საბჭოთა რეპრესიები
წამებით სიკვდილი ჩაის საკრეფი მანქანის გამოგონებისთვის [ვიდეო]
FaceBook Twitter
E-mail Print
ანდრო გრიგოლია საბჭოთა საქართველოს სახელმწიფო უშიშროების კომიტეტის შენობის სარდაფში 1937 წელს წამებით მოკლეს. 30 წლის ნარაზენელ კაცს, რომელსაც ცოლი და 2 მცირე წლოვანი შვილი ჰყავდა, ბრალად "სახელმწიფოს მოღალატე-მავნებელი" წარუდგინეს. რეალურად კი, გამოგონებისთვის მოკლეს. ახალგაზრდა ანდრო გრიგოლიამ ჩაის საკრეფი მანქანა გამოიგონა, რამაც გლეხს შრომა შეუმსუბუქა და ნედლეულის დანაკარგი შეამცირა.

მოგვიანებით ჩაის საკრეფ ტექნიკას საბჭოთა კავშირი აქტიურად იყენებდა, მაგრამ არსად ახსენებდა წამებით მოკლული ახალგაზრდა გამომგონებლის სახელს.

ანდრო გრიგოლიას ისტორიას, ფოტოებს და საარქივო დოკუმენტებს მისი ერთ-ერთი შვილი, ციალა გრიგოლია საგულდაგულოდ ინახავს.

"მამა ლექციებს კითხულობდა უნივერსიტეტში პოლიტეკონომიასა და ისტორიაში. ასპირანტურის დამთავრების შემდეგ, როგორც პარტიული მუშაკი, სოფელში გამოუშვიათ ჩაის მეურნეობაში სამუშაოდ".

ციალა გრიგოლია გვიყვება, რომ მამამ ჩაის საკრეფი მანქანა სწორედ მეურნეობაში მუშაობის პერიოდში შექმნა. მოგვიანებით ანდრო გრიგოლია საკუთარ გამოგონებასთან ერთად მთავარ ტრესტში - "ჩაი გრუზიაში" დაიბარეს. თბილისში შეხვედრაზე უთხრეს, რომ, როგორც პერსპექტიულ ახალგაზრდას, სასწავლებლად მოსკოვის მრეწველობის აკადემიაში გააგზავნიდნენ.

"მე გავჩნდი და სადღაც 3 თვეში მოსკოვში უნდა წასულიყო გამოცდებზე. ივლისში იწყებოდა გამოცდები და ივნისში დააპატიმრეს. ეს მოხდა 1937 წელს. დააკავეს, იმიტომ, რომ მავნე ხარო ეუბნებოდნენ. შეკრული ხარო ამერიკასთან, თურქეთთან. ვისაც აპატიმრებდნენ ყველას ასეთი იარლიყი ჰქონდა - მავნებელი. ყველას ეგონა სასამართლო იქნება და გამოუშვებენო", - გვიყვება ციალა გრიგოლია.

პატიმარი თავდაპირველად ზუგდიდის ციხეში ჰყავდათ, სადაც ცოლმა, პაუსია კოდუამ უფროს ქალიშვილთან ერთად მისი მონახულება მოახერხა. ეს მათი ბოლო შეხვედრა იყო.

"მამამ წერილი დაწერა და მისცა დედას, სადაც ეწერა: ამ ეტაპზე თუ არ გამიშვეს თბილისში და აქ დავრჩი, ვიქნები ცოცხალი, თუ არადა თბილისში გამიშვებენო", - იხსენებს დედის მონაყოლს ციალა გრიგოლია.

ახალგაზრდა გამომგონებელი ზუგდიდიდან თბილისში გადაიყვანეს და 13 დეკემბერს მოკლეს. ოჯახს არაფერი უთხრეს. პაუსია კოდუა შვილებთან ერთად 10 წელი ელოდა ოჯახის ქმარს - ასე არ მოხდა.

მხოლოდ 10 წლის შემდეგ შეიტყვეს, რომ ანდრო გრიგოლია თითქოს 30 დეკემბერს მოკლეს, რაც ციალა გრიგოლიას სიტყვებით, სიცრუე იყო. მან სიმართლე სტუდენტობისას შეიტყო, როცა მეგობრების დახმარებით უშიშროების არქივში დაცული დოკუმენტები გააცნეს:

"მამა 13 დეკემბერს სარდაფში სასტიკად აწამეს, დაუმტვრიეს ხელ-ფეხი, იქვე გარდაიცვალა. იქვე იყო ის განწირული და იქვე დააგდეს. შემდეგ ტყუილი დაწერეს, თითქოს განაჩენი გამოუტანეს".

ანდრო გრიგოლიას "გაუჩინარების" შემდეგ, ოჯახს მძიმე წლები დაუდგა. დასცინოდნენ და აბუჩად იგდებდნენ, როგორც "სახელმწიფო დამნაშავის" შთამომავლებს, რის გამოც სოფლის დატოვება მოუწიათ. ანდრო გრიგოლიას რეაბილიტაცია მოხდა, მისთვის განაჩენის გამოტანიდან 19 წლის შემდეგ, 1956 წელს.

ციალა გრიგოლიამ, ასევე სტუდენტობისას, მამის გამოგონილი ჩაის საკრეფი მანქანის ბედიც მოიკითხა და მოსკოვში, საპატენტო ბიბლიოთეკაში მიაკვლია. გაარკვია, რომ მანქანის გამოყენება მამის გარდაცვალებიდან 10 წლის შემდეგ დაიწყეს, როცა ანდრო გრიგოლიას სიკვდილი ოფიციალურად დადასტურდა.

"არსად არ არის საუბარი, თუ ვინ არის გამომგონებელი. მე დამრჩა მარტო ფოტოები", - თქვა ციალა გრიგოლიამ.

Print E-mail
Twitter
სხვა მასალები
ზუგდიდელი სოციალ-დემოკრატი კონდრატე შამათავა,
16:12 / 28.12.2019
ზუგდიდელი სოციალ-დემოკრატი კონდრატე შამათავა,
ზუგდიდი რევოლუციური პროცესების პირისპირ მეოცე საუკუნის პირველ
წლებში, საერობო მაზრის არჩევნები,
18:46 / 13.12.2019
ზუგდიდი რევოლუციური პროცესების პირისპირ მეოცე საუკუნის პირველ წლებში, საერობო მაზრის არჩევნები,
ეს მამაჩემია, ვანო ბაბილუა - ფოთელი რეპრესირებულის შვილი ძველ,
გახუნებულ ფოტოზე, ბევრ,
15:22 / 09.12.2019
ეს მამაჩემია, ვანო ბაბილუა - ფოთელი რეპრესირებულის შვილი ძველ, გახუნებულ ფოტოზე, ბევრ,
ვიდეო
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე საპროტესტო
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
„ოდოია“ აფხაზებს შობა-ახალ წელს ულოცავს [ვიდეო]
ანსამბლი „ოდოია“ აფხაზებს შობა-ახალ წელს მათი ძველებური,
ზუგდიდის ბოტანიკურმა ბაღმა პირველი დამთვალიერებლები მიიღო [ვიდეო]
ზუგდიდის ბოტანიკური ბაღი დღეიდან ყველასთვის ღიაა.
საახალწლო ქოხები მუყაოსგან [ვიდეო]
ზუგდიდელმა ხელოვანმა ირინა მიქავამ საახალწლო სამზადისი უკვე
ფოტო
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
ჩირის ფარდები მარტვილის სოფლებში [ფოტო]
მარტვილში ხურმა სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
მზარეულის მაგიდა
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.