ?

ირაკლი ყიფიანი: ამ რეგიონებთან დაკავშირებით ძალიან მომწონს კიდევ ერთხელ ვიმეორებ. ლარიანი არ აქვთ ჩადებული რუსებს, რაც იმაზე მიუთითებს, რომ ადრე თუ გვიან, როდესაც მარგინალებს, როგორებიც არიან მარგველაშვილი და ასე შემდეგ, ჩაანაცვლებენ საღად მოაზროვნე, გაწონასწორებული ადამიანები, ვისაც შეეძლება საუბარი პუტინთან და სხვა პოლიტიკოსებთან, ამის შემდეგ მოხდება ის, რაც დარწმუნებული ვარ, რომ უნდა მოხდეს.
ფოტო ირაკლი ყიფიანის ფეისბუკიდან

ლაივპრესი:
ლარიანი არ აქვთ ჩადებული ამ რეგიონების განვითარებისთვის, დამიკონკრეტეთ თუ შეიძლება რას გულისხმობთ.

ირაკლი ყიფიანი: მაგალითად, ვარ ნამყოფი ინგუშეთში და გეტყვით, რომ მხოლოდ ერთი მეჩეთის მშენებლობა დაუჯდათ 7 მილიარდ დოლარზე მეტი. რაც მათ რუსებმა მეჩეთის ასაშენებლად მისცეს ერთი მეჩეთისთვის, ის მთლიანად არ აქვთ აფხაზეთში ჩადებული.

ლაივპრესი: აფხაზეთში ეკონომიკის ნახევარზე  მეტი რუსულ ფინანსებზე მოდის. ამას არც აფხაზები უარყოფენ.

ირაკლი ყიფიანი: ძალიან ცოტაა, არაფრისთვის არ ყოფნით. ვერც ინფრასტრუქტურა მოაწყვეს, ვერც ტურისტს იღებენ ნორმალურად. არც სერვისი აქვთ. ამ საკითხის მოგვარების გასაღები დევს მოსკოვში. მე რომ ვიყო დღეს საქართველოს პოლიტიკური ლიდერი, რუსეთის ლიდერთან ერთად ისე მოვაგვარებდი ამ საკითხს, ისე კარგად გავხსნიდი საზღვარს და დავჯდებოდი იქ, საერთოდ არ ვკითხავდი აფხაზს. იცით რატომ? ზოგადად ქართული რიტორიკა რა არის? ჩვენ გვჭირდება ტერიტორია იმ ხალხის გარეშე. გამოდის უნდა დავხოცოთ ეს ხალხი. ამ პოლიტიკას მხარს ვერ ვუჭერ. მაგრამ არც იმას ვუჭერ მხარს, ისტორიული მახსოვრობა ყველას არ გვაქვს ისეთი მოკლე, როგორც ზოგიერთებს. ისტორიულად რაც ჩემი იყო, ხომ დავარქვით ამ ჩემს ჩვენი, მოდით ისევ ჩვენი გახდეს. კი ბატონო, მე ავიღებ პასუხისმგებლობას იმაზე, რაც შემეშალა, შენც უნდა აიღო, რადგან მათაც ბევრი შეეშალათ ჩვენთან ურთიერთობაში.

ლაივპრესი: თქვენს მიერ ნახსენები სწორი პოლიტიკის შემთხვევაშიც რუსეთის მიმართ, რატომ უნდა დათმოს მოსკოვმა საკუთარი გავლენა აფხაზეთის და ცხინვალის რეგიონებში?

ირაკლი ყიფიანი: რუქას რომ გადავხედოთ, ნატო თანადათანობით უახლოვდება რუსეთს. რუსეთის მთავარი მიზანი რა არის? არ დაუშვას მის საზღვრებთან ნატოს სარაკეტო ბაზები. ამ დროს ჩვენთან 25 წლის განმავლობაში მოდის ხელისუფლება, შევარდნაძე ჯერ კიდევ მაშინ ამბობდა, ჩვენ ნატო-ს კარზე ვაკაკუნებთო. ჯერ კიდევ მაშინ დაიწყო გაღიზიანების პოლიტიკა. თუმცა მანამდე ზვიადმა დაიწყო „ქართველები საქართველოს გარეშე“. ფაქტი ის არის, რომ ჩვენმა პოლიტიკურად ბეცმა პოლიტიკოსებმა ან მიზანმიმართულად, ან თავიანთი სიბრიყვით დაუშვეს შეცდომები. ნატოს ყვირილმა და  შემდეგ მიხეილ სააკაშვილის პერიოდში პოლიტიკური კრიზისის საფუძველზე მივიღეთ მის მიერ დაწყებული ომი და არა საქართველოს მიერ. 2017 წელს ნატოს სწავლება რომ ჩაატარეს ჩვენთან, პუტინი ჩაფრინდა აფხაზეთში და ორ დღეში აფხაზეთშიც დაიწყეს მავთულხლართების გადმოწევა. ნატოს ყვირილმა ცუდის მეტი არაფერი მოგვიტანა.

არ ვამბობ, რომ საქართველოს აქვს შანსი ნეიტრალიტეტის, რადგან რეალისტი ვარ. მაგრამ არ მიმაჩნია, ქვეყანა ოდნავ პოლარიზებულად თუ იქნება გადახრილი ჩრდილოეთისკენ.. რადგან იქიდან არ მოდის სიგნალები, რომ ბოლომდე უნდა გადავიხაროთ. რუსეთს სჭირდება ერთადერთი გარანტია - საქართველომ უარი თქვას ნატოზე. მე გაძლევთ გარანტიას, კონსტიტუციაში თუ ჩაიწერება მუხლი, რომ არცერთ სამხედრო გაერთიანებაში არ შევალთ, ტერიტორიებზე 95%-ით გამარტივდება საუბარი.

ლაივპრესი: ფიქრობთ თუ არა, რომ აფხაზეთის და ცხინვალის რეგიონები დღეს ოკუპირებულია რუსეთის მიერ?

ირაკლი ყიფიანი: სიტყვა ოკუპირებული არა. დღეს არის რეალობა, რომ დგას იქ რუსული ბაზები. რუსებს აქვთ დიდი საფრთხე ჩვენგან. იცავენ თავს ასე ვთქვათ. ჩვენც რომ ვიყოთ მათ ადგილას, აუცილებლად ანალოგიურად მოვიქცეოდით, რადგან ყველა სახელმწიფოს აქვს თავისი ინტერესი და აქედან გამომდინარე მოქმედებს. მე არ მინდა საქართველო პოლიგონად იქცეს. ჩვენ კარგად ვიცით, ამერიკა და რუსეთი ერთმანეთში იბრძვიან იარღით, ოღონდ ერთმანეთს არ ესვრიან. უბრალოდ სხვა ტერიტორიაზე მიდის სასაკლაო და თავიანთ მომხრეებს ახოცინებენ ერთმანეთს.

ლაივპრესი: თქვენ წერთ, რომ ძლიერი რუსეთი ძლიერ საქართველოს გულისხმობს. რატომ ფიქრობთ ასე?

ირაკლი ყიფიანი: იმიტომ, რომ დასუსტებული რუსეთი, სადაც ყველა ჯურის ადამიანი დაბოგინობს, მით უმეტეს სამხრეთ კავკასიაში, ეს იქნება საქართველოსთვის საშინელება. უხელო და უფეხო კაცი შემოვიდა ქვეყნის ტერიტორიაზე და თქვენ წარმოგიდგენიათ დაღესტნელები და სხვები რას იზამენ? მათ აკავებთ რუსული სპეცსამსახურები და ჰყავთ კონტროლქვეს, ცდილობენ მოიყვანონ კონტროლქვეშ. ქართველმა სპეცსამსახურებმა იციან ვინ შემოდის და გადის? რუსეთში რომ მოიხსნას ერთი ჭანჭიკი სტაბილურობის, სამხრეთ კავკასია რომ ჩამოიშალოს, მერე აქ საშინელებები მოხდება.

ლაივპრესი: ევროატლანტიკური კურსი როგორ ფიქრობთ, სჭირდება ქვეყანას?

ირაკლი ყიფიანი: მე არაფერი საწინააღმდეგო არ მაქვს დასავლეთის. რაც შეეხება წინსვლას, უნდა დავსახოთ ჩვენი პრიორიტეტები, რა შეგვიძლია დასავლეთიდან მივიღოთ, მათ მიერ მოთხოვნილი დივიდენდების გარეშე. ვთქვათ ჩავწეროთ კონსტიტუციაში, რომ არ გავწევრიანდებით არცერთ სამხედრო ბლოკში. ვისწრაფვოთ ევროკავშირისკენ. ამაში ვერავინ ხედავს პრობლემას, თუ ჩვენ გვაწყობს ეს. მაგრამ ევროკავშირი ჩამონგრევის პირასაა. ამაზე დამოუკიდებელმა ეკონომიკის ექსპერტებმა უნდა იმსჯელონ, რომლებიც ქვეყანას არ ჰყავს. თუ გვაწყობას ამ ანალიზის შედეგად, შევიდეთ, რატომ არ უნდა შევიდეთ? 

ლაივპრესი: თქვენს ორგანიზაციაზე რომ მითხრათ, როდის დაარსდა და რა არის საქმიანობის ძირითადი მიზანი?

ირაკლი ყიფიანი: ჩვენი ორგანიზაცია შარშან დაფუძნდა. ის ძირითადად კულტურულ-ჰუმანიტარულ ღონისძიებებზეა ორიენტირებული. გრიბოედოვზე ჩატარდა კონკურსი. ოცმა ბავშვმა გაიმარჯვა და მარტის ბოლოს უნდა წავიყვანოთ მოსკოვში, ექსკურსია მოეწყობა. თბილისშიც რაღაც პრიზებს გადავცემთ.

ლაივპრესი: ვინ გაფინანსებთ?

ირაკლი ყიფიანი: დაფინანსება პირდაპირ და ღიად ვამბობ, არის ფონდი „რუსკი მირ“, რომელმაც მოგვცა გრანტი გრიბოედოვზე. მწირი შესაძლებლობები გვაქვს, მაგრამ ყოველ შემთხვევაში ისევ ქართველი ბავშვებისთვის, რომ გავახაროთ.
Print E-mail
Twitter
სხვა მასალები
ამერიკის შეერთებული შტატების ელჩი, კელი დეგნანი
სამეგრელო-ზემო სვანეთის რეგიონს სტუმრობდა,
12:31 / 20.07.2022
ამერიკის შეერთებული შტატების ელჩი, კელი დეგნანი სამეგრელო-ზემო სვანეთის რეგიონს სტუმრობდა,
სამეგრელოს ის მუნიციპალიტეტები, სადაც ადგილობრივი
თვითმმართველობის არჩევნების შემდეგ, საკრებულოებში
21:06 / 05.02.2022
სამეგრელოს ის მუნიციპალიტეტები, სადაც ადგილობრივი თვითმმართველობის არჩევნების შემდეგ, საკრებულოებში
გრიპის მოახლოებული სეზონი, ვაქცინაციის საგანგაშოდ
დაბალი მაჩვენებელი და მეხუთე
15:10 / 14.10.2021
გრიპის მოახლოებული სეზონი, ვაქცინაციის საგანგაშოდ დაბალი მაჩვენებელი და მეხუთე
აფხაზეთში, დანარჩენი საქართველოს მსგავსად, რთული
ეპიდემიოლოგიური ვითარებაა.
09:21 / 03.09.2021
აფხაზეთში, დანარჩენი საქართველოს მსგავსად, რთული ეპიდემიოლოგიური ვითარებაა.
კორონავირუსი

საბჭოთა რეპრესიები

ვიდეო
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
რობოტი „თამადა“ და კედლის სათბური - ზუგდიდელი ახალგაზრდების გამოგონება ბაზარზე გასავლელად ემზადება [ვიდეო]
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
როგორ დავსაქმდე - ზუგდიდში სამუშაოს მაძიებლებისთვის ონლაინ პლატფორმა შეიქმნა  [ვიდეო]
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
საოკუპაციო ხაზთან მცხოვრები მოზარდები ცვლილებებისთვის [ვიდეო]
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
80 წლის კეკე მასწავლებელი სოფელ ხაბუმედან [ვიდეო]
მერი (კეკე) გულუა უკვე 60 წელია ჩხოროწყუს სოფელ ხაბუმეს სკოლაში ასწავლის. რამდენიმე წლის წინ სახელმწიფოს
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.