საბჭოთა რეპრესიები
სახლი ნატყვიარი კედლებით, როგორც საბჭოთა ოკუპაციის სიმბოლო კოკში [ვიდეო]
FaceBook Twitter
E-mail Print
ზუგდიდის სოფელ კოკში, ორსაუკუნოვანი ხის სახლი ერთადერთია, რომლის კედლები და კარი საცერივითაა. ეს მას შემდეგ, რაც 1924 წელს დიმიტრი ჩიქავას ოჯახში ბოლშევიკები შეიჭრნენ და დაცხრილეს. საბჭოთა ოკუპაციის წინაამღდეგ მებრძოლის შთამომავლები ნატყვიარ კედლებს და კარს დღემდე არ ცვლიან. სურთ, იცოდეს მომავალმა თაობამ რა გამოიარა ოჯახმა ბოლშევიკების დევნის გამო.

„როცა მამაჩემი 4 წლის იყო, მამიდა უფრო დიდი, პატარა ბიძა აკვანში იწვა, სახლში კი მხოლოდ ბებია იყო, შემოვარდნენ შეიარაღებულები, ყვიროდნენ, სადაა ეს ძაღლიშვილიო, ბაბუას ეძებდნენ. მერე ბავშვებზე უთქვამთ, ეს ლეკვებიც მისთანა გაიზრდებიანო, ამოუღია ერთს მაუზერი და აკვანში მყოფი ბიძაჩემისთვის დაუმიზნებია, ერთ-ერთს ხელი უკრავს, ტყვია აკვანს ასცდენია და კარს მოხვედრია“, - იხსენებს ბებიის მონაყოლს მურთაზ ჩიქავა.

მილიცია საბჭოთა რეჟიმის მოწინააღმდეგე მეგრელ კაცს დიდი ხანი ეძებდა, რომელიც ტყეში იმალებოდა. ოჯახისთვის დღესაც არ არის ცნობილი, თუ რა ვითარებაში და სად დაიჭირეს დიმიტრი ჩიქავა.

„ბაბუას ლაპარაკი არ უყვარდა. თითქოს ეშინოდა იმ ამბების გახსენების, ამიტომაც მასზე ზეპირი ცნობები მწირია. როგორც ვიცით, 10 წლით პატიმრობა მიუსაჯეს, მაგრამ არ ვიცით, ზუსტად რამდენი მოიხადა. სახლში, რომ დაბრუნებულა, ისევ გადაუსახლებიათ 4 წლით აზერბაიჯანში“, - გვიყვება უფროსი შვილიშვილი.

საბჭოთა რეპრესიის მსხვერპლი მხოლოდ დიმიტრი ჩიქავა არ ყოფილა. რეჟიმმა დევნა მისი ოჯახის წევრებისა და ნათესავების წინააღმდეგაც დაიწყო.

„ბაბუას ძმა, ბადრი ჩიქავა რომ გარდაიცვალა, კოლმეურნეობის თავმჯდომარის ბრძანებით მოსულან, სახლი დაუნგრევიათ, ხეები მოუჭრიათ. ბაბუა გაბრაზებულა, თოფი აუღია, ბებიამ არ დაანება. - სუ დიმიტრი, გაჩენდ ვარა ბაღანებს დომშქვიდუანანია, ჩქიმ დუდს გოფუჩუანქ, ვაქიმნა თენა მუთუნფეროვა“. [დიმიტრი გაჩერდი, თორემ ბავშვებს დამიხოცავენ, არ ქნა ჩემს თავს გაფიცებოდა თოფი გამოურთმევია].
მოგვიანებით კომუნისტურმა რეჟიმმა დიმიტრი ჩიქავას ოჯახის წევრებს და ნათესავებს არჩევნებში ხმის მიცემა აუკრძალა. მურთაზ ჩიქავა დღესაც ინახავს შინაგან საქმეთა სამინისტროს არქივიდან ამოღებულ მასალებს. ერთ-ერთი ასეთი დოკუმენტი სახელობითი სიაა, სადაც კოკის თემის საარჩევნო ხმის უფლებით მოსარგებლე და არმქონე მოქალაქეები წერია.

სიაში, ხმის მიცემის არმქონე მოქალაქეებს შორის არიან დიმიტრის ბიძაშვილები და მათი ცოლები.

საბჭოთა რეჟიმის მიერ დევნის გამო, რეპრესირებულის ფოტოსურათები ოჯახში არ შემორჩათ. ცნობილია მხოლოდ ის, რომ დიმიტრი არჩილის ძე ჩიქავა დაიბადა 1902 წელს, აზნაურის ოჯახში. ცოლად ჰყავდა ბაჩუა ჯაიანი თავადის ქალი. განათლება სენაკის სასულიერო სემიანარიასთან არსებულ სკოლაში მიიღო. გასაბჭოების შემდეგ იბრძოდა ე.წ. კავკასიის მებრძოლ ჯგუფთან ერთად. პატიმრობისა და გადასახლების შემდეგ სახლში დაბრუნდა, თუმცა ჯანმრთელობა შერყეული, ავადმყოფობით გარდაიცვალა.

შთამომავლები დიმიტრი ჩიქავას ნაქონ უნაგირებს და საყოფაცხოვრებო ნივთებს საგულდაგულოდ ინახავენ.

სახლში აქვთ ლენინისა და სტალინის ფოტოები, საბჭოთა სიმბოლიკიანი ნივთები, რადგან ახალ თაობას, საბჭოთა ოკუპაციის ისტორია ყოველთვის ახსოვდეს.

Print E-mail
Twitter
სხვა მასალები
ჩხოროწყუს სოფელ ახუთში, სიმწვანეში ჩაფლული თითქმის ორსაუკუნოვანი
მეგრული ოდა დგას.
21:56 / 10.06.2020
ჩხოროწყუს სოფელ ახუთში, სიმწვანეში ჩაფლული თითქმის ორსაუკუნოვანი მეგრული ოდა დგას.
გასული საუკუნის 30 იანი წლებია, ხობის სოფელ შუა ხორგას მცხოვრები
ახალგაზრდა ქალი
20:42 / 22.05.2020
გასული საუკუნის 30 იანი წლებია, ხობის სოფელ შუა ხორგას მცხოვრები ახალგაზრდა ქალი
ზუგდიდის მაცხოვრის კარის ეკლესია, 1924 წელს საბჭოთა ოკუპაციის
წინააღმდეგ
14:50 / 24.02.2020
ზუგდიდის მაცხოვრის კარის ეკლესია, 1924 წელს საბჭოთა ოკუპაციის წინააღმდეგ
ზუგდიდელი სოციალ-დემოკრატი კონდრატე შამათავა,
16:12 / 28.01.2020
ზუგდიდელი სოციალ-დემოკრატი კონდრატე შამათავა,
ვიდეო
 ზუგდიდელი სკეიტერები სავარჯიშო სივრცის ძიებაში [ვიდეო]
პიკასო, მაკო, ორი ნიკოლოზი და კიდევ სხვები, ახალგაზრდა სკეიტერები არიან და ზაფხულობით, ყოველ საღამოს იუსტიციის სახლის
ახალი ტურისტული ატრაქცია ნოქალაქევის სიახლოვეს [ვიდეო]
სენაკის სოფელ ბეთლემში, შემეცნებით-გასართობი ატრაქცია
ბიზნესი პატარძლების მოლოდინში [ვიდეო]
კორონავირუსის პანდემიის გამო მნიშვნელოვნად იზარალა
როგორ გადაურჩა თხილის კულტურა პანდემიას და რას ითხოვენ ფერმერები - [ვიდეო]
ფერმერები უკვე თანხმდებიან, რომ სწორად შეწამვლის შემთხვევაში
ენგურის ხიდი ისევ ცალმხრივად გაიხსნა [ვიდეო]
მარტში პანდემიის მიზეზით ჩაკეტილი ენგურის ხიდი ბოლო
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.