კომენტარი
სვანეთში ძველი წელთაღრიცხვის გორა ნამოსახლარი აღმოაჩინეს - ინტერვიუ არქეოლოგთან [ფოტო]
FaceBook Twitter
E-mail Print
სვანეთში, იფარის თემის სოფელ ბოგრეშში ძველი წელთაღრიცხვის მერვე-მეექვსე საუკუნეების გორა ნამოსახლარი აღმოაჩინეს. მანამდე მსგავსი 5 ნამოსახლარი იყო ცნობილი სვანეთის სხვადასხვა სოფელში, ბოგრეშში რიგით მეექვსეა.

არქეოლოგიურ ექსპედიციას თბილისის სახელმწიფო უნივერსიტეტის არქეოლოგიის, კათედრის პროფესორი ზვიად კვიციანი ხელმძღვანელობდა.

მისი თქმით, ეს არის ერთ-ერთი განსაკუთრებული აღმოჩენა მთელი კავკასიისთვის და მითუმეტეს სვანეთისთვის. როგორც ზვიად კვიციანმა „ლაივპრესს“ განუცხადა, გათხრები სოფელ ბოგრეშში ჯერ კიდევ 1979 წელს დაიწყო და სხვადასხვა წელს ეტაპობრივად გაგრძელდა.

წელს, აგვისტოში ჩატარებული გათხრების შედეგად აღმოჩენილია მერვე-მეექვსე საუკუნეების ნამოსახლარის იატაკის ფრაგმენტები, ორნამენტირებული კერამიკა, სახურავი და შენობის, ძელები. არქეოლოგის ვარაუდით, სახლი ხანძრისგან იყო განადგურებული.

„1979 წელს მესტია-უშგულის გზის გაფართოების სმუშაოების დროს, გზაზე, სოფელ ბოგრეშშთან აღმოჩენილ იქნა თიხის ჭურჭელი და ამ თიხის ჭურჭელში არსებული ბრინჯაოს ხანის არტეფაქტები, სამაჯურები, მძივები, სატევრები, შუბის პირი და კიდევ სხვა ნივთები“, - აცხადებს არქეოლოგი.

მისი სიტყვებით, ეს ადგილი 1979 წლიდან პროფესორ შოთა ჩართოლანის შეფასების შემდეგ, მიიჩნეოდა, როგორც ბრინჯაოს ხანის ბოგრეშის სამაროვანი და მას შემდეგ დამატებითი ცნობები არ იყო. მხოლოდ, 2012 წლის გათხრების შემდეგ დადასტურდა, რომ სამაროვანი არა ბრინჯაოს ხანის, არამედ შუა საუკუნეების არის.

„ჩვენ, თბილისის სახელმწიფო უნივერსიტეტის სვანეთის არქეოლოგიურმა ექსპედიციამ 2011 წელს მოვინახულეთ ეს ძეგლი, გავაკეთეთ მცირე ჭრილი და იქ გამოჩნდა ნახშიროვანი თემები. მომდევნო წელს, 2012 წელს, სტუდენტებთან ერთად ჩავატარეთ არქეოლოგიური გათხრები, რათა დაგვედგინა რა არის ეს, სამაროვანი თუ სხვა რამ...

ჩვენმა გათხრებმა აჩვენა, რომ ზედა ფენა არის სამაროვანი, მაგრამ არა ბრინჯაოს ხანის, არამედ შუა საუკუნეების. აქ აღმოჩნდა ეკლესიის კედელიც, ანუ ნაეკლესიარი. და იქვე ასევე აღმოჩნდა წყალსადენის ფრაგმენტიც. უკვე დაღრმავების შედეგად გავედით ნამოსახლარზე“, - განაცხადა ზვიად კვიციანმა.

არქეოლოგი ამბობს, რომ მნიშვნელოვნად შეაფერხა სამუშაოები და დააზიანა ძეგლი, გზის მშენებლბისას კომპანიის წარმომადგენლების გულგრილობამ, რადგან გაფრთხილების მიუხედავად უდიერად მოიქცნენ და დააზიანეს ტერიტორიაზე ნაპოვნი სხვადასხვა ნიმუშები:

„მიუხედავად იმისა, რომ გზის დაგებისას გაფრთხილებული იყვნენ, ჩვენი თხოვნა ყურად არ იღეს და ამ გზის გაფართოების დროს დააზიანეს სამარხები, სამაროვანი ძვლები. ეს ძვლები ქუჩაში დაყარეს და ა.შ. 2017 წელს, სტუდენტები მიმყავდა ექსკურსიაზე უშგულში და როცა გავჩერდით იმ ადგილზე, რათა ბავშვებისთვის მომეყოლა და მეჩვენებინა ეს ძეგლი, აღმოჩნდა, რომ არის ნახევრად გათხრილი, ძვლები იქვე დაყრილი. მოვიდნენ ჩემთან მუშები და მითხრეს, რომ ძვლები რაც გადმოიყარა, ავკრიფეთ და იქით დავყარეთო. ამის შემდეგ ჩვენ კიდევ მივმართეთ მშენებელი კომპანიის ხელმძღვანელს, რომელ უწყებასაც არ მივწერე, ეს ვერავინ ვერ გააჩერა“, - აცხადებს არქეოლოგი.

როგორც ზვიად კვიციანმა განმარტა, წლევანდელმა სამუშაოებმა, რომელიც კულტურული მემკვიდრეობის დაცვის სააგენტომ და თბილისის სახელმწიფო უნივერსიტეტმა დააფინანსეს, მანამდე არსებულ მნიშვნელოვან კითხვებს გასცა პასუხი. იფარის თემის სოფელ ბოგრეშში გათხრები დღესაც გრძელდება.

არქეოლოგის სიტყვებით, ამ აღმოჩენამდე სვანეთში სულ 5 გორა ნამოსახლარი იყო ცნობილი - 2 ხაიშში და თითოთითო ნაკრაში, ეცერში და უშგულში.

არქეოლოგი ამბობს, რომ მნიშვნელოვანია ამ ადგილის სრული გამოკვლევა, ამიტომ მომდევნო წლებში სამუშაოების დაფინანსების თხოვნით გეგმავს მიმართოს, კულტურის სამინისტროს, პრეზიდენტის ადმინისტრაციას და პრემიერ-მინისტრს.

ფოტოები „ლაივპრესს“ არქეოლოგმა ზვიად კვიციანმა მიაწოდა.
Print E-mail
Twitter
სხვა მასალები
სიტყვა ლაკოაჟი ფრანგულივით კი ჟღერს, თუმცა აფხაზური ვაზის ჯიშის
სახელწოდებაა,
13:20 / 16.09.2019
სიტყვა ლაკოაჟი ფრანგულივით კი ჟღერს, თუმცა აფხაზური ვაზის ჯიშის სახელწოდებაა,
რამდენიმე წლის წინ, ივანე ჯავახიშვილის სახელობის თბილისის
12:25 / 14.06.2019
რამდენიმე წლის წინ, ივანე ჯავახიშვილის სახელობის თბილისის
23 წლის მომღერალი ნათია თოდუა გერმანიაში ცხოვრობს.
13:30 / 07.06.2019
23 წლის მომღერალი ნათია თოდუა გერმანიაში ცხოვრობს.
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად
ფოტო
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი დაზიანებულია,
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.