საბჭოთა რეპრესიები
დამოუკიდებლობისთვის მებრძოლი გლეხი, რომელიც შვილებმა გადასახლებიდან დაბრუნების შემდეგ გაიცნეს [ვიდეო]
FaceBook Twitter
E-mail Print
11 წლის იყო, მამა რომ გაიცნო, თუმცა პირველი შეხვედრა იოლი არ ყოფილა. არა იმიტომ, რომ მისი ფიზიკური არსებობის არ სჯეროდა, უბრალოდ ბავშვის გულმა იუცხოვა კაცი, ვის სახელზეც წერილის დაწერას სკოლაში არ ანებებდნენ, მამა პოლიტპატიმარი რადგან იყო. ეს ყველაზე მძიმე მოგონებაა მოკონა გვილიასთვის, რომელიც დღესაც ცოცხლად შემორჩა მოხუცი ქალის მეხსიერებას.

რეპრესირებულის შვილი ახალგაზრდა მამის ერთადერთ სურათს შეჰყურებს. კონდრატე გვილია უბრალო გლეხი იყო, რომელიც ანაკლიიდან 1937 წელს, 25 თანასოფლელთან ერთად "კიროვსკი ობლასტში" გადაასახლეს. მოკონა ერთი წლის იყო, მისი ძმა ჯუმბერი კი მხოლოდ თვრამეტი დღის დაბადებული.

მამას წერა-კითხვა ეკლესიაში უსწავლია. მიწაზე მუშაობდა, თუმცა საბჭოთა რეჟიმს და კომუნისტურ წყობას ვერ შეგუებია. საქართველოს დამოუკიდებლობასა და თავისუფლებაზე ფიქრობდა, რითაც მაშინდელი ინტელიგენციის ნაწილის განწყობებს იზიარებდა. სწორედ ეს არ აპატიესო, გვითხრა 84 წლის მოკონამ.

კონდრატე გვილიამ გადასახლებაში 10 წელი დაჰყო. მთელი ეს პერიოდი ანაკლიაში დარჩენილი ოჯახისთვის მძიმე იყო. ყოველდღიურ პრობლემებთან გამკლავება უქმროდ დარჩენილი ახალგაზრდა ქალისთვის იოლი არ ყოფილა. საავადმყოფოში დამლაგებლად მუშაობდა და თავს ნაწილობრივ ამით ირჩენდნენ. შვილისთვის რომ მდგომარეობა შეემსუბუქებინა, ბაბუა საცხოვრებლად მათთან გადმოსულა. ბაბუას გაზრდილი ვართო, ამბობს მოკონა.

"ათი წელიც გავიდა და მახსოვს, სახლთან მანქანა გაჩერდა. ჩემი მამიკო გადასახლებიდან დაბრუნდა. თავიდან ვერ მივიღე, ვერ შევეჩვიე. თუმცა ორ თვეში გავუშინაურდი. სულ ვეხუტებოდი. მითხრა, ისეთ სახლს გაგიკეთებ, აქ მოსვლა ყველას უხაროდესო", - გვიყვება რეპრესირებულის შვილი, რომელსაც თავის დროზე გარდა იმისა, რომ სკოლაში პოლიტპატიმრის შვილობის გამო ავიწროებდნენ, მოგვიანებით იგივე მიზეზით კოლმეურნეობაში გაწევრიანებაზეც უარი უთხრეს.

კონდრატე ქალიშვილს ციხეში გატარებულ წლებზე ხშირად უამბობდა. დღე-ღამე შეუსვენებლივ ვმუშაობდითო - იხსენებს მოკონა მამის მონაყოლს. - ეს გადასახლებაში მყოფთა ყოველდღიურობა იყო, რომელიც ბევრისთვის, განსაკუთრებით ინტელიგენციისთვის მძიმე აღმოჩნდა. მამა ციგაზე იჯდა და სოფლიდან ტყვეთა ბანაკამდე პური დაჰქონდა.

სახლში დაბრუნებიდან მალევე, მუშაობა გალის სოფელ გუდავაში დაიწყო. მუშათა ჯგუფს ხელმძღვანელობდა, რომლებსაც ხე-ტყის დამზადება და ბიჭვინთაში ტრანსპორტირება ევალებოდათ. ეს საქმე მისთვის საბედისწერო აღმოჩნდა, რომელზეც მოკონამ ბევრი არაფერი იცის:

"ვიცით მხოლოდ ის, რომ მდინარიდან გადააგდეს. მერე კი თქვეს, გადავარდა და დაიხრჩოო. ფულიც წაიღეს".

მამა სოფლის სასაფლაოზე დაკრძალეს. მასთან ურთიერთობისთვის მხოლოდ 12 წელი ჰქონდა. დღეს, როგორც პოლიტპატიმრის შვილი, პენსიაზე დამატებით 7 ლარს იღებს. ამბობს, რომ 3 ათასი ლარიც უნდა მიეღო, თუმცა საჭირო საბუთების თავმოყრა თავის დროზე ვერ შეძლო.

Print E-mail
Twitter
სხვა მასალები
საბჭოთა რეჟიმის წინააღმდეგ მიმართულ 1924 წლის აჯანყებაში აქტიურ
მონაწილეობას იღებდა ხობის მუნიციპალიტეიტი,
15:42 / 30.09.2019
საბჭოთა რეჟიმის წინააღმდეგ მიმართულ 1924 წლის აჯანყებაში აქტიურ მონაწილეობას იღებდა ხობის მუნიციპალიტეიტი,
დარჩელში მცხოვრები თავადი ვარლამ ანჩაბაძე 36 წლის იყო, როცა სოფლის
მოსახლეობამ 1924 წელს,
11:17 / 28.09.2019
დარჩელში მცხოვრები თავადი ვარლამ ანჩაბაძე 36 წლის იყო, როცა სოფლის მოსახლეობამ 1924 წელს,
აგიტაცია ან პროპაგანდა საბჭოთა ხელისუფლების დამხობის მოწოდებით - ამ
ბრალდებით
12:33 / 17.09.2019
აგიტაცია ან პროპაგანდა საბჭოთა ხელისუფლების დამხობის მოწოდებით - ამ ბრალდებით
ვიდეო
ბოტანიკური ბაღი გახსნამდე ერთი თვით ადრე [ვიდეო]
ზუგდიდის განახლებული ბოტანიკური ბაღი,
ბაღის იატაკი - საძინებელი თუ „მოსვენების კუთხე“?
ზუგდიდის მუნიციპალიტეტის სოფელ დარჩელის საბავშვო ბაღში უარყოფენ ბრალდებას,
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
ფოტო
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი დაზიანებულია,
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.