კომენტარი
ნათია თოდუა: ჩემი წარმატება აფხაზებსაც უხარიათ, რაც მეიმედება [ვიდეო]
FaceBook Twitter
E-mail Print
23 წლის მომღერალი ნათია თოდუა გერმანიაში ცხოვრობს. ის აფხაზეთიდან დევნილია. ამბობს, რომ ბავშვობიდან შეეჩვია სიძნელეების გადალახვას, რაც წარმატების მიღწევაში ეხმარება. ნათია გერმანული Voice-ის გამარჯვებულია. ამჟამად პირველ მუსიკალურ ალბომს წერს და გასტროლებისთვის ემზადება. "ლაივპრესი" გთავაზობთ ინტერვიუს ნათია თოდუასთან.

ნათია თოდუა: ყველაზე მძაფრად მახსოვს წლები, როცა გალის რაიონის სოფელ ნაბაკევში, იქ სადაც ჩვენი სახლია, ნანგრევებზე ვიდექი და წარმოვიდგენდი, გადამწვარი სახლიდან გადარჩენილ რკინის ბოძებს მიკროფონებად და განათებებად და ვმღეროდი. ეს რომ მახსენდება ხოლმე, მაძლიერებს. იყო ისეთი წლები ჩემს ცხოვრებაში, როცა ვამბობდი, ნეტავ სხვა ადგილას დავბადებულიყავი, სხვა გარემოში, მაგრამ ახლა რომ ვუფიქრდები, ვერ შედგებოდა ნათია თოდუა ისეთი, როგორიც ახლა არის. მე მომწონს, რომ არ ვჩერდები და სიახლეებს ვეძებ. ვძლიერდები, რომ მიზანს მივაღწიო.

ლაივპრესი: ფიქრობ, რომ ხშირად უნდა ვისაუბროთ ომზე, აფხაზეთზე?

ნათია თოდუა: მე ყოველთვის ვიხსენებ ჩემს წარსულს, არასოდეს არაფერს ვმალავ. როცა ბავშვობაში გვინდოდა, რომ გვეცეკვა, გვეთამაშა, კინოში წავსულიყავით და ეს ყველაფერი არ გვქონდა, ვბრაზდებოდი, რატომ ჩვენ? ჩვენ ხომ ეს არ გვინდოდა, ჩვენ ხომ ამაზე არ გვიოცნებია. მართალია, ეს წარსულია, მაგრამ დღემდე ვერ ვახერხებთ იქ ჩავიდეთ და მშვიდად ვიყოთ. ჩავიდეთ სახლებში, ვინახულოთ ნათესავები. 4 წლის წინ ვიყავი ბებია და ბაბუასთან, რომლებიც აფხაზეთში ცხოვრობენ. კარგი ურთიერთობა მაქვს ჩემს ნაცნობ აფხაზებთან. ვიცი რომ ვუყვარვათ და ვახსოვართ.

ლაივპრესი: რამდენად კარგად გიცნობენ აფხაზეთში, როგორც მომღერალს?

ნათია თოდუა: მესაზღვრეები აჩვენებენ ხოლმე ბებიას ჩემს ახალ ვიდეოებს. ეუბნებიან, რომ ნათიას ახალი ფოტო დაიდო, ან ინტერვიუ. ხშირად ბებია აფხაზი მესაზღვრეებისგან იგებს ხოლმე ჩემს სიახლეებს. ეს იმას ნიშნავს, რომ ისინი იზიარებენ ჩემს სიხარულს. ეს მაბედნიერებს და იმედს მისახავს, რომ მოსალოდნელია ბევრი რამის, კონფლიქტის მშვიდობიანად, ადამიანურ პირობებში მოგვარება. ამიტომ მაქვს დიდი იმედი, რომ თანდათან ყველაფერი თავის კალაპოტს დაუბრუნდება. მაგრამ ამისთვის დიდი სიყვარული და ურთიერთგაგებაა საჭირო.

ლაივპრესი: აფხაზეთში კონცერტის გამართვაზე გიფიქრია?

ნათია თოდუა: ჩემი ოცნებაა, კონცერტი გავმართო აფხაზეთში, იმიტომ რომ ვიცი, როგორი მოწყურებულია ახალგაზრდობა და ზოგადად, მოსახლეობა პოზიტიურს და კონცერტს და ღონისძიებას. თვითონ ღონისძიებაც როგორი ფანტასტიური სიტყვაა. მსგავსი რამ მე იქ ყოფნისას არ მინახავს. ამიტომ, ეს ისეთი ადგილი მგონია, სადაც უნდა მიხვიდე და უბრალოდ იმღერო, ასიამოვნო ადამიანები სხვების ჩარევის გარეშე.

ლაივპრესი: როგორ მოახერხებ ამას?

ნათია თოდუა: ჩემი პირველი ალბომი გამოვა ივლისში და ტურნეებს ვიწყებთ გერმანიაში სექტემბრიდან. ამის შემდეგ, როგორც ხელოვანს, მექნება ჩემს პროდიუსერთან და ჩემს გუნდთან ერთად შესაძლებლობა, რომ ნებისმიერ ადგილას, ნებისმიერ ქალაქში მოვინდომო და დავგეგმო კონცერტი. ამ შესაძლებლობას ველოდები. მინდა ადამიანებმა ამას სხვა სახელი არ დაარქვან და სავსებით მიუკერძოებელი იყოს ეს, თუ გაკეთდება და ამისთვის აუცილებლად ბევრს ვიმუშავებ.

ლაივპრესი: აფხაზეთში კონცერტისთვის რეპერტუარი უკვე გაქვს შერჩეული?

ნათია თოდუა: ჩემს ალბომში 12 სიმღერა შედის. ერთ-ერთი, გაგანდობთ და გეტყვით, რომ არის საქართველოზე, რომლის მისამღერის ნაწილი არის აფხაზურად.

ლაივპრესი: რას ეტყოდი შენს აფხაზ თანატოლებს, იქ მცხოვრებ ახალგაზრდებს?

ნათია თოდუა: როცა იქ ვცხოვრობდი, ვინმეს რომ ეთქვა, ჩემი ცხოვრება 5 წელიწადში ასე შეიცვლებოდა, ვერასოდეს დავიჯერებდი. მინდა მივმართო იმათ, ვინც იქ ცხოვრობს და მოტივაცია აკლია, ან იმედი, ან განწყობა, რომ რაღაც შეიცვლება. მინდა მათ ვუთხრა, რომ მიუხედავად გარემო პირობებისა, სადაც მათ ცხოვრება და ბრძოლა გადარჩენისთვის უწევთ, ისინი არიან გმირები, რომლებიც აუცილებლად იმსახურებენ იმას, რომ იყვნენ ბედნიერები. ამიტომ, არცერთი დღით არ უნდა იფიქრონ, რომ ყველაფერი დამთავრდა. სიტყვა „არ შემიძლია“ უნდა დაივიწყონ, თუნდაც ერთი დღით შეხედონ პოზიტიურად მომავალს. გაბედონ და ხმამაღლა თქვან, რა უნდათ, რაზე ოცნებობენ, რაც დაეხმარებათ მათ იმაში, რომ ეს მოხდეს.

Print E-mail
Twitter
სხვა მასალები
რამდენიმე წლის წინ, ივანე ჯავახიშვილის სახელობის თბილისის
12:25 / 14.06.2019
რამდენიმე წლის წინ, ივანე ჯავახიშვილის სახელობის თბილისის






ქართულ აფხაზურ ურთიერთობებში წლიდან წლამდე დინამიკაში მნიშვნელოვნად
11:47 / 25.03.2019
ქართულ აფხაზურ ურთიერთობებში წლიდან წლამდე დინამიკაში მნიშვნელოვნად






სტუდენტი აფხაზეთიდან, გიორგი ციკოლია დიმიტრი გულიას სახელობის
სტიპენდიანტი გახდა.
19:17 / 21.02.2019
სტუდენტი აფხაზეთიდან, გიორგი ციკოლია დიმიტრი გულიას სახელობის სტიპენდიანტი გახდა.
ვიდეო
მეგრული ნავის ერთადერთი ოსტატი ანაკლიაში [ვიდეო]
მეგრულ ბრტყელძირიან ნავს ძველი, ტრადიციული ტექნიკით
სახლს მიღმა ბარიერია [ვიდეო]
53 წლის რუსლან საჯაიას დილა ჩვეულებრივ იწყება
ზუგდიდელების აზრი აქციის დარბევაზე - [ვიდეო]
რას ფიქრობენ ზუგდიდის მცხოვრებლები თბილისში,
 ზუგდიდში ამერიკული მოცვის პირველი მოსავალი აიღეს [ვიდეო]
ზუგდიდის სოფელ ინგირში, ათ ჰექტარზე მოცვის
რა როლი აქვთ მამებს შვილების აღზრდაში - გამოკითხვა
საქართველოში "მამის დღე" უკვე მეოთხე წელია აღინიშნება.
ფოტო
ზუგდიდში აქციის მონაწილეებმა სოლიდარობის ნიშნად თვალი წითლად შეიღებეს [ფოტო]
ზუგდიდის ბულვარში დაწყებული აქცია "სირცხვილია", სადაც
კურორტი ავადჰარა [ფოტო]
ავადჰარა ბალნეოლოგიური კურორტია აფხაზეთში,
ფოტორეპორტაჟი თბილისის საპროტესტო აქციის დაშლის ოპერაციიდან
სამართალდამცავებსა და დემონსტრანტებს შორის
საქართველოს დამოუკიდებლობის 101-ე წელი [ფოტო]
ზუგდიდელები საქართველოს დამოუკიდებლობის 101-ე
ზუგდიდის ცენტრალურ ქუჩებში საცობებია [ფოტო]
ზუგდიდის ბულვართან ცენტარლური გზების ჩაკეტვამ ქალაქში
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.