ადგილობრივი თვითმმართველობის არჩევნები დასრულდა. ცესკოს წინასწარი მონაცემებიც უკვე ცნობილია. შესაბამისად ისიც, თუ რომელი პარტიებით დაკომპლექტდება საკრებულოები ქვეყნის მასშტაბით, მათ შორის სამეგრელო-ზემო სვანეთის მუნიციპალიტეტებში. ეს ის პოლიტიკური სუბიექტებია, ვინც 4%-იანი ბარიერი გადალახეს.


ზუგდიდის საკრებულო სამი პარტიით იქნება წარმოდგენილი. მმართველმა პოლიტიკურმა ძალამ რეგისტრირებულ პოლიტიკურ სუბიექტებს შორის ყველაზე მეტი მხარდაჭერა მიიღო. მას მხარი დაუჭირა ამომრჩეველთა 56,99%-მა. „ნაციონალურ მოძრაობას“ ხმების 24,67% აქვს, „ევროპულ საქართველოს“ კი 11,05%.

რაც შეეხებათ სხვა პარტიებს, მათი მონაცემები ასე გამოიყურება: „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი საქართველო“ - 1,87%, „რესპუბლიკური პარტია - 0,43%, დავით თარხან-მოურავი, ირმა ინაშვილი - საქართველოს პატრიოტთა ალიანსი“ - 1,7%, „შალვა ნათელაშვილი-საქართველოს ლეიბორისტული პარტია“ - 2,04% და „თავისუფლება - ზვიად გამსახურდიას გზა“ - 1,2%.


წალენჯიხის საკრებულო ზუგდიდისგან განსხვავებით, ოთხი პარტიით დაკომპლექტდება. აქაც მმართველი პოლიტიკური ძალა ლიდერობს 52,89%-ით. მას მოსდევს ენმ - 22,93%-ით. მესამე ადგილზეა „ევროპული საქართველო“. მას ხმების 12,2% აქვს. რაც შეეხება მეოთხე პარტიას, წალენჯიხის საკრებულოს პირველად ეყოლება წევრები „დავით თარხან-მოურავი, ირმა ინაშვილი - საქართველოს პატრიოტთა ალიანსიდან“. პარტიამ ამომრჩეველთა ხმების 5,01% მიიღო.

სხვა პოლიტიკური სუბიექტების მონაცემები ასეთია: „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი საქართველო“ - 1,47%, „განათლება დემოკრატიული მოქალაქეობისათვის“ - 0,19%, „შალვა ნათელაშვილი-საქართველოს ლეიბორისტული პარტია“ - 2,09% და „თავისუფლება - ზვიად გამსახურდიას გზა“ - 3,17%.


ჩხოროწყუს მუნიციპალიტეტის საკრებულო კიდევ უფრო მეტი პარტიით იქნება წარმოდგენილი, ვიდრე ზუგდიდის და წალენჯიხის. აქაც პირველ სამ ადგილს „ქართული ოცნება“ – 53,65%-ით, ენმ - 23,89%-ით და „ევროპული საქართველო“ ინაწილებენ 6,79%-ით.

ჩხოროწყუს წინა მოწვევის საკრებულოს მსგავსად, ახლად არჩეულ საკრებულოშიც ეყოლება წევრი „პატრიოტთა ალიანსს“, უფრო შესუსტებული მხარდაჭერით. პარტიას ხმა მისცა მოქალაქეთა 4,35%-მა, როცა 2014 წელს ამ მონაცემმა 6,22% შეადგინა. ამავე საკრებულოში იქნება ახლადშექმნილი „შენების მოძრაობაც“, რომელმაც ამომრჩეველთა 4,32% მიიღო.

სხვა პარტიების შედეგები ასე გადანაწილდა: „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი საქართველო“ - 2,09%, „განათლება დემოკრატიული მოქალაქეობისათვის“ - 0,08%, „რესპუბლიკური პარტია“ - 2,5%, „შალვა ნათელაშვილი-საქართველოს ლეიბორისტული პარტია“ - 1,54% და „თავისუფლება - ზვიად გამსახურდიას გზა“ - 0,74%.


ფოთის საკრებულო კიდევ უფრო მრავალფეროვანი იქნება წარმოდგენილი პოლიტიკური სუბიექტებით, ვიდრე ზუგდიდში, წალენჯიხასა და ჩხოროწყუში.

პირველ სამ ადგილს წინა მუნიციპალიტეტების მსგავსად, აქაც „ქართული ოცნება - 51,48%-ით, ენმ - 15,26%-ით და „ევროპული საქართველო“ ინაწილებენ 11,59%-ით.

მეოთხე პოზიციაზეა „შენების მოძრაობა“, რომელმაც მოსახლეობის 6,47%-იანი მხარდაჭერა მიიღო. მას მოსდევს „პატრიოტთა ალიანსი“ 5,49%-ით, როცა ამ პარტიას წინა მოწვევის საკრებულოში ამომრჩევლის 14,66%-მა მისცა ხმა.

ბარიერი გადალახა და ახლად არჩეულ საკრებულოში მოხვდება „ლეიბორისტული პარტიაც“. საარჩევნო სუბიექტს ნდობა მოქალაქეების 4,3%-მა გამოუცხადა. ფოთის საკრებულოში იქნება ასევე წარმოდგენილი „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი საქართველო“ - 4,4%-ით.

სხვა პარტიების შედეგები ასეთია: „თავისუფლება - ზვიად გამსახურდიას გზას“ 0,77% აქვს, „განათლება დემოკრატიული მოქალაქეობისათვის“ კი ხმების 0,12% მიიღო.


ხობის საკრებულო ოთხი პარტიით დაკომპლექტდება. ხმების უმრავლესობა ამ შემთხვევაშიც მმართველ პოლიტიკურ ძალას აქვს, რაც 52,61%-იან მხარდაჭერაში გამოიხატა. მეორე პოზიციაზე „ნაციონალური მოძრაობაა“ 17,02%-ით. მესამე ადგილზე „ევროპული საქართველო“ - 13,78%-ით. „ლეიბორისტულ პარტიას“ ხმების 4,22% აქვს.

დანარჩენი საარჩევნო სუბიექტების მონაცემები ასე გამოიყურება: „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი -საქართველო“ - 3,64%, „განათლება დემოკრატიული მოქალაქეობისათვის 0,21%, „პატრიოტთა ალიანსი“ - 3,79%, „მემარცხენე ალიანსი“ - 1,09%, „შენების მოძრაობა“ - 2,6%, „თავისუფლება - ზვიად გამსახურდიას გზა“ - 106 0,72%, „პროგრესულ-დემოკრატიული მოძრაობა“ - 0,26%,


მარტვილის საკრებულო ხუთი პარტიის წევრებით იქნება წარმოდგენილი. ცესკოს წინასწარი მონაცემებით, ამომრჩეველთა ხმების 40,09% მმართველმა პოლიტიკურმა ძალამ მიიღო. მას ენმ მოსდევს 27,78%-ით. მესამე პოზიციაზეა „ევროპული საქართველო“, რომელსაც მხარი 10,79%-მა დაუჭირა. წალენჯიხის, ჩხოროწყუს და თვითმმართველი ქალაქ ფოთის საკრებულოების მსგავსად, „პატრიოტთა ალიანსი“ მარტვილის საკრებულოშიც მოხვდა. პარტიამ ხმების 7,23% მიიღო. ამავე საკრებულოში იქნება  „თავისუფლება - ზვიად გამსახურდიას გზა“, რომელმაც ბარიერი გადალახა და 6,47% აქვს.

რაც შეეხება სხვა პარტიებს, შედეგები ასე გადანაწილდა: „მოძრაობა სახელმწიფო ხალხისთვის“ - 0,5%, „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი -საქართველო“ - 3,12%, „განათლება დემოკრატიული მოქალაქეობისათვის“ 0,16%, „რესპუბლიკური პარტია“ - 2,42% და „შალვა ნათელაშვილი-საქართველოს ლეიბორისტული პარტია“ - 1,37%.


სენაკის საკრებულო ოთხი პარტიით იქნება წარმოდგენილი. აქ ხმათა 51,07% „ქართულ ოცნებას“ აქვს. მეორე ადგილზეა ენმ 25,03%-ით. მესამე პოზიციაზე „ევროპული საქართველო“, რომელმაც 12,49%-იანი მხარდაჭერა მიიღო, „პატრიოტთა ალიანსმა“ კი ამომრჩევლის 4,31%-იანი მხარდაჭერა.

საკრებულოს მიღმა დარჩნენ: „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი -საქართველო“ - 1,27%, „განათლება დემოკრატიული მოქალაქეობისათვის“ - 0,08%, „მემარცხენე ალიანსი“ - 1,21%, „შალვა ნათელაშვილი-საქართველოს ლეიბორისტული პარტია“ - 2,65%, „შენების მოძრაობა“ 1,19% და „თავისუფლება - ზვიად გამსახურდიას გზა“ - 0,65%.


ცესკოს წინასწარი მონაცემებით, აბაშის საკრებულო ექვსი პოლიტიკური სუბიექტით დაკომპლექტდება. უმრავლესობით იქნება წარმოდგენილი „ქართული ოცნება“, რომელმაც ამომრჩეველთა ხმების 51,35% მიიღო. მას მოსდევს ენმ 23%-ით. მესამე ადგილზეა „ევროპული საქართველო“ 7,93%-ით. სხვა მუნიციპალიტეტებისგან განსხვავებით, აბაშის საკრებულოში მოხვდა „მოძრაობა სახელმწიფო ხალხისთვის“. მას 4,02%-იანი მხარდაჭერა აქვს. ამავე საკრებულოში იქნება „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი -საქართველო“, რომელსაც ნდობა მოსახლეობის 4,12%-მა გამოუცხადა. ბარიერი გადალახა „პატრიოტთა ალიანსმაც“. მას 4,86% აქვს.

სხვა პარტიების მონაცემები შემდეგნაირად გადანაწილდა: „განათლება დემოკრატიული მოქალაქეობისათვის“ - 0,08%, „შალვა ნათელაშვილი-საქართველოს ლეიბორისტული პარტია“ - 1,93%, „გიორგი ვაშაძე - ერთობა ახალი საქართველო“ - 1,93% და „თავისუფლება - ზვიად გამსახურდიას გზა“ - 0,69%.


მესტიის საკრებულოში ყველაზე მეტი დეპუტატი სხვა მუნიციპალიტეტების მსგავსად „ქართულ ოცნებას“ ეყოლება, რომელმაც მოსახლეობის 59,28%-იანი მხარდაჭერა მიიღო. მეორე პოზიციაზე სხვა საკრებულოებისგან განსხვავებით „პატრიოტთა ალიანსია“. პარტიას 12,91% აქვს და ამ მონაცემებით უსწრებს მესამე პოზიციაზე მყოფ „ევროპულ საქართველოს“ - 12,55% და ენმ-ს 7,59%.

საკრებულოს მიღმა დარჩნენ შემდეგი პოლიტიკური სუბიექტები: „დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი -საქართველო“  2,95%, „რესპუბლიკური პარტია“ - 1,22%, „შალვა ნათელაშვილი-საქართველოს ლეიბორისტული პარტია“ - 2,46% და „თავისუფლება - ზვიად გამსახურდიას გზა“ - 1,01%,

ადგილობრივი თვითმმართველობის არჩევნები 21 ოქტომბერს გაიმართა. მოსახლეობამ ქვეყნის მასშტაბით 64 მერი და ამდენივე საკრებულოს 2 058 წევრი აირჩია.