კულტურა
რევაზ ქარჩავას ნამუშევრები სოხუმის სამხატვრო სალონში [Video]
FaceBook Twitter
E-mail Print
აფხაზეთიდან დევნილი რევაზ ქარჩავა ზუგდიდის მუნიციპალიტეტის სოფელ ზედაეწერში, იძულებით გადაადგილებულ პირთათვის განკუთვნილ ჩასახლებაში ცხოვრობს. ხატვა 19 წლისამ დაიწყო. თვითნასწავლ ხელოვანს თავდაპირველად „ეუხერხულებოდა“ ნამუშევრების ვინმესთვის ჩვენება, ჩუმად მუშაობდა, ისე, რომ კარგად არც მხატვრის ტექნიკას ფლობდა და არც ის იცოდა, იყო თუ არა საზოგადოებისთვის საინტერესო საკუთარი შემოქმედება. ქმნიდა პეიზაჟებს, ნატურმორტებს... დღეს მის ნახატებს სოხუმის სალონსა თუ გაგრის სასტუმროებსა და რესტორნებში შეხვდებით.

ქართულ-აფხაზური შეიარაღებული დაპირისპირების შემდეგ საცხოვრებლად ოჯახთან ერთად 20 წლით სოჭში გადავიდა. თავი როგორმე უნდა ერჩინათ, ამიტომ ხელი იქაც მხატვრობას მიჰყო. დრო არ ჰქონდა საყვარელ საქმეს შემოქმედებითად მიდგომოდა, რადგან ძირითადად დაკვეთებზე მუშაობამ მოუწია. მერე ზუგდიდში ჩამოვიდა...ჯანმრთელობის პრობლემების გამო ხატვა ერთი წლის წინ განაახლა. ამბობს, რომ ზუგდიდში ნამუშევრები არ იყიდება, თბილისთან კონტაქტები ჯერჯერობით არ დაუმყარებია, ამიტომ ძირითადად მათ სოხუმელი მომხმარებლისთვის ქმნის. ამ საქმეში რევაზ ქარჩავას საკუთარი შვილი ეხმარება. მას აფხაზური პასპორტი აქვს და გადაადგილებას ენგურს გაღმა ჩვეულებრივ ახერხებს.

„ჩემი შვილი სოხუმში იმყოფებოდა. ნახა, რომ იქ არის სამხატვრო სალონები. დაუკავშირდა ვინც არიან და გამოთქვეს სურვილი, რომ მიიღებდნენ აქედან ნამუშევრებს. აფხაზმა ქალმა დამიკვეთა ქართული ტაძარი. არ ვიცი რატომ ქონდა ასეთი სურვილი. ქართულ სტილში გავაკეთე ერთი ტაძარი. ნატურმორტების მოთხოვნაც არის. ძირითადად დამსვენებლები რომ ჩამოდიან, მათ ზღვა აინტერესებთ”, - უთხრა ხელოვანმა „ლაივპრესს“.

რევაზ ქარჩავა ზეთით მუშაობს. ზუგდიდის გალერეაში მისი რამდენიმე ნამუშევარი ახლაც კიდია. პერსონალური გამოფენა არასდროს მოუწყვია, საკმარისი ნახატების არქონის მიზეზით. იყო ჩარჩოების პრობლემაც, რომელსაც ადგილზე ნაკლებად ამზადებენ. სურს საკუთარი შემოქმედება თბილისელ დამთვალიერებლებს გააცნოს და საამისოდ ემზადება კიდეც.

„მე თავისუფლად ჩავდივარ აფხაზეთში. ვიყავი ქალაქებში, თან ვმუშაობდი მშენებლობაზე. დავინტერესდი ბუნებრივია სამხატვრო სალონით. დაველაპარაკე მეპატრონეს. დაინტერესდა და ჩამოვუტანე ერთ-ორჯერ ნამუშევრები. დღეს იქ მამაჩემის სამი სურათია, 20 (725 ლარი), 10 (363 ლარი) და 7 ათასი (254 ლარი) რუსული რუბლის ღირებულების. გაყიდული მაქვს ჯამში 70 ათასი რუბლის (2 540 ლარი - ავტ.) ერთი თვის განმავლობაში სოხუმსა და გაგრაში”, - გვიხსნის რევაზ ქარჩავას შვილი ავთანდილ ქარჩავა გარემოებებს, როგორ დაიწყო თანამშრომლობა აფხაზ ხელოვანებთან მამის შემოქმედებით.

ადმინისტრაციული საზღვრის გადაკვეთისას რუსები ინტერესდებიან, თუ რა მიაქვს, ეკითხებიან, ისიც პასუხობს, განუმარტავს და ჩვეულებრივ გადააქვს. ამბობს, რომ გაგრაში ნახატებს პირადად სთავაზობდა სასტუმროებსა და რესტორნებს. 

რევაზ ქარჩავას შვილისგან განსხვავებით აფხაზური პასპორტი არ აქვს, ამიტომ იქ ჩასვლა, ადგილობრივი ხელოვანების გაცნობა მისთვის მომავლის პერსპექტივაა:

„მინდა გალერეას დავუკავშირდე და გამოფენები მოვაწყო. წინააღმდეგი არ იქნებიან, რადგან ჩემი შვილი რომ ელაპარაკება, ამბობენ, რა საინტერესო მხატვარი ყოფილა, კარგი იქნებოდა ნამუშევრებსაც თუ გამოფენდაო. ასეთი საუბარიც იყო“.

თუმცა მანამდე ზღვა უნდა დახატოს. ფუნჯს მოზრდილ ჩარჩოზე გამოკვეთილ კონტურებზე გადაატარებს, ფერებს, დეტალებს ამატებს. ეს „ზღვა“ სოხუმში ჩავა. ასეთია დაკვეთა აფხაზეთიდან.

Print E-mail
Twitter
სხვა მასალები
სვანეთის „სიყვარულის კოშკზე“, ბევრი ლეგენდა არსებობს.
18:45 / 14.02.2020
სვანეთის „სიყვარულის კოშკზე“, ბევრი ლეგენდა არსებობს.
ლულუ ვართაგავა-ჭაჭუა ქართულ ჩოხებს თითქმის 60 წელია კერავს.
15:23 / 12.02.2020
ლულუ ვართაგავა-ჭაჭუა ქართულ ჩოხებს თითქმის 60 წელია კერავს.
ზუგდიდის შალვა დადიანის სახელობის თეატრი დირექტორ ზურაბ ეგუტიასთან
23:48 / 07.02.2020
ზუგდიდის შალვა დადიანის სახელობის თეატრი დირექტორ ზურაბ ეგუტიასთან
82 წლის ლულუ ვართაგავა-ჭაჭუა ეროვნული სამოსის თერძია.
16:52 / 05.02.2020
82 წლის ლულუ ვართაგავა-ჭაჭუა ეროვნული სამოსის თერძია.
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში გათოვდა. თოვა ხანმოკლე იყო და მალევე დადნა.
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.