კომენტარი
ლაკოაჟი - სამოსი აფხაზური ვაზის სახელით [ფოტო]
FaceBook Twitter
E-mail Print
სიტყვა ლაკოაჟი ფრანგულივით კი ჟღერს, თუმცა აფხაზური ვაზის ჯიშის სახელწოდებაა, რომელიც 22 წლის ნიკა მიქავამ საკუთარ ბრენდს დაარქვა.

კავკასიის უნივერსიტეტის ეკონომიკის სკოლის სტუდენტი, მიუხედავად იმისა, რომ არასდროს ყოფილა აფხაზეთში, განსაკუთრებით უყვარს. ოკუპირებულ ტერიტორიას ის სოხუმელი მშობლების მონათხრობიდან და ფოტოებიდან იცნობს.

ზღვისპირა კურორტის სილამაზით და მოყოლილი ისტორიებით მოხიბლულმა, შთაბეჭდილებების გადატანა მაისურებზე სცადა. ახლა უკვე გაყიდვაშია მისი დიზაინით შექმნილი სამოსი წარწერებით: სოხუმი, გაგრა, აფხაზეთი. ნიკა უახლოეს მომავალში მაისურების პარალელურად, იგივე შინაარსის წარწერებით აქსესუარების გამოშვებას გეგმავს.

ფოტოზე: ნიკა მიქავა

ნიკა მიქავა - „ლაივპრესს“ უყვება, როგორ დაიბადა „ლაკოაჟი“ და რა გეგმები აქვს მომავალში.

ნიკა მიქავა - „ლაკოაჟის“ შექმნის იდეა ჩემივე სურვილიდან წამოვიდა, მცმოდა ბრენდირებული მაისურები სოხუმის, გაგრის, აფხაზეთის. მთელს მსოფლიოში შეხვდებით ჰუდებს, მაისურებს, რომლებზეც სხვადასხვა ქალაქია გამოსახული, ან მინიმალისტურადაა დაწერილი მათი სახელი. ზუსტად ესაა ჩემი მიზანიც, სოხუმის მაისური ისეთივე „cool” იყოს, როგორც მაიამის ან კალიფორნიის და მსოფლიოს მასშტაბით იყოს მოთხოვნა მათზე. მოდის ტენდენციებს ვადევდნებდი თვალს, მაგრამ მე თავად არასდროს ვყოფილვარ ჩართული, მომხმარებლის და მაყურებლის როლში ვიყავი მხოლოდ.

„ლაივპრესი“ - რატომ შეარჩეით ბრენდისთვის სახელი „ლაკოაჟი“?

ნიკა მიქავა - ბევრი ვიფიქრე სახელზე. მინდოდა რაღაცით ყოფილიყო დაკავშირებული აფხაზეთთან. საბოლოოდ ისე მოხდა, რომ ჩემთვის მისაღებ, ლამაზ და ჟღერად სახელს მივაგენი - „ლაკოაჟს“, რომელიც აფხაზური ვაზის ჯიშია.

„ლაივპრესი“ - მარტო შეიმუშავეთ ბრენდის კონცეფცია?

ნიკა მიქავა - თავიდან, რადგანაც მაისურებით დავიწყეთ ყველაფერი, საჭირო იყო დიზაინების მოფიქრება, რასაც მაისურზე გამოვსახვდით. მე ტექნიკური ცოდნა არ მქონდა ამ საკითხში, ამიტომ ჩემი მეგობარი, დავით სარალაშვილი დამეხმარა, რომელიც გრაფიკული დიზაინერია. მე მაისურების დიზაინს ვარჩევდი, დავდიოდი ეროვნულ არქივში, სადაც მივაგენი ბევრ უნიკალურ და შთამბეჭდავ ფოტოს. მქონდა ურთიერთობა აფხაზეთიდან დევნილ სხვა ადამიანებთან. ვეკითხებოდი მათ აზრს, ვუსმენდი მათ ისტორიებს. ამ ყველაფრის მიქსმა საბოლოოდ ჩამომაყალიბა, თუ როგორი უნდა ყოფილიყო ჩვენი ბრენდის კონცეფცია, მიზანი და ასევე ის, თუ სად უნდა გაგვეყიდა.

„ლაივპრესი“ - ამ ეტაპზე მხოლოდ მაისურები გაქვთ. თუ არის სხვა ტანსაცმელიც ან აქსესუარები?

ნიკა მიქავა - ამ ეტაპზე მაისურებთან ერთად შემოდგომა-ზამთრის კოლექციაზე ვმუშაობთ და ვიწყებთ ჰუდების და გრძელმკლავიანი მაისურების გამოშვებას. ასევე ვგეგმავთ ჟაკეტების, ქუდების, ჩანთებისა და სხვადასხვა აქსესუარის დამატებასაც. სამომავლოდ დიდი მიზნები გვაქვს, მაღაზიის გახსენას ვგეგმავთ და აქტიურ მუშაობას კოლექციებზე.

„ლაივპრესი“ - ტანსაცმლის დიზაინზეც თავად მუშაობთ? მოგვიყევით რითია განსხვავებული „ლაკოაჟის“ მაისურები?

ნიკა მიქავა - დიახ, თავად ვმუშაობ. ვთანამშრომლობ რამდენიმე სამკერვალოსთან გამომდინარე იქიდან, რომ არ გვაქვს ჯერ ჩვენი საკუთარი. იქ ვაკეთებთ თარგებს. მაქსიმალურად ვცდილობთ, თითოეული დიზაინი იყოს კომფორტული და ხარისხიანი.

„ლაივპრესი“ - რა სერვისს სთავაზობთ მომხმარებელს და ასევე საინტერესოა, რომელ მაისურებზეა მეტი მოთხოვნა?

ნიკა მიქავა - ქართულ ბაზარზე უცხოა ონლაინ მაღაზიები, თუმცა ვფიქრობ მომავალში ყველაზე მოთხოვნადი იქნება. ჩვენ ყველაფერი ამით დავიწყეთ, შევქმენით ონლაინ მაღაზია და გავამარტივეთ პროცესი. სახლიდან გაუსვლელად შეუძლიათ სასურველი მაისურის შეძენა. მისამართს უთითებს მომხმარებელი და ორ სამუშაო დღეში მიიღებს. ყველაზე მოთხოვნადი სოხუმის მაისურებია.

„ლაივპრესი“ - რა ასაკის მომხმარებელი გყავთ ძირითადად?

ნიკა მიქავა - გამომდინარე თემატიკიდან, ყველა ასაკის ადამიანი დავაინტერესეთ - სტუდენტი, სკოლის მოსწავლე, პენსიონერიც, რომელსაც მოგონებები აკავშირებს აფხაზეთთან. ასევე ტურისტებშიც საკმაოდ დიდი მოწონება დავიმსახურეთ, სხვადასხვა ქუჩის მარკეტებზე მონაწილეობისას.

„ლაივპრესი“ - თუ ყოფილა გამოხმაურება აფხაზეთიდან?

ნიკა მიქავა - სამწუხაროდ ჯერ მსგავსი შემთხვევა არ ყოფილა. რთული საკითხია, მაგრამ რეალურად მიმაჩნია, რომ აფხაზებიც დაინტერესდნენ.

„ლაივპრესი“ - თუ ხართ მზად დაინტერესების შემთხვევაში მათ პროდუქტი მიაწოდოთ?

ჩვენ მაისურებს თითოეულს აწერია, აფხაზეთი საქართველოა. თუ ამას იზიარებს და ეთანხმება რომელიმე აფხაზი ან აფხაზეთში მცხოვრები, დიდი სიამოვნებით გადავცემდით მაისურებს.

„ლაივპრესი“ - თუ ფიქრობთ გაფართოებაზე და რა კუთხით?

ნიკა მიქავა - რა თქმა უნდა, ვფიქრობთ გაფართოებას. პირველ რიგში, ქართულ ბაზარზე დამკვიდრებას ვცდილობთ. ვგეგმავთ, მაღაზიის გახსნას. შემდეგი ნაბიჯი უცხოური ბაზარია. ვაპირებთ ჩვენი პროდუქცია amazon-ზე განვათავსოთ.

„ლაივპრესი“ - რაც შეეხება თქვენს კავშირებს სოხუმთან, რა იცით ამ ქალაქზე, თქვენს სახლზე?

ნიკა მიქავა - ჩემი ორივე მშობელი სოხუმელია. მე არასდროს მქონია შანსი მენახა აფხაზეთი, თუმცა უამრავ ამბავს მიყვებოდნენ ოჯახში აფხაზეთის შესახებ. დიდი სიყვარულით და სევდით იხსენებდნენ იქაურ ამბებსა და სილამაზეს. ჩემი იურიდიული მისამართია ქ. სოხუმი, პაპასკირის ქუჩაა.

როგორც სურათებიდან და ჩემების მონათხრობიდან ვიცი, ჩვენი სახლი ფუნიკულიორთან ახლოს იყო და შესაბამისად, ეზოდან ულამაზესი ხედი იშლებოდა- ქალაქისა და უჰორიზონტო ზღვის. სიმართლე გითხრათ, ჩემი ერთ-ერთი ოცნება მსგავსი სახლის შეძენაა. ამჟამად, როგორც ვიცი, აფხაზი ქალი ცხოვრობს ჩვენს სახლში და შენარჩუნებული აქვს იერსახე. უბრალოდ ქუჩა არის შეცვლილი და დაუშნოებული გარაჟებითა და გაურკვეველი კონსტრუქციებით.
Print E-mail
Twitter
სხვა მასალები
აფხაზეთში ბოლო დღეებში განვითარებული მოვლენები და ახალი არჩევნების
მოლოდინი - რა
17:55 / 17.01.2020
აფხაზეთში ბოლო დღეებში განვითარებული მოვლენები და ახალი არჩევნების მოლოდინი - რა
ზუგდიდელი თეიმურაზ თოლორაია ყაზახეთში გამართული ჟაუტიკოვის
საერთაშორისო ოლიმპიადიდან
15:02 / 16.01.2020
ზუგდიდელი თეიმურაზ თოლორაია ყაზახეთში გამართული ჟაუტიკოვის საერთაშორისო ოლიმპიადიდან
როგორ განვითარდება მოვლენები სოხუმში და რა გავლენას იქონიებს
მიმდინარე პროცესები ქართულ-აფხაზურ ურთიერთობებზე,
12:32 / 10.01.2020
როგორ განვითარდება მოვლენები სოხუმში და რა გავლენას იქონიებს მიმდინარე პროცესები ქართულ-აფხაზურ ურთიერთობებზე,
საქართველოსთან ურთიერთობების პერსპექტივა და რუსეთის გავლენა, მედიის
თავისუფლება და
11:38 / 07.12.2019
საქართველოსთან ურთიერთობების პერსპექტივა და რუსეთის გავლენა, მედიის თავისუფლება და
ვიდეო
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე საპროტესტო
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
„ოდოია“ აფხაზებს შობა-ახალ წელს ულოცავს [ვიდეო]
ანსამბლი „ოდოია“ აფხაზებს შობა-ახალ წელს მათი ძველებური,
ზუგდიდის ბოტანიკურმა ბაღმა პირველი დამთვალიერებლები მიიღო [ვიდეო]
ზუგდიდის ბოტანიკური ბაღი დღეიდან ყველასთვის ღიაა.
საახალწლო ქოხები მუყაოსგან [ვიდეო]
ზუგდიდელმა ხელოვანმა ირინა მიქავამ საახალწლო სამზადისი უკვე
ფოტო
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
ჩირის ფარდები მარტვილის სოფლებში [ფოტო]
მარტვილში ხურმა სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
მზარეულის მაგიდა
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.