ოსკარებით დაჯილდოების ცერემონიალზე წლის საუკეთესო ფილმად დასახელდა მიშელ ჰაზანავიჩუსის ფილმი ”არტისტი”. ჰაზანავიჩუსმა მიიღო ოსკარი საუკეთესო რეჟისურისთვის. ამავე ფილმში მთავარი როლის შემსრულებელმა ჟან დუჟარდენმა მიიღო ოსკარი მამაკაცის როლის საუკეთესო შესრულებისთვის. საფრანგეთის პრეზიდენტმა ნიკოლა სარკოზიმ ”ტვიტერში” მიულოცა გამარჯვება მიშელ ჰაზანავიჩუსს. ქალის როლის საუკეთესო შესრულებისთვის ოსკარი მერილ სტრიპს ერგო მთავარი როლისთვის ფილმში ”რკინის ლედი”. საუკეთესო ანიმაციური ფილმისთვის ოსკარის მფლობელი გახდა გორა ვერბინსკის ფილმი ”რანგო”. უცხოენოვან ფილმებს შორის საუკეთესოდ ირანელი რეჟისორის აშგარ ფარჰადის ”გაყრა” აღიარეს.

ფესტივალ „ჩვენებურების“ ფარგლებში, იტალიაში ქართული კულტურის დღეები გაიმართება. ფესტივალზე მიწვეულია ზუგდიდის მუსიკალურ-ქორეოგრაფიული ანსამბლი „ოდოია“, რომელიც საათნახევრიან საკონცერტო პროგრამას რომსა და ფლორენციაში 9 და 12 თებერვალს წარადგენს. ზუგდიდის მუნიციპალიტეტის გამგებლის მოადგილემ, დარეჯან გაბედავამ „ლაივპრესს“ განუცხადა, რომ „ოდოია“ ერთადერთი შემოქმედებითი ჯგუფია, რომელიც იტალიაში ფესტივალზე მიიპატიჟეს. მისი თქმით, „ანსამბლმა რესპუბლიკურ და საერთაშორისო ღონისძიებებზე გაითქვა სახელი და „ჩვენებურების“ კულტურული მხარის ხელმძღვანელმა, ანზორ ერქომაიშვილმა ფესტივალის სხვა დანარჩენ წარმომადგენლებთან ერთად სწორედ ამ ნიშნით გამოარჩია“. გამგებლის მოადგილის ინფორმაციით, ფესტივალის ორგანიზებაში თანაბრად მონაწილეობენ საპატრიარქო, საქართველოს საელჩო და ქართული დიასპორა იტალიაში, რომლებიც ანსამბლ „ოდოიას“ სასტუმროს და კვების ხარჯით  უზრუნველყოფენ. დარეჯან გაბედავას განცხადებით, ზუგდიდის მუნიციპალიტეტის გამგეობამ თანხა მხოლოდ გზის ხარჯისთვის გამოყო. მან „ლაივპრესთან“ საუბრისას თანხის ოდენობა არ დაასახელა.

ზუგდიდის არტ-გალერეაში საშემოდგომო გამოფენა გაიხსნა. 12 ადგილობრივი მხატვრის 44 ნამუშევარი ერთდროულად ავანგარდული, თანამედროვე, ტრადიციული თუ აბსტრაქტული ნიმუშებით არის წარმოდგენილი.

სვანეთის ისტორიულ-ეთნოგრაფიული მუზეუმი, რომელიც მესტიაშია ახალ შენობაში განთავსდება, - ამის შესახებ livepress.ge-ს მესტიის მუნიციპალიტეტის გამგებელმა შმაგი ნაკანიმ განუცხადა. „შენობა ძველი იყო და პატარა და სამუზეუმო ექსპონატებს სრულად ვერ ვფენდით“, ამობს ნაკანი. მისი ინფორმაციით, მუზეუმის მშენებლობისთვის 2 მილიონი ლარი ადგილობრივი ბიუჯეტიდან გამოიყო. მე-6-მე-17 საუკუნეებით დათარიღებული 2000-ზე მეტი ექსპონატი სპეციალურ კონტეინერებშია შენახული და მესტიაში გამგეობის მიერ გამოყოფილ შენობაში ინახება. „მუზეუმის სამსართულიანი კორპუსი თანამედროვე სტანდარტების დაცვით აშენდება და ყველა იმ მოთხოვნას დააკმაყოფილებს რაც თანამედროვე მუზეუმს სჭირდება“, ამბობს შმაგი ნაკანი, რომელიც მუზეუმის მშენებლობის დასრულების თარიღს ვერ აკონკრეტებს. გამგებლის ცნობით, ამ დროისთვის მუზეუმის ძველი შენობის დემონტაჟი მიმდინარეობს, რომლის ადგილას ახალი კორპუსი აშენდება. სამშენებლო სამუშაოებს შპს „ზიმო“ განახორციელებს.

თანამედროვე ქართული ლიტერატურა, მკითხველი, წიგნი, თანმდევი პრობლემები, ეს საკითხები მწერალმა დათო ტურაშვილმა ზუგდიდის არტ-გალერეაში შეხვედრის მონაწილე ახალგაზრდობის, საგანმანათლებლო სტრუქტურების, ადგილობრივი თვითმმართველობის წარმომადგენლებთან ერთად განიხილა. 

ნებისმიერი დასავლური წარმოშობის მხატვრული სტილი თუ ესთეტიკური მიმდინარეობა, იმდენად შეიძლება ჩვენთვის საინტერესო იყოს, რამდენადაც ეხება იგი ან არ ეხება ქართულ კულტურას. ამ კუთხით წარმართული საუბრის პროცესში აუცილებლად მოგვიწევს ჩვენს კულტურულ სივრცეში „ჩაბეტონებული“ იმ მოსაზრების გადახედვა, რომლის მიხედვითაც ჩვენთვისაც ისეთივე ბუნებრივი და კანონზომიერი იყო სხვადასხვა კულტურული მიმდინარეობების ცვალებადობა, როგორც დასავლური კულტურისთვის.

ძალიან ზოგადი, მაგრამ მაინც გასაგებია რას ნიშნავს განსაზღვრება „კულტურული“, მაგრამ ვერაფრით ვგებულობ სიტყვა „ღონისძიების“ მნიშვნელობას. ასოციაციობანას თუ ვითამაშებთ, სითყვათშეთანხმება „კულტურული ღონისძიება“ ასოცირდება სამთვარობო ან ოფიციალურ პატრონაჟთან, გალერეებთან, მუზეუმებთან, მაკიაჟიან თინეიჯერებთან, შავ სკამებთან, მიკროფონთან, ერთი და იგივე სახეებთან... ტაშთან, კმაყოფილებასთან და დღის ბოლოს სოციალური ქსელების კედლებზე გამოჭიმულ ფოტოებთან, რომელსაც ყველა „დაალაიქებს“, მეგობრების თხოვნით „დააკომენტარებს“, „დათაგავს“ და იმის გამო, რომ მიმდინარე კულტურული „ღონისძიების“ ფოტორეპორტაჟებიც და ქრონიკაც ყველაზე ადრე ასეთ სივრცეში კეთდება, უფუნქციოდ დარჩენილი კულტურული ამბების მიმომხლველი, მერე უმოქმედობა რომ არ დაბრალდეს, დაჯდება და კარგად გაიხსენებს თუნდაც ერთ ჟესტს, ან ერთ რეპლიკას, რომელზეც შემდეგ მთელ მონოლოგს დაწერს და მიმოიხილავს ქალაქის კულტურულ ღონისძიებათა ნუსხას.

ფაშიზმის დამარცხების 66 წლისთავი პოსტსაბჭოურ ქვეყნებში სხვადასხვა მასშტაბებით აღინიშნა. საქართველოში გამარჯვების განწყობა მოახლოებული დამოუკიდებლობის დღის აღსანიშნავად შემოინახეს. ყველაზე კომიკური ქართულ რეალობაში იყო დავა 8 თუ 9 მაისი! – „იყოს ორივე თარიღი, მთავარი ფაშიზმზე გამარჯვებააო!!“ – რეპლიკა სოციალურ ქსელში ჩემი მეგობრის კომენტარში ვიპოვე.

ჩვენს პატარა ქალაქში სოციალურობის ყველა ელემენტია წამროდგენილი. ისინი იდეალურ კომპლექსში არიან თავმოყრილნი: სივრცითი სიახლოვე, ურთიერთქმედებისა და ურთიერთგაცვლის სიადვილე, ნებისმიერ დროს ინფორმაციის ხელმისაწვდომობა. მაგრამ აი, რა ხდება: ნებისმიერ პროცესში მონაწილეობა, ან ამ მონაწილეობის დაჩქარება ინდივიდებში დაბნეულობას, შიშს და გულგრილობას იწვევს. ამ გულგრილი თანამონაწილეობის მოდელად ცალმხრივი მოძრაობის საგზაო წესები გამოდგება-გზას არაფერი კვეთს, აღარავის ხვდები გზაზე, რადგან ყველას მოძრაობა ერთი და იგივე მოძრაობაა და მანქანის საქარე მინიდან ჩანს მხოლოდ ერთი მიმართულებით მოძრავი სხვა მანქანები. იქნებ სწორედ ამაში მდგომარეობის ჩვენი კომუნიკაციის არსი-ცალმხრივი თანაცხოვრება. მისი ფასადის მიღმა სულ უფრო მზარდი გულგრილობა, ან ნებისმიერი სოციალური კავშირის უარყოფა.