საოპერო მომღერლის გზა აფხაზეთიდან ევროპამდე [ვიდეო]
ცნობილმა კინორეჟისორმა მარტინ სკორსეზემ, დოკუმენტურ ფილმში
ქართველი საოპერო მომღერალი, სალომე ჯიქია გადაიღო. ის თბილისის
ზაქარია ფალიაშვილის სახელობის, სახელმწიფო საოპერო თეატრის სოლისტია,
ბოლო წლები კი ევროპის სხვადასხვა თეატრების სცენაზე გამოდის.
მომღერალმა „ლაივპრესს“ უამბო, თუ როგორი იყო მისი გზა ევროპამდე.
სალომე ჯიქია: დავიბადე ზუგდიდში. დედა სოხუმელი მყავს, მამა კი ზუგდიდელი, მაგრამ ნახევრად სოხუმში ვცხოვრობდით, რადგანაც ჩემი სამი და სწავლობდა სოხუმში. აფხაზეთის დაკარგვის შემდეგ გადავედით თბილისში. სწავლა გავაგრძელე მუსიკალურ ათწლედში. მთელი ჩემი ბავშვობა უკავშირდება ფორტეპიანოს. მახსოვს გაყინული კლასები, კონცერტის წინ კულისებში როგორ ვკანკალებდით სიცივისგან და როგორი რთული იყო დაკვრა, რადგან ზოგადად, არანაირი პირობები არ გვქონდა.
ლაივპრესი: რა ასაკში დაიწყეთ სიმღერა?
სალომე ჯიქია: ჩემი სიმღერით გატაცება საკმაოდ გვიან მოხდა. ვიყავი კონსერვატორიის მესამე კურსზე, როცა დავიწყე მეცადინეობა. ნელ-ნელა მივხვდი, რომ ეს ის პროფესია იყო, რომელიც ჩემს მომავალს განსაზღვრავდა და შემდეგ ბოლომდე მივუძღვენი თავი სიმღერას.
ლაივპრესი: თქვენი კარიერისთვის რომელი ეტაპი იყო ყველაზე მნიშვნელოვანი?
სალომე ჯიქია: მნიშვნელოვანი იყო პირველი გასვლა ევროპაში, როცა სანტა სესილიას აკადემიაში, ცნობილ მომღერალ რენატა სკოტუსთან მივიღე გაკვეთილები. შემდეგ უკვე როსინის ფესტივალზე ამიყვანეს და მე გავხსენი ეს მნიშვნელოვანი ფესტივალი მთავარი პარტიით. ზუსტად ამის შემდეგ გახსნის შემდეგ დაიწყო ჩემი, როგორც მომღერლის კარიერა. წამოვიდა მეტი კონტრაქტი. მყავს მენეჯერი ალესანდრო არიოზი, რომელიც არის პლასიდო დომინგოს აგენტიც. მე მაქვს ბედნიერება, ვიმუშავო ასეთ ძლიერ აგენტთან.
ლაივპრესი: როგორ მოხვდით ცნობილი რეჟისორის, მარტინ სკორსეზეს ფილმში?
სალომე ჯიქია: რაც შეეება სკორსეზეს დოკუმენტურ ფილმში მოხვედრას, ეს იტალიური მხარის დამსახურებაა, რადგან მათ სჭირდებოდათ მეცო სოპრანოს, დიდი დიაპაზონის მომღერალი. ამ შემთხვევაში მე, როგორც როსინის მომღერალი, ასეთი ტიპის რეპერტუარს ვმღერი.
ეს არის დოკუმენტური ფილმი, რომელიც გვიამბობს ემიგრანტების როლზე ამერიკის კულტურის განვითარებაში. სკორსეზე დაინტერესდა სან პატრიკის ტაძრის გუნდით, რადგან თვითონ ბავშვობაში ამ გარემოში გაიზარდა. სან პატრიკის ტაძარში 200 წლის წინ იტალური მუსიკის გაზიარება მოხდა ამერიკულ პუბლიკასთან. აქ მღეროდა ულიმიტო დიაპაზონის მქონე პირველი საოპერო დივა, მარია მალიბრანი.
ფილმის პრემიერა იქნება იანვრის ბოლოს, სანტა ბარბარას საერთაშორისო კინოფესტივალზე.
ლაივპრესი: როგორია თქვენი სამომავლო გეგმები?
სალომე ჯიქია: 22 მარტს ვენაში მაქვს დებიუტი. მაისში მიუნხენში, შემოდგომაზე კი ციურიხში. თუმცა ყველაზე მნიშვნელოვანი მანამდე ხდება - თებერვლის ბოლოს, ან მარტის დასაწყისში ბავშვს ველოდები.
ვიდეოში მომღერალი ასრულებს სემირამიდას პარტიას ჯოაკინო როსინის ოპერიდან.
სალომე ჯიქია: დავიბადე ზუგდიდში. დედა სოხუმელი მყავს, მამა კი ზუგდიდელი, მაგრამ ნახევრად სოხუმში ვცხოვრობდით, რადგანაც ჩემი სამი და სწავლობდა სოხუმში. აფხაზეთის დაკარგვის შემდეგ გადავედით თბილისში. სწავლა გავაგრძელე მუსიკალურ ათწლედში. მთელი ჩემი ბავშვობა უკავშირდება ფორტეპიანოს. მახსოვს გაყინული კლასები, კონცერტის წინ კულისებში როგორ ვკანკალებდით სიცივისგან და როგორი რთული იყო დაკვრა, რადგან ზოგადად, არანაირი პირობები არ გვქონდა.
ლაივპრესი: რა ასაკში დაიწყეთ სიმღერა?
სალომე ჯიქია: ჩემი სიმღერით გატაცება საკმაოდ გვიან მოხდა. ვიყავი კონსერვატორიის მესამე კურსზე, როცა დავიწყე მეცადინეობა. ნელ-ნელა მივხვდი, რომ ეს ის პროფესია იყო, რომელიც ჩემს მომავალს განსაზღვრავდა და შემდეგ ბოლომდე მივუძღვენი თავი სიმღერას.
ლაივპრესი: თქვენი კარიერისთვის რომელი ეტაპი იყო ყველაზე მნიშვნელოვანი?
სალომე ჯიქია: მნიშვნელოვანი იყო პირველი გასვლა ევროპაში, როცა სანტა სესილიას აკადემიაში, ცნობილ მომღერალ რენატა სკოტუსთან მივიღე გაკვეთილები. შემდეგ უკვე როსინის ფესტივალზე ამიყვანეს და მე გავხსენი ეს მნიშვნელოვანი ფესტივალი მთავარი პარტიით. ზუსტად ამის შემდეგ გახსნის შემდეგ დაიწყო ჩემი, როგორც მომღერლის კარიერა. წამოვიდა მეტი კონტრაქტი. მყავს მენეჯერი ალესანდრო არიოზი, რომელიც არის პლასიდო დომინგოს აგენტიც. მე მაქვს ბედნიერება, ვიმუშავო ასეთ ძლიერ აგენტთან.
ლაივპრესი: როგორ მოხვდით ცნობილი რეჟისორის, მარტინ სკორსეზეს ფილმში?
სალომე ჯიქია: რაც შეეება სკორსეზეს დოკუმენტურ ფილმში მოხვედრას, ეს იტალიური მხარის დამსახურებაა, რადგან მათ სჭირდებოდათ მეცო სოპრანოს, დიდი დიაპაზონის მომღერალი. ამ შემთხვევაში მე, როგორც როსინის მომღერალი, ასეთი ტიპის რეპერტუარს ვმღერი.
ეს არის დოკუმენტური ფილმი, რომელიც გვიამბობს ემიგრანტების როლზე ამერიკის კულტურის განვითარებაში. სკორსეზე დაინტერესდა სან პატრიკის ტაძრის გუნდით, რადგან თვითონ ბავშვობაში ამ გარემოში გაიზარდა. სან პატრიკის ტაძარში 200 წლის წინ იტალური მუსიკის გაზიარება მოხდა ამერიკულ პუბლიკასთან. აქ მღეროდა ულიმიტო დიაპაზონის მქონე პირველი საოპერო დივა, მარია მალიბრანი.
ფილმის პრემიერა იქნება იანვრის ბოლოს, სანტა ბარბარას საერთაშორისო კინოფესტივალზე.
ლაივპრესი: როგორია თქვენი სამომავლო გეგმები?
სალომე ჯიქია: 22 მარტს ვენაში მაქვს დებიუტი. მაისში მიუნხენში, შემოდგომაზე კი ციურიხში. თუმცა ყველაზე მნიშვნელოვანი მანამდე ხდება - თებერვლის ბოლოს, ან მარტის დასაწყისში ბავშვს ველოდები.
ვიდეოში მომღერალი ასრულებს სემირამიდას პარტიას ჯოაკინო როსინის ოპერიდან.