პოლიტიკა
დეპუტატები სამეგრელოდან, რომლებსაც კანონპროექტის ინიცირება არ მოუხდენიათ
FaceBook Twitter
E-mail Print
არჩევნებიდან დღემდე, ექვსი თვის განმავლობაში, პარლამენტში საკანონმდებლო ინიციატივები სამეგრელო-ზემო სვანეთის მუნიციპალიტეტების მაჟორიტარი დეპუტატების უმრავლესობას არ წარუდგენიათ, მათ შორის არიან ოპოზიციონერი პარლამენტარები.

საჯარო ინფორმაციის მიხედვით, რომელიც გამოცემა ნეტგაზეთმა გამოაქვეყნა, ერთ-ერთი ასეთი „ქართული ოცნებიდან“ მესტიის მაჟორიტარი ვიქტორ ჯაფარიძეა. ამბობს, რომ არ არსებობს ჩანაწერი, რომლის თანახმად, შესაბამისი ვალდებულება ყველა დეპუტატს აქვს. ჯაფარიძის განმარტებით, თუკი საჭირო გახდება, პროექტს თავადაც მოამზადებს.

„არსად არ წერია, რომ გინდა თუ არა, ყველა დეპუტატმა ინიცირება მოახდინოს. საიდან მოიტანეთ? როგორ გგონიათ, ამდენი კანონპროექტის მიღება რომ ხდება, ამას პარლამენტის ერთი წევრი აკეთებს? ამას აკეთებს პარლამენტის უმრავლესობა“, - გვითხრა მან და განმარტა, რომ მომავალში გუნდთან ერთად მიწის კანონზე მუშაობას დაიწყებს.

ამ დრომდე საკანონმდებლო ინიციატივა არ მოუმზადებია წალენჯიხა-ჩხოროწყუს მაჟორიტარ დეპუტატ გოგა გულორდავასაც. მისი განმარტებით, ეს იმას არ ნიშნავს, რომ სხვა წევრებთან ერთად არ მონაწილეობს პარლამენტის მუშაობის პროცესში. ამბობს, რომ სულ მცირე სამი პროექტი ახსენდება, რომლის ერთ-ერთი თანაინიციატორი თავადაც იყო. მაგალითად, საკანონმდელო ცვლილებების პაკეტი, ადგილობრივი თვითმმართველობის კოდექსი და კანონპროექტი თამბაქოს კონტროლის შესახებ.

იმ პარლამენტარებს შორის, ვისაც ჯერ კანონპროექტის ინიცირება არ მოუხდენია, ზუგდიდის მუნიციპალიტეტის მაჟორიტარი დეპუტატი ედიშერ თოლორაიაცაა. არაერთი მცდელობის მიუხედავად მასთან დაკავშირება ვერ შევძელით.

„ქართული ოცნებიდან“ კანონპროექტი არ წარუდგენია ასევე ხობის მაჟორიტარ ირაკლი ბერაიას და ფოთის მაჟორიტარ დეპუტატ ირაკლი ხახუბიას.

სამეგრელო-ზემო სვანეთის მასშტაბით სულ ორი დეპუტატია, ვინც საკუთარი იდეები შესთავაზა პარლამენტს. მარტვილი-აბაშის მაჟორიტარ ოთარ დანელიას ექვსი საკანონმდებლო ინიციატივა ეკუთვნის, ქალაქ ზუგდიდის მაჟორიტარ დეპუტატს, მერაბ ქვარაიას კი ხუთი.

მერაბ ქვარაიას მიერ პარლამენტში ინიცირებული კანონპროექტები ეხება „საქართველოს ორგანულ კანონში - „საქართველოს საარჩევნო კოდექსი“ ცვლილების შეტანას, „მაუწყებლობის შესახებ“ კანონსა და ზოგად ადმინისტრაციულ კოდექსში ცვლილებებს. ასევე, ცვლილებების შეტანას საბიუჯეტო კოდექსსა და „სახელმწიფო შესყიდვების შესახებ“ კანონში.

„მომეცა შესაძლებლობა და რამდენიმე ინიციატივის თანამონაწილე გახლავართ. ვარ სადეპუტატო ჯგუფთან ერთად ინიციატორი ზოგიერთი პროექტის. ასევე კონსტიტუციის ინიციატივის თანამონაწილე. მე და გიორგი ლილუაშვილი (რეგიონული პოლიტიკისა და თვითმმართველობის კომიტეტის თავმჯდომარე) ერთად გახლავართ რამდენიმე ინიციატივის ავტორი“, - უთხრა „ლაივპრესს“ მერაბ ქვარაიამ.

მისივე განმარტებით, არ შეიძლება იმის თქმა, რომ საკანონმდებლო პროექტების ინიცირების რაოდენობა არის ერთადერთი განმსაზღვრელი დეპუტატის საქმიანობის, ან შეფასების განსაკუთრებული კრიტერიუმი. პარლამენტარისვე განცხადებით, მათ ყოველდღიურ რეჟიმში უწევთ როგორც საკომიტეტო, ასევე ფრაქციის ფორმატში მუშაობა და ყოველდღიური საქმიანობაც საკმაოდ დატვირთულია.

რაც შეეხება სამომავლო გეგმებს, მერაბ ქვარაიას თქმით, მუშაობს სამინისტროების და არასამთავრობო სექტორის წარმომადგენლებთან ერთად სპეციალურ კანონზე სოციალური მეწარმეობის შესახებ, რომელიც საქართველოსთვის სიახლე იქნება. ევროპული გამოცდილების შესასწავლად ისინი რამდენიმე ქვეყანაშიც იმყოფებოდნენ. კანონპროექტის ინიცირება სავარაუდოდ შემოდგომაზე მოხდება.

რაც შეეხება ოპოზიციას, სამეგრელო-ზემო სვანეთის რეგიონიდან წარმოდგენილ „ევროპული საქართველოს“ არცერთ წევრს - თენგიზ გუნავას, ლაშა დამენიას და ლელა ქებურიას დამოუკიდებელი წინადადებებით საკანონმდებლო ორგანოსთვის არ მიუმართავთ.

თენგიზ გუნავამ „ლაივპრესს“ უთხრა, რომ მას საამისოდ არავითარი ხელისშემშლელი პირობები არ ჰქონია, თუმცა მისმა თანაგუნდელებმა რამდენიმე საკანონმდებლო ინიციატივა მოამზადეს და ეს პროცესი მომავალშიც გაგრძელდება.

„რაღაცებს კიდევ ველოდებით. ბევრი რაღაც არის დაგროვილი. შიდა კონსულტაციებსაც გავდივართ და შემდეგ წარმოვადგენთ ჯგუფი, რამდენიმე დეპუტატთან ერთად“, - განმარტა პარლამენტარმა.

რაც შეეხება პარტიებს, პარლამენტისთვის წარდგენილი ყველაზე მეტი - 94 საკანონმდებლო ინიციატივა „ქართულ ოცნებას“ ეკუთვნის, 15 „ერთიან ნაციონალურ მოძრაობას“, „მრეწველებს“ 5, „ევროპულ საქართველოს“ კი 2.
Print E-mail
Twitter
სხვა მასალები
თუ ადამიანებს არ მოუნდებათ გაერთიანება, ამას მათ ვერავინ აიძულებს.
თუ მოუნდებათ, ვერავინ აუკრძალავს.
17:23 / 16.04.2019
თუ ადამიანებს არ მოუნდებათ გაერთიანება, ამას მათ ვერავინ აიძულებს. თუ მოუნდებათ, ვერავინ აუკრძალავს.
ზუგდიდის მერის რიგგარეშე არჩევნებისთვის მზადება უკვე აქტიურ
ფაზაშია.
18:53 / 04.04.2019
ზუგდიდის მერის რიგგარეშე არჩევნებისთვის მზადება უკვე აქტიურ ფაზაშია.
ბოლო ერთი წლის განმავლობაში რელიგიური ორგანიზაციის წევრობის მიზეზით
სამხედრო სავალდებულო სამსახურისთვის
23:51 / 20.04.2018
ბოლო ერთი წლის განმავლობაში რელიგიური ორგანიზაციის წევრობის მიზეზით სამხედრო სავალდებულო სამსახურისთვის
გამოკითხვა
ვის აირჩევ ზუგდიდის მერად?
ვიდეო
ანიმაციის საერთაშორისო ფესტივალი ზუგდიდში [ვიდეო]
ზუგდიდის მოსწავლე-ახალგაზრდობის სასახლეში დღეს ანიმაციური
ბავშვების საყვარელი გაკვეთილი ახალსოფლის სკოლაში [ვიდეო/ფოტო]
ანჟელა ჩუბინიძე ახალსოფლის სკოლაში ხელოვნებას ასწავლის.
ზუგდიდის ბოტანიკური ბაღის რეკონსტრუქცია ივნისში დასრულდება [ვიდეო]
ზუგდიდის ბოტანიკურ ბაღში 3000 ძირი დეკორატიული მცენარე
მავთულხლართებით გაყოფილი ჭირისუფლები [ვიდეო]
ამ სოფელში და ამ ადამიანთან ერთად გავატარე მთელი ბავშვობა,
დანგრეული გზები ზუგდიდში [ვიდეო]
ზუგდიდში გზების ნაწილი მძიმე მდგომარეობაშია.
ფოტო
წვიმას გაქცეული თავშესაფრის მაძიებლები [ფოტო]
მიუსაფარი ძაღლების ბრძოლა არსებობისთვის,
გუბეები ზუგდიდის პარკებსა და სკვერებში [ფოტო]
წვიმიან ამინდში ქალაქ ზუგდიდის პარკებსა თუ სკვერებში გასეირნება
რას ჰყვებიან კედლები [ფოტო]
ზუგდიდში, კორპუსების კედლებზე, დადიანების ეზოში და სკეიტ პარკში
აუტისტური სპექსტრის აშლილობის მქონე გიგის პერსონალური გამოფენა [ფოტო]
აუტისტური სპექტრის აშლილობის მქონე ბავშვებსაც აქვთ
მესტიელი გიდი, რომელიც ამბებს ფოტოებით ყვება [ფოტო]
სოფელი ადიში ისეთია, ერთხელ თუ ადამიანმა ნახა, მისი
მზარეულის მაგიდა
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მეგრული ხაჭაპურის მომზადების ტრადიცია [ვიდეო]
მეგრულ ხაჭაპურს წინაპრები ჯარგვალში, შუაცეცხლზე