ზუგდიდის სოფელ დიდინეძში სოხუმის უნივერსიტეტის არქეოლოგიურმა ექსპედიციამ და გერმანიის არქეოლოგიური ინსტიტუტის არქეოლოგებმა ძველ კოლხურ ნამოსახლარს „ტაბაკონის დიხაგუძუბას“ მიაკვლიეს. ხის ნაგებობის ნაშთები წინასწარი კვლევებით 4000–4500 წლისაა. მკვლევარების აზრით აღმოჩენილი ძეგლი მთავარი სამოსახლო იყო, მის ირგვლივ კი მცირე ზომის დასახლებები არსებობდა. არქეოლოგების ვარაუდით ნამოსახლარს ირგვლივ არხი ჰქონდა შემოვლებული, რომელიც სხვა მსგავსი ტიპის დასახლებებს უკავშირდებოდა. მათივე განმარტებით, უფრო მოგვიანებით ძველი კოლხები არხებით მდინარე რიონზე ხის ნავებით გადაადგილდებოდნენ.
სპეციალისტების განცხადებით, მსგავსი მასშტაბის აშმოჩენა კოლხური კულტურის მკვლევარებს 30 წელია არ ჰქონიათ. ნამოსახლარში აღმოჩენილ ნივთებს გერმანიაში სპეციალურ ლაბორატორიაში გამოიკვლევენ. გათხრებს დიდინეძში ქართულ-გერმანული ექსპედიცია მეოთხე წელია აწარმოებს.