საბჭოთა რეპრესიები
ანტისაბჭოთა მოძრაობის ზუგდიდელი გმირის ამბავი [ვიდეო]
FaceBook Twitter
E-mail Print
1921 წლის 19 მარტი, ბათუმის ნავსადგური, დამოუკიდებელი საქართველოს მთავრობა სამშობლოს ტოვებს. ნაპირიდან მეგრული სევდიანი სიმღერა ისმის. ალექსანდრე ჩიქავა თანამებრძოლებს სიმღერით აცილებს.

"სი სოულ ბატა, მა მიტალენქო, დაჩხერგენია მონტებულს ვეშემბრალენქო?!" - სიმღერას საუკუნეების წინ ანაკლიის ზღვასთან, უცხოეთში გატაცებულ შვილებს უმღერდნენ, რაც ქართულად ასე ითარგმნება - "სად მიდიხარ ბატა, მე მტოვებ, ცეცხლმოკიდებულს არ შემიბრალებ?!"

"ეს მეგრული სიმღერა ალექსანდრეს უმღერია მათთვის, არ გაჰყოლია, სამშობლოშია ჩემი ადგილიო. ის საბჭოთა რეჟიმმა, 1924 წელს დახვრიტა", - გვიყვება შთამომავალი მურმან ივარდავა.

ის ოჯახთან ერთად იმ ეზოში ცხოვრობს, სადაც საუკუნის წინ ალექსანდრე ჩიქავას ხის ოდა იდგა. იმის გამო, რომ საბჭოთა რეჟიმის ეშინოდათ, შთამომავლებს წინაპრისგან მხოლოდ ორიოდე გაცრეცილი ფოტო და უნივერსიტეტის გაყვითლებული დიპლომი შემორჩათ.

"ბებია საშა ხშირად მიყვებოდა ალექსანდრეს შესახებ. ბებია რომ გარდაიცვალა, მე-2 კლასში ვიყავი. მახსოვს, მიყვებოდა, თუ როგორ დევნიდნენ ალექსანდრეს. მეუბნებოდა, რომ ძმის ფოტო და დიპლომი საგულდაგულოდ სხვაგან ჰქონდა გადამალული. სახლში ვერ ინახავდა, რადგან ეშინოდათ", - ამბობს მურმანი.

ალექსანდრე ჩიქავას კიდევ ერთი ნათესავი ელგუჯა არდია ეროვნულ არქივში დაცულ, საქართველოს დამფუძნებელი კრების ამსახველ ფოტოს გვიჩვენებს, სადაც მისი წინაპრის გარდა, სხვა პარლამენტარებიც დგანან, მათ შორის, დამოუკიდებლობის აქტზე ხელმომწერი, კიდევ ერთი ზუგდიდელი სპირიდონ კედია, რომელიც საქართველოს ოკუპაციის შემდეგ ემიგრაციაში წავიდა.

"ამ ადამიანებმა ძვირფასი მემკვიდრეობა დაგვიტოვეს. მათ 100 წლის წინ შექმნეს კონსტიტუცია, რომელიც უნიკალურია თავისი დემოკრატიულობით. კონსიტიტუცია, რომელიც ყოველგვარი გადაჭარბების გარეშე, შეიძლება ჩაითვალოს მსოფლიო დემოკრატიის შედევრად. ჩვენ ამ სახელოვანი წინაპრების მიერ შექმნილი ისტორიით, შეგვიძლია დღეს თამამად წარვსდგეთ წამყვანი დემოკრატიული სახელმწიფოების წინაშე და ხმამაღლა ვთქვათ, რომ ვართ ნამდვილად ევროპელები", - ამბობს ელგუჯა.

ოჯახი წინაპარზე მეტი ცნობის მოსაძიებლად საბჭოთა წარსულის მკვლევრებს დაუკავშირდა.

გაარკვიეს, რომ ალექსანდრე ხიტუს ძე ჩიქავა დაიბადა 1882 წელს, ზუგდიდის სოფელ შამგონაში. იყო სოციალ-დემოკრატიული მუშათა პარტიის "მენშევიკების ფრაქციის" წევრი. მეფის რეჟიმის დროს აქტიური რევოლუციური საქმიანობისთვის 8 წლით დააპატიმრეს. გათავისუფლების შემდეგ კი ცხოვრობდა ზუგდიდში პოლიციის ღია ზედამხედველობის ქვეშ.

საბჭოთა რუსეთის მიერ საქართველოს ოკუპაციის შემდეგ, ალექსანდრე ჩიქავა ჩაება წინააღმდეგობის მოძრაობაში. იყო წერა-კითხვის გამავრცელებელი საზოგადოების წევრი. ფლობდა რუსულ, ინგლისურ, ფრანგულ და გერმანულ ენებს. იყო, ასევე საქართველოს დამფუძნებელი კრების წევრი.

1924 წელს დააპატიმრეს თბილისში, პედაგოგიური ფაკულტეტის სტუდენტის ლიდია ბოჯგუას ბინაში და დახვრიტეს.

Print E-mail
Twitter
სხვა მასალები
გადაცემაში
13:26 / 20.06.2019
გადაცემაში "საბჭოთა რეპრესიები სამეგრელოში"
ვიდეო
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ანაკლიაში „მომავლის ბანაკი 2019" გაიხსნა [ვიდეო]
„აფხაზეთი საქართველოა! რუსეთი ოკუპანტია!“ - ამ სიტყვებით
მეგრული ნავის ერთადერთი ოსტატი ანაკლიაში [ვიდეო]
მეგრულ ბრტყელძირიან ნავს ძველი, ტრადიციული ტექნიკით
სახლს მიღმა ბარიერია [ვიდეო]
53 წლის რუსლან საჯაიას დილა ჩვეულებრივ იწყება
ზუგდიდელების აზრი აქციის დარბევაზე - [ვიდეო]
რას ფიქრობენ ზუგდიდის მცხოვრებლები თბილისში,
ფოტო
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
როგორი ეზოები აქვს ზუგდიდში კორპუსებს [ფოტო]
ზუგდიდში მრავალბინიანი კორპუსების ეზოები ის ადგილია,
ზუგდიდში აქციის მონაწილეებმა სოლიდარობის ნიშნად თვალი წითლად შეიღებეს [ფოტო]
ზუგდიდის ბულვარში დაწყებული აქცია "სირცხვილია", სადაც
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.