კომენტარი
კორონავირუსი და დეზინფორმაციის შედეგები - ინტერვიუ ინფექციონისტთან
FaceBook Twitter
E-mail Print
კორონავირუსის გავრცელებასთან ერთად, ვირუსის შესახებ გაჩნდა ბევრი ყალბი ნიუსი, რომელიც სოციალურ ქსელებში სწრაფად ვრცელდება. შესაბამისად, ადამიანებს შესაძლოა გაუჭირდეთ სიმართლისა და გამოგონილი ამბის გარჩევა.

რა მითებია გავრცელებული Covid-19-ის სახლის პირობებში მკურნალობისთვის და რა ზიანი შეიძლება გამოიწვიოს ამან ვირუსთან ბრძოლის დროს. „ლაივპრესი“ ზუგდიდის ინფექციური საავადმყოფოს ექიმ-ინფექციონისტს, ლალი დარახველიძეს ესაუბრა.

ლაივპრესი: სანამ არ არსებობს კორონავირუსის ვაქცინა, ან მედიკამენტი, ხალხში ვრცელდება ერთგვარი მითები, რომ შესაძლებელია ვირუსის პრევენცია სახლის პირობებშიც. სამკურნალო საშუალებებად სახელდება ნიორი, არაყი, წიწაკა, ცხელი წყალი და კიდევ ბევრი რამ. ყველაზე ხშირად რომელი მითის სჯერათ თქვენს პაციენტებს?

ლალი დარახველიძე: სამეგრელოში კორონავირუსის დადასტურებულ შემთხვევამდე, ინფექციურ საავადმყოფოში პაციენტებს ვიღებდით ცხელების ნიშნებით. ისინი ხშირად აღნიშნავდნენ, რომ პრევენციის მიზნით სვამდნენ ცხელ წყალს. ერთმა პაციენტმა კი დიდი რაოდენობით მდუღარე წყალი დალია, მართალია დამწვრობას გადაურჩა, მაგრამ საყლაპავი მილის დაზიანებაც მიიღო.

ზოგადად, ვირუსული ინფექციების დროს, სითხის მიღება კარგია, თუმცა არა ცივი და ცხელის. ცივმა შესაძლოა ხელი შეუწყოს ანთებით პროცესს. ცხელი წყალი კი ვირუსს ვერაფერს უზამს და ჩვენ დაგვაზიანებს. უბრალოდ, უნდა მივიღოთ, ოთახის ტემპერატურის წყალი, თუმცა ეს არ არის სამკურნალო, ან პრევენციის საშუალება.

ცხელი წყლის გარდა, გავრცელებულია მოსაზრება, რომ ნიორი, არაყი, წიწაკა თითქოს პრევენციული საშუალებებია. ნიორი ჯანსაღი საკვებია, რომელსაც გარკვეული ანტიმიკრობული თვისებები აქვს და იმუნური სისტემის გაძლიერებაში ეხმარება ორგანიზმს, თუმცა არ არსებობს იმის მტკიცებულება, რომ ნივრის მოხმარება ადამიანებს კორონავირუსისგან დაგვიცავს.

სანამ სამეგრელოში ვირუსის პირველი შემთხვევა დადასტურდებოდა, იმასაც ამბობდნენ, რომ შესაძლოა, მეგრელებს წიწაკა იცავდა ვირუსისგან, თუმცა ეს მითიც ისევე როგორც სხვა დანარჩენი, მალევე გაქარწყლდა.

სოციალურ ქსელებში ვხედავ ნიუსებს კორონავირუსის მკურნალობაზე, ნივრით, არყით, წიწაკით, ან ცხელი წყლით, და.ა.შ. მათი უმრავლესობა რუსული წყაროებიდანაა.

ლაივპრესი: კორონავირუსთან დაკავშირებული მითებიდან, ყველაზე ახალი მითია, რომ პირბადის ხშირი გამოყენება აზიანებს ადამიანის ჯანმრთელობას. ეს მოსაზრება ხალხში მას შემდეგ გაჩნდა, რაც პირბადის ტარება სავალდებულო გახდა.

ლალი დარახველიძე: ზოგადად, პირბადის ტარება არ არის სიახლე ვირუსების დროს. წვეთოვანი ინფექციების გავრცელების შემთხვევაში, ყოველთვის იყო მისი ტარების რეკომენდაცია. რადგან დახველების, დაცემინების, ან თუნდაც სიცილის დროს, შესაძლებელია ნერწყვთან ერთად პირის ღრუში არსებული ინფექციის შემცველი ნერწყვის წვეთები მიმოიფრქვეს ირგვლივ და შესაძლოა მოხვდეს ჩვენს გარშემო არსებული საგნების ზედაპირზეც.

თუმცა არსებობს მისი ტარების წესები, რომელიც აუცილებლად უნდა დავიცვათ. უნდა გვქონდეს დაფარული ცხვირი, პირის ღრუ და არა ისე, რომ ნიკაპზე გვქონდეს ამოცმული ან ცხვირი ჩანდეს.

ამასთან, ყველა პირბადეს ანოტაცია მოყვება ხოლმე. ზოგადად, საჭიროა, რომ ის ყოველ 2 საათში გამოვიცვალოთ, თუმცა ზოგს თავისი ფილტრი მოყვება და შესაძლებელია ის უფრო დიდ ხანს გვეკეთოს, მაგრამ ამ შემთხვევაშიც, გარკვეული ვადის გასვლის შემდეგ აუცილებლად უნდა გამოვიცვალოთ.

ლაივპრესი: პაციენტის მკურნალობისას, შემაფერხებელია თუ არა გავრცელებული დეზინფორმაცია და რომელი მითია ყველაზე მეტად ხელისშემშლელი?

ლალი დარახველიძე: კორონავირუსის გავრცელების პირველ ეტაპზე პაციენტებს არ სჯეროდათ მისი არსებობის. ამის მიზეზები ჩემთვის გასაგებია. თავდაპირველად, როცა პაციენტს ჩავეკითხებოდი, თუ როგორ გრძნობდა თავს, მპასუხობდა, რომ კარგად. ხველაც ზომიერი, მშრალი ჰქონდა, არც ძლიერი სუნთქვის უკმარისობა, ქოშინი აწუხებდა, სატურაციაც ნორმალური ჰქონდა, ამიტომაც ეგონა, რომ ვაზვიადებდით, მაგრამ ჩატარებულ კვლევებში ჩანდა, რომ იყო პაციენტის მდგომარეობა იყო საკმაოდ საყურადღებო.

განსაკუთრებული სიმძიმე იწყებოდა დაავადების განვითარების მე-6, მე-7 დღიდან. მხოლოდ მაშინ იჯერებდა პაციენტი, რომ ის ნამდვილად კოვიდინფიცირებული იყო.

თავიდან, ეს რა თქმა უნდა, ხელისშემშლელი იყო, მაგრამ ყველა მითი საბოლოოდ იმსხვრევა. როცა საქმე ადამიანის სიცოცხლეს და ჯანმრთელობას ეხება, მაშინ პაციენტს ექიმის სჯერა და არა მითების.
Print E-mail
Twitter
სხვა მასალები
შემოდგომაზე საქართველოში პარლამენტის არჩევნები უნდა ჩატარდეს. ჯერ
უცნობია
13:41 / 09.06.2020
შემოდგომაზე საქართველოში პარლამენტის არჩევნები უნდა ჩატარდეს. ჯერ უცნობია
რუსეთის მიერ ოკუპირებული აფხაზეთის საგანგებო შტაბის ინფორმაციით,
12:20 / 03.06.2020
რუსეთის მიერ ოკუპირებული აფხაზეთის საგანგებო შტაბის ინფორმაციით,
პირველ ივნისს მსოფლიო ბავშვთა უფლებების დაცვის საერთაშორისო დღეს
აღნიშნავს. რამდენად დაცულია
20:04 / 01.06.2020
პირველ ივნისს მსოფლიო ბავშვთა უფლებების დაცვის საერთაშორისო დღეს აღნიშნავს. რამდენად დაცულია
უახლოეს დღეებში პირველი მეგრულენოვანი ჟურნალი - „სქანი“ გამოვა.
21:21 / 22.04.2020
უახლოეს დღეებში პირველი მეგრულენოვანი ჟურნალი - „სქანი“ გამოვა.
ვიდეო
ახალი ტურისტული ატრაქცია ნოქალაქევის სიახლოვეს [ვიდეო]
სენაკის სოფელ ბეთლემში, შემეცნებით-გასართობი ატრაქცია „თოკების პარკის“ მოწყობა მიმდინარეობს.
ბიზნესი პატარძლების მოლოდინში [ვიდეო]
კორონავირუსის პანდემიის გამო მნიშვნელოვნად იზარალა ქორწილის და სხვა მასშტაბური
როგორ გადაურჩა თხილის კულტურა პანდემიას და რას ითხოვენ ფერმერები - [ვიდეო]
ფერმერები უკვე თანხმდებიან, რომ სწორად შეწამვლის შემთხვევაში
ენგურის ხიდი ისევ ცალმხრივად გაიხსნა [ვიდეო]
მარტში პანდემიის მიზეზით ჩაკეტილი ენგურის ხიდი ბოლო
არჩევნები და კორონავირუსი - რას ფიქრობს ამომრჩეველი - [გამოკითხვა]
მიუხედავად იმისა, რომ საქართველომ პანდემიის გამო
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.