კანდიდ თარბას ზუგდიდელი მეგობრების მოგონებები [Video]
ცნობილი აფხაზი მოცეკვავე და ქორეოგრაფი კანდიდ თარბა 72 წლის
ასაკში, 1 მაისს გარდაიცვალა. გასული საუკუნის 70-იან წლებში იგი
ცნობილი ქართველი ქორეოგრაფების,
ილიკო სუხიშვილისა და ნინო რამიშვილის სახელმწიფო აკადემიურ ანსამბლში
ცეკვავდა. აფხაზეთში დაბრუნების შემდეგ ჩამოაყალიბა ხალხური ცეკვების
ქორეოგრაფიული ანსამბლი „კავკაზი“. კანდიდ თარბას ამიერკავკასიაში
ერთ-ერთ საუკეთესო მოცეკვავედ მიიჩნევდნენ.
კანდიდ თარბას ოჯახს თანაგრძნობა გამოუცხადა საქართველოს ქორეოგრაფთა კავშირმა და აფხზეთის დე ფაქტო ხელისუფლებამ. მისი ზუგდიდელი მეგობრები ამბობენ, რომ ის წარმატებული ქორეოგრაფი და საუკეთესო მეგობარი იყო.
„ჩვენ დიდხანს ვცეკვავდით ერთად სუხიშვილების ანსამბლში, მან თავისი ნიჭისა და ადამიანური თვისებების გამო დიდი ილიკო სუხიშვილის სიყვარული მოიპოვა. ქართულ-აფხაზური მოვლენების შემდეგ, ის ტელეფონით ხშირად გვეხმიანებოდა, 3 წლის წინ კი თბილისში იყო სამკურნაოდ ჩამოსული“, - გვითხრა სამეგრელო-ზემო სვანეთის ქორეოგრაფთა კავშირის თავმჯდომარემ თამაზ მოსიამ.
ქორეოგრაფმა ნიკო მაქაცარიამ გაიხსენა, თუ როგორ განიცდიდა კანდიდ თარბა 90-იან წლებში ქართველებსა და აფხაზებს შორის მომხდარ ამბებს.
„მან ძალიან ახლოს მიიტანა გულთან ეს ამბები. ძალიან განიცდიდა მომხდარს. საოცარი პიროვნება იყო. მისი გარდაცვალება ძალიან დიდი დანაკლისია აფხაზებისთვის და ჩვენთვის“.
აფხაზეთში შეიქმნა კანდიდ თარბას დამკრძალავი სპეციალური კომისია. მას 5 მაისს სოხუმში დაკრძალავენ.
კანდიდ თარბას ოჯახს თანაგრძნობა გამოუცხადა საქართველოს ქორეოგრაფთა კავშირმა და აფხზეთის დე ფაქტო ხელისუფლებამ. მისი ზუგდიდელი მეგობრები ამბობენ, რომ ის წარმატებული ქორეოგრაფი და საუკეთესო მეგობარი იყო.
„ჩვენ დიდხანს ვცეკვავდით ერთად სუხიშვილების ანსამბლში, მან თავისი ნიჭისა და ადამიანური თვისებების გამო დიდი ილიკო სუხიშვილის სიყვარული მოიპოვა. ქართულ-აფხაზური მოვლენების შემდეგ, ის ტელეფონით ხშირად გვეხმიანებოდა, 3 წლის წინ კი თბილისში იყო სამკურნაოდ ჩამოსული“, - გვითხრა სამეგრელო-ზემო სვანეთის ქორეოგრაფთა კავშირის თავმჯდომარემ თამაზ მოსიამ.
ქორეოგრაფმა ნიკო მაქაცარიამ გაიხსენა, თუ როგორ განიცდიდა კანდიდ თარბა 90-იან წლებში ქართველებსა და აფხაზებს შორის მომხდარ ამბებს.
„მან ძალიან ახლოს მიიტანა გულთან ეს ამბები. ძალიან განიცდიდა მომხდარს. საოცარი პიროვნება იყო. მისი გარდაცვალება ძალიან დიდი დანაკლისია აფხაზებისთვის და ჩვენთვის“.
აფხაზეთში შეიქმნა კანდიდ თარბას დამკრძალავი სპეციალური კომისია. მას 5 მაისს სოხუმში დაკრძალავენ.