კულტურა
გარდაიცვალა მომღერალი და პედაგოგი, ნოდარ ანდღულაძე
18:23 / 30.01.2013
გარდაიცვალა მომღერალი და პედაგოგი, ნოდარ ანდღულაძე

85 წლის ასაკში გარდაიცვალა ცნობილი ქართველი საოპერო მომღერალი და პედაგოგი, ნოდარ ანდღულაძე - ასევე ცნობილი მომღერლის, დავით ანდღულაძის შვილი და მოწაფე. 1956 წლიდან ნოდარ ანდღულაძე იყო თბილისის ოპერისა და ბალეტის თეატრის სოლისტი, ასრულებდა ტენორის პარტიებს ვერდის, პუჩინის, ჩაიკოვსკის, თაქთაქიშვილის, სხვა კომპოზიტორთა ოპერებში. 1968 წლიდან ის პედაგოგიურ მოღვაწეობას ეწეოდა თბილისის სახელმწიფო კონსერვატორიაში, არის ვოკალური ხელოვნების თეორიის, ისტორიისა და მეთოდიკის დარგში გამოკვლევების ავტორი. მას მიღებული ჰქონდა ფილოლოგიური განათლებაც და იკვლევდა იბერიულ-კავკასიური ენების შედარებითი გრამატიკის საკითხებს.

ტინა ტერნერს შვეიცარიის მოქალაქეობის მიღება სურს
17:18 / 26.01.2013
ტინა ტერნერს შვეიცარიის მოქალაქეობის მიღება სურს

ამერიკის მუსიკალური სამყაროს ლეგენდარული ფიგურა, ტინა ტერნერი, შვეიცარიის მოქალაქეობის მისაღებად ემზადება. 73 წლის მუსიკოსის პრესმდივნის განცხადებით, ტერნერის თხოვნას უკვე გაეცა დადებითი პასუხი ციურიხის იმ შემოგარენის ადმინისტრაციისგან, სადაც ვარსკვლავი ამჟამად ცხოვრობს. ახლა ტერნერის თხოვნა ქვეყნის ცენტრალურმა მთავრობამ უნდა განიხილოს. ტერნერი გერმანელ პარტნიორთან ერთად შვეიცარიაში უკვე თითქმის 20 წლის განმავლობაში ცხოვრობს. მისი პრესმდივნის თქმით, ვარსკვლავი კმაყოფილია პირადი სივრცის დაცულობით, რომლითაც ის შვეიცარიაშია უზრუნველყოფილი მას შემდეგ, რაც 2009 წელს ოფიციალურად დაასრულა თავისი მუსიკალური კარიერა. მსოფლიოს გარშემო გაყიდულია ტინა ტერნერის 200 მილიონ ჩანაწერამდე. ვარსკვლავი რვა გრემის პრემიის მფლობელია.

ზუგდიდის გამგეობამ მოდების ჩვენებისთვის 26.445 ლარი დახარჯა [Video]
17:16 / 23.01.2013
ზუგდიდის გამგეობამ მოდების ჩვენებისთვის 26.445 ლარი დახარჯა [Video]

ზუგდიდის მუნიციპალიტეტის გამგეობამ 2010 წლიდან 2012 წლის ჩათვლით მოდების ჩვენებისთვის ადგილობრივი ბიუჯეტიდან 26,445 ლარი გამოყო, - ამის შესახებ ინფორმაცია ორგანიზაცია „საერთაშორისო გამჭვირვალობა - საქართველო“ ზუგდიდის ოფისმა 22 იანვარს გამგეობიდან მიიღო.

კულტურის სფეროს 2012 წლის პრიორიტეტები
11:40 / 22.01.2013
კულტურის სფეროს 2012 წლის პრიორიტეტები

კულტურისა და ძეგლთა დაცვის სამინისტრომ შარშან, 10 თვის განმავლობაში სხვადასხვა ღონისძიებების დაფინანსებისთვის 12 მილიონ 265 ათას 272 ლარი გამოყო. ამის შესახებ ინფორმაციას საჯარო ინფორმაციის მონაცემთა ბაზის ვებ-გვერდი ავრცელებს.

გარდაიცვალა მსახიობი გურამ საღარაძე
19:46 / 17.01.2013
გარდაიცვალა მსახიობი გურამ საღარაძე

ხუთშაბათს თბილისში გარდაიცვალა თეატრისა და კინოს ცნობილი მსახიობი, გურამ საღარაძე, რომელსაც სულ რამდენიმე დღის წინ, 12 იანვარს, 84 წელი შეუსრულდა.

საღარაძემ 1951 წელს დაამთავრა თბილისის შოთა რუსთაველის სახელობის თეატრალური ინსტიტუტი და მრავალი წელი იყო თბილისის რუსთაველის სახელობის სახელმწიფო აკადემიური თეატრის დასის წევრი. საღარაძის მიერ შესრულებულ როლებს შორის მაყურებელს განსაკუთრებით დაამახსოვრდა მისი სოსო (ოტია იოსელიანის „ადამიანი იბადება ერთხელ“), თესევსი, მასხარა და იულიუს კეისარი (უილიამ შექსპირის „ზაფხულის ღამის სიზმარი“, „მეფე ლირი“ და „იულიუს კეისარი“), ჰეილი (ართურ მილერის „სეილემის პროცესი“), ტიპოტესკუ (იონ ლუკა კარაჯალეს „დაკარგული ბარათი“), დურსუნი და ჭეიშვილი (ნოდარ დუმბაძის „მზიანი ღამე“ და „საბრალდებო დასკვნა“), მინდია (კონსტანტინე გამსახურდიას „ხოგაის მინდია“), შე ფუ, თავადი ყაზბეგი, ეფრეიტორი, ბერი (ბერტოლტ ბრეხტის „სეჩუანელი კეთილი ადამიანი“ და „კავკასიური ცარცის წრე“), ტომი (ტ.უილიამსის „შუშის სამხეცე“), გიორგი ჯაფარიძე (რეზო თაბუკაშვილის „რაიკომის მდივანი“), უჩა (თამაზ ჭილაძის „როლი დამწყები მსახიობი გოგონასათვის“) და სხვა.

თავად საღარაძე თავის სამსახიობო კარიერაში ყველაზე წარმატებულ ნამუშევრად მიიჩნევდა მიხეილ თუმანიშვილის სპექტაკლს „როცა ასეთი სიყვარულია“ (პაველ კოჰოუტის პიესის მიხედვით).

მრავალი წლის განმავლობაში გურამ საღარაძე თეატრალურ უნივერსიტეტში ასწავლიდა მეტყველების ხელოვნებასა და კულტურას. ის მხატვრული კითხვის დიდოსტატად ითვლებოდა.

მსახიობს მინიჭებული ჰქონდა საქართველოს სახალხო არტისტის წოდება (1973). ის იყო საბჭოთა კავშირის სახელმწიფო (1979) და შოთა რუსთაველის სახელობის (1976) პრემიების ლაურეატი. 2006 წლის 13 ნოემბერს რუსთაველის თეატრის წინ გაიხსნა გურამ საღარაძის ვარსკვლავი.

ჟერარ დეპარდიე არ გამოცხადდა პარიზის სასამართლოში
15:25 / 08.01.2013
ჟერარ დეპარდიე არ გამოცხადდა პარიზის სასამართლოში

ფრანგი მსახიობი ჟერარ დეპარდიე არ გამოცხადდა პარიზის სასამართლოში, სადაც დაბარებული იყო საჭესთან ნასვამ მდგომარეობაში ყოფნის ბრალდების წასაყენებლად. დეპარდიეს ადვოკატის განმარტებით, მისი კლიენტი „უცხოეთშია, პროფესიული საქმიანობის გამო“.

 

ბრალდება უკავშირდება პარიზში ნოემბერში მომხდარ ინციდენტს, როცა დეპარდიე სკუტერიდან ჩამოვარდა და დაუდგინდა მიღებული ალკოჰოლის, საფრანგეთში დაშვებულზე, სამჯერ უფრო მაღალი მაჩვენებელი. ამ საქმის ფონია ჟერარ დეპარდიესთვის რუსეთის მოქალაქეობის მინიჭება მას შემდეგ, რაც მსახიობმა მკაცრად გააკრიტიკა საფრანგეთის ხელისუფლების გეგმა, 75%-მდე გაზარდოს საშემოსავლო გადასახადი პირებისათვის, ვისი შემოსავალიც წელიწადში მილიონ ევროს აღემატება.

 

გასული კვირის მიწურულს დეპარდიე რუსეთში იმყოფებოდა, სადაც მას პირადად პრეზიდენტმა ვლადიმირ პუტინმა გადასცა რუსეთის პასპორტი. ორშაბათს დეპარდიე შვეიცარიას ეწვია ფეხბურთელების დაჯილდოვების ცერემონიაზე დასასწრებად.

ბრიჟიტ ბარდო რუსეთში წასვლით ემუქრება საფრანგეთს სპილოების გამო
12:10 / 05.01.2013
ბრიჟიტ ბარდო რუსეთში წასვლით ემუქრება საფრანგეთს სპილოების გამო

ჟერარ დეპარდიეს, რომელმაც რუსეთის მოქალაქეობა მიიღო, მაგალითს შეიძლება მიბაძოს და რუსეთს თავშესაფარი თხოვოს ბრიჟიტ ბარდომ, წარსულში ცნობილმა მსახიობმა და ცხოველთა უფლებების დამცველმა. ბარდომ დაიმუქრა, რომ თუ ცირკის ორ ავადმყოფ სპილოს დახოცავენ, ანუ სამედიცინო ტერმინით, ევთანაზიას ჩაუტარებენ, ის რუსეთში თავშესაფარს მოითხოვს. ბარდოს განცხადებით, მთავრობამ ყური არ ათხოვა მის არაერთჯერად მიმართვას, გადაარჩინონ სპილოების წყვილი, რომლებსაც ტუბერკულიოზი სჭირთ. ბარდოს თანახმად, თუ სპილოებს დახოცავენ, ის რუსეთის მოაქლაქეობას მოითხოვს „რათა გაიქცეს ამ ქვეყნიდან, რომელიც ცხოველთა სასაფლაოდ იქცა.

 

„შინ“-ი წინასაარჩევნო მუსიკალურ ტურნეს ზუგდიდიდან იწყებს
12:54 / 24.08.2012
„შინ“-ი წინასაარჩევნო მუსიკალურ ტურნეს ზუგდიდიდან იწყებს

ჯგუფი „შინ“-ი დღეს, 24 აგვისტოს ზუგდიდის ცენტრში 20:00 საათზე, საზოგადოებრივი პროექტის - „ერთი ხმა“ ფარგლებში პირველ კონცერტს გამართავს.

ჰაკერებმა მოსკოვის სასამართლოს საიტზე გამოაქვეყნეს "პუსი რაიოტის" მხარდასაჭერი მოწოდებები
12:30 / 21.08.2012
ჰაკერებმა მოსკოვის სასამართლოს საიტზე გამოაქვეყნეს "პუსი რაიოტის" მხარდასაჭერი მოწოდებები

დღეს დილით ჰაკერებმა გატეხეს მოსკოვის იმ სასამართლოს საიტი, რომელმაც პარასკევს პანკ-ჯგუფ "პუსი რაიტის" წევრებს ორ-ორი წლით პატიმრობა მიუსაჯა. სააგენტოების ცნობით, სასამართლოს მთავარ გვერდზე ძირითადი ტექსტი შეცვლილი იყო მოწოდებით: "თავისუფლება 'პუსი რაიტს!'" განყოფილებების დასახელებებზე დამატებული იყო უცენზურო კომენტარები. სასამართლოს საიტზე შესვლისას ავტომატურად ირთვებოდა პანკ-ჯგუფის ერთ-ერთი სიმღერა. სასამართლოს პრეს-მდივანმა დარია ლიახმა დაადასტურა ვებსაიტზე ჰაკერული თავდასხმის ფაქტი. ამ დროისთვის ვებსაიტის მუშაობა აღდგენილია.

Pussy Riot შეწყალებას არ მოითხოვს
11:42 / 20.08.2012
Pussy Riot შეწყალებას არ მოითხოვს

პანკ-ჯგუფ „პუსი რაიოტის" წევრები, რომლებსაც ორ-ორი წლით პატიმრობა მიუსაჯეს „პანკ-ლოცვის“ გამო“, რომელიც მათ მოსკოვის მაცხოვრის ტაძარში აღავლინეს და რომლის ტექსტში მიმართვაა ღვთისმშობლისადმი, „პუტინი განდევნე“, არავითარ შემთხვევაში შეწყალებას არ ითხოვენ. ამის შესახებ ადვოკატმა ნიკოლაი პოლოზოვმა განაცხადა. მანვე დასძინა, რომ დაცვის მხარეს ჯერ არ მიუღია სასამართლოს განაჩენის კოპია, ამიტომ ჯერჯერობით არ შეუძლია განაჩენის გასაჩივრება.

მადონა გამოესარჩლა "პუსი რაიოტს"
13:22 / 07.08.2012
მადონა გამოესარჩლა "პუსი რაიოტს"

პოპ მუსიკის ვარსკვლავი მადონა "პუსი რაიოტის" წევრებს გამოესარჩლა. მან რუსეთს მოუწოდა არ მიუსაჯოს პატიმრობა პანკ ჯგუფის სამ წევრს, რომლებიც პუტინის საწინააღმდეგო აქციის გამო დააკავეს. მადონამ "ასოშიეიტედ პრესს" განუცხადა, რომ ის "ცენზურის წინააღმდეგია" და იმედი გამოთქვა, რომ "მოსამართლე მათ მიმართ ლმობიერი იქნება და ისინი მალე გათავისუფლდებიან". "პუსი რაიოტის" სამი წევრი უკვე ხუთი თვეა საპატიმროში იმყოფება. მათ ბრალი ედებათ ხულიგნობაში და 7 წლამდე თავისუფლების აღკვეთა ემუქრებათ. დღეს მოსკოვიის სასამართლო დაკავებულთა საქმეზე მხარეების არგუმენტებს მოისმენს.

არტ–გენი ზუგდიდში [Video]
19:15 / 06.07.2012
არტ–გენი ზუგდიდში [Video]

არტ–გენის ფესტივალი, რომლის თემაც წელს არის „გავუფრთხილდეთ ოჯახს“, უკვე მეორედ ზუგდიდში, მხოლოდ ამჯერად დადიანისეული ბოტანიკური ბაღის ტერიტორიაზე, ტრადიციულად ღია ცის ქვეშ მოწყობილ სცენაზე გაიმართა. ფესტივალი პოლიკარპე ხუბულავამ და ადგილობრივმა ანსამბლმა „ოდოიამ“ გახსნა. ამის შემდეგ მონაწილე ფოლკლორული ანსამბლები  სამეგრელოს სხვადასხვა რაიონებიდან, აბაშიდან, ჩხოროწყუდან, წალენჯიხიდან, ხობიდან, სენაკიდან, ასევე  ადგილობრივი ფოლკლორულ–ქორეოგრაფიული ანსამბლები ერთმანეთს ენაცვლებოდნენ საკუთარი პროგრამით. დღეს ზუგდიდში გაიმართა ასევე აფხაზეთიდან დევნილი ახალგაზრდებისგან შემდგარი ანსამბლის, „კოჩორას“პრეზენტაციაც, რომელმაც ფესტივალში წელს პირველად მიიღო მონაწილეობა.

სხვა სტატიები
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.