პოლიტიკა
გალის შეხვედრამ უცვლელი საკითხებით უშედეგოდ ჩაიარა
FaceBook Twitter
E-mail Print
გალში, ინციდენტრების პრევენციისა და მათზე რეაგირების მექანიზმის შეხვედრაზე უცვლელი რჩება განსახილველი მთავარი საკითხები, რომელსაც თბილისის დელეგაცია აყენებს. მათ შორის არის გასული წლის 19 მაისს სამეგრელო-აფხაზეთის ადმინისტრაციულ საზღვართან გიგა ოთხოზორიას მკვლელობაში ბრალდებული რაშიდ კანჯი ოღლის დაკავების მოთხოვნა, რაზეც დე ფაქტო ხელისუფლების წარმომადგენლებთან შეთანხმება ვერც დღეს გამართულ შეხვედრაზე მოხერხდა.

აფხაზეთის დე ფაქტო მთავრობის წარმომადგენლები უარს აცხადებენ თბილისის დელეგაციის მიერ დასმული სხვა წინადადებების გათვალისწინებაზეც.

გათავისუფლების მოთხოვნის მიუხედავად ამ დრომდე დრანდის ციხეში, კვლავ პატიმრობაში რჩებიან ზუგდიდის სოფელ რიყის მცხოვრები არჩიკო და პაატა როგავები. მამა-შვილი დე ფაქტო რესპუბლიკის მესაზღრეებმა ე.წ. საზღვრის კვეთის ბრალდებით აპრილში დააკავეს, მოგვიანებით კი ე.წ. სასამართლომ მათ პატიმრობა მიუსაჯა - არჩიკო როგავას თავისუფლების აღკვეთა ორი წლით, პაატა როგავას კი 2 წლითა და ექვსი თვით.

სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე კახაბერ ქემოკლიძემ გალში შეხვედრის დასრულოების შემდეგ ენგურის ხიდთან მომლოდინე ჟურნალისტებს განუცხადა, რომ როგავების პარალელურად მოითხოვეს 24 აგვისტოს ასევე ანალოგიური ბრალდებით დაკავებული ზუგდიდის მკვიდრის მანუჩარ წუშბაიას გათავისუფლებაც:

„ჩვენ მოვუწოდეთ შეხვედრის მონაწილეებს, რომ მნიშვნელოვანია ეს საკითხები განხილულ იქნას მხოლოდ ჰუმანიტრაულ ჭრილში იმიტომ, რომ უსაფრთხოებისთვის ეს ადამიანები პრობლემას არ წარმოადგენენ და თუ დე ფაქტო ხელისუფლებას ან რუსეთის საოკუპაციო ძალებს გარკვეული გამოწვევები აქვთ უსაფრთხოების მიზნით ამ ადამიანებთან ჩვენ მზად ვართ IPRM-ის შეხვედრების ფარგლებში აქტიურად ვითანამშრომლოთ“, - განაცხადა კახაბერ ქემოკლიძემ.

გალში გამართულ შეხვედრაზე საუბარი შეეხო ოკუპირებულ რეგიონში მოსწავლეებისთვის განათლების მშობლიურ ენაზე მიღების შეზღუდვას. რეგიონის ქართულ სკოლებში უკვე მეორე წელია ქართული ისწავლება, როგორც უცხო ენა და მოზარდები განათლებას რუსულ ენაზე იღებენ. კახაბერ ქემოკლიძის სიტყვებით, მშობლიურ ენაზე განათლების მიღების შეზღუდვა შემაშფოთებელი ფაქტია:

„იმიტომ, რომ ის ადამიანი, რომელიც წლების განმავლობაში იზრდებოდა, სწავლობდა მშობლიურ ენაზე და მომენტალურად ხდება ამ ენის ცვლილება მიმდინარე კურიკულიუმში, არის ცალსახა პრობლემა და ეს არის მეცნიერულად დასაბუთებული, რომ იწვევს გარკვეულ აკადემიურ პრობლემებს ამ მოსწავლეებისთვის. ამ ტემაზე ინფორმაცია შესაბამისი სტრუქტურების მიერ უკვე მიწოდებული აქვთ ჟენევის შეხვედრის თანათავმჯდომარეებს, საერთაშორისო ორგანიზაციები უკვე გაფრთხილებული არიან და შესაბამისი სტრუქტურები აქტიურად მუშაობენ რათა ეს პრობლემა აღმოიფხვრას“.

კახაბერ ქემოკლიძის ინფორმაციით, დეტალურად ისაუბრეს ე.წ. ბორდერიზაციის თემაზე, კონკრეტულად კი ზუგდიდის სოფელ ხურჩაში დე ფაქტო ხელისუფლების მიერ საოკუპაციო ხაზის გადმოწევის ფაქტზე, რომლის შედეგადაც 2-ჰექტრამდე სასოფლო-სამეურნეო მიწის ნაკვეთი ოკუპირებულ ტერიტორიას შეუერთდა. სუს-ის თანამშრომლის სიტყვებით, შეიარაღებული პირების მიერ მავთულხლართებისა თუ სხვა ბარიერების უკანონო განთავსება ადგილზე უსაფრთხოების თვალსაზრისით ცალსახად დიდი გამოწვევაა:

„დე ფაქტო ხელისუფლების, ისევე როგორც რუსეთის საოკუპაციო ძალების წარმომადგენლების პოზიციაა, რომ თითქოსდა საოკუპაციო ხაზზე არსებობს საზღვარი ორ სახელმწიფოს შორის და ეს არის შეთანხმებული დე ფაქტო ხელისუფლებასთან. ჩვენ რა თქმა უნდა ამას ვალიდურ არგუმენტად ვერ მივიღებთ, რადგან ამ კონკრეტული ქმედებების შედეგად იზღუდება არა მარტო ადამიანების თავისუფლად გადაადგილების არამედ მათი უშუალო წვდომა იმ მიწის ნაკვეთებზე, რომელსაც ამუშავებდნენე“.

კახაბერ ქემოკლიძემ აღნიშნა, რომ საკითხები, რომლებიც გალის შეხვედრებზე ვერ წყდება, ოქტომბერში ჟენევის საერთაშორისო მოლაპარაკებების ფორმატში განიხილავენ. გალის მორიგი შეხვედრა 25 ოქტომბერს გაიმართება.
Print E-mail
Twitter
სხვა მასალები
თუ ადამიანებს არ მოუნდებათ გაერთიანება, ამას მათ ვერავინ აიძულებს.
თუ მოუნდებათ, ვერავინ აუკრძალავს.
17:23 / 16.04.2019
თუ ადამიანებს არ მოუნდებათ გაერთიანება, ამას მათ ვერავინ აიძულებს. თუ მოუნდებათ, ვერავინ აუკრძალავს.
ზუგდიდის მერის რიგგარეშე არჩევნებისთვის მზადება უკვე აქტიურ
ფაზაშია.
18:53 / 04.04.2019
ზუგდიდის მერის რიგგარეშე არჩევნებისთვის მზადება უკვე აქტიურ ფაზაშია.
ბოლო ერთი წლის განმავლობაში რელიგიური ორგანიზაციის წევრობის მიზეზით
სამხედრო სავალდებულო სამსახურისთვის
23:51 / 20.04.2018
ბოლო ერთი წლის განმავლობაში რელიგიური ორგანიზაციის წევრობის მიზეზით სამხედრო სავალდებულო სამსახურისთვის
გამოკითხვა
ვის აირჩევ ზუგდიდის მერად?
ვიდეო
ანიმაციის საერთაშორისო ფესტივალი ზუგდიდში [ვიდეო]
ზუგდიდის მოსწავლე-ახალგაზრდობის სასახლეში დღეს ანიმაციური
ბავშვების საყვარელი გაკვეთილი ახალსოფლის სკოლაში [ვიდეო/ფოტო]
ანჟელა ჩუბინიძე ახალსოფლის სკოლაში ხელოვნებას ასწავლის.
ზუგდიდის ბოტანიკური ბაღის რეკონსტრუქცია ივნისში დასრულდება [ვიდეო]
ზუგდიდის ბოტანიკურ ბაღში 3000 ძირი დეკორატიული მცენარე
მავთულხლართებით გაყოფილი ჭირისუფლები [ვიდეო]
ამ სოფელში და ამ ადამიანთან ერთად გავატარე მთელი ბავშვობა,
დანგრეული გზები ზუგდიდში [ვიდეო]
ზუგდიდში გზების ნაწილი მძიმე მდგომარეობაშია.
ფოტო
წვიმას გაქცეული თავშესაფრის მაძიებლები [ფოტო]
მიუსაფარი ძაღლების ბრძოლა არსებობისთვის,
გუბეები ზუგდიდის პარკებსა და სკვერებში [ფოტო]
წვიმიან ამინდში ქალაქ ზუგდიდის პარკებსა თუ სკვერებში გასეირნება
რას ჰყვებიან კედლები [ფოტო]
ზუგდიდში, კორპუსების კედლებზე, დადიანების ეზოში და სკეიტ პარკში
აუტისტური სპექსტრის აშლილობის მქონე გიგის პერსონალური გამოფენა [ფოტო]
აუტისტური სპექტრის აშლილობის მქონე ბავშვებსაც აქვთ
მესტიელი გიდი, რომელიც ამბებს ფოტოებით ყვება [ფოტო]
სოფელი ადიში ისეთია, ერთხელ თუ ადამიანმა ნახა, მისი
მზარეულის მაგიდა
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
ფარჯიანების კუბდარი [ვიდეო/ფოტო]
კუბდარი ერთ-ერთი ყველაზე ცნობილი სვანური კერძია,
მეგრული ხაჭაპურის მომზადების ტრადიცია [ვიდეო]
მეგრულ ხაჭაპურს წინაპრები ჯარგვალში, შუაცეცხლზე