საბჭოთა რეპრესიები
პოლიტპატიმრების უნიკალური ფოტოები სოლოვეცკის საბჭოთა ბანაკიდან [ვიდეო]
FaceBook Twitter
E-mail Print
სოლოვეცკის საკონცენტრაციო ბანაკიდან გამოგზავნილ ბარათებს „ჩეკას“ შიშით წვავდნენ და ანადგურებდნენ.

ხუბულავების ოჯახსაც ეშინოდა, როცა 1924 წლის ანტისაბჭოთა აჯანყების ერთ-ერთი ლიდერის, ზუგდიდელი ლეონიდე (კანდო) ხუბულავასგან ფოტოებს და წერილებს იღებდა. ვინმეს რომ არ ენახა, ხის მეგრული ოდა-სახლის კედლებს შუა ინახავდნენ.

„ძველად სახლის კედლებს შემოაჭედებდნენ ხოლმე და სწორედ კედლებს შუა არსებულ სივრცეში მალავდნენ გულაგიდან გამოგზავნილ ნაწერებს და ფოტოებს. დროთა განმავლობაში წერილების ძირითადი ნაწილი განადგურდა. დარჩა რამდენიმე ფოტო“, - გვიყვება კანდოს ნათესავი რეზო კვარაცხელია.

კანდოს დისშვილმა მადონა ხუბულავამ კარადიდან გადარჩენილი ფოტოები გამოიტანა. რამდენიმე მათგანს მეორე მხარეს წარწერა აქვს. ერთ ფოტოზე აღნიშნულია, რომ ის სოლოვეცკში 1926 წელსაა გადაღებული. ფოტოზე მწერალი ლევან გოთუა და სხვა პოლიტპატიმრებიც არიან. შემორჩენილია ასევე გადასახლებაში ყოფნისას, ერთ-ერთი პატიმრის დაკრძალვის ფოტოც.

წინაპრის დაბადების თარიღი მის შთამომავლებს ზუსტად არ ახსოვთ. გასული საუკუნის დასაწყისში დაიბადა. სტუდენტობიდან იზიარებდა სოციალ-დემოკრატების იდეებს, მეგობრობდა კალისტრატე სალიასთან, რომელიც საქართველოდან ემიგრაციის შემდეგ ცნობილი მეცნიერი და მკვლევარი გახდა.

„1924 წლის ივნისში მოსამზადებლად, ის ჩხოროწყუში ჩავიდა და ახალგაზრდები შეკრიბა. თანამოზრეები იპოვა სენაკშიც. აჯანყება ჩაახშვეს და ერთ წელიწადში სოლოვეცკის კუნძულებზე გადაასახლეს, სადაც ცნობილ ქართველ მწერლებთან - კონსტანტინე გამსახურდიასთან და ლევან გოთუასთან ერთად იმყოფებოდა“, - იხსენებს კანდო ხუბულავას ნათესავი რეზო კვარაცხელია.

მისი თქმით, კანდო გადასახლებაში ყოფნისას, პოლიტპატიმრების საპროტესტო გამოსვლებში მონაწილეობდა.

„ის უმაღლესი განათლებით იყო. კითხვა უყვარდა. იქ კი პოლიტპატიმრებს თურმე საწერ-კალამს არ აძლევდნენ, რის გამოც პროტესტი გამოუცხადებიათ. მათთან მისულა კონსტანტინე გამსახურდია და უკითხავს პროტესტის მიზეზი. რომ გაუგია, უთქვამს - სადაც ხართ, იქაური ქუდი უნდა დაიხუროთო. კონსტანტინე პატიმრების პროტესტს არ შეუერთდა“, - გვიყვება რეზო კვარაცხელია.

უცნობია რა შედეგები მოჰყვა პოლიტპატიმრების პროტესტს გადასახლებაში, თუმცა ოჯახს კანდოსთვის გაუგზავნია ფრანგული ენის გრამატიკა და ლექსიკონი.

„დამოუკიდებლად შეუსწავლია ფრანგული ენა, მარქსის კაპიტალი უთარგმნია ფრანგულიდან, რომელიც სამწუხაროდ არ არის შემორჩენილი“.

კანდო ხუბულავა 1937 წელს გადასახლებიდან დაბრუნებულა. დედისა და დისთვის უთქვამს, რომ პოლიტიკურ საქმიანობას წყვეტდა ჯანმრთელობის მდგომარეობის გამო და ფიზიკის მასწავლებლად დაუწყია მუშაობა სოხუმში. თუმცა გადასახლებიდან დაბრუნების შემდეგ 3 თვეში დააპატიმრეს და დახვრიტეს.

რეზო კვარაცხელია ამბობს, რომ ცოტა ხნის წინ მას ზუგდიდის მე-9 საჯარო სკოლის მოსწავლეები ესტუმრნენ, რომლებიც 1924 წლის აჯანყების მონაწილეებზე ნაშრომების დასაწერად ცნობებს აგროვებდნენ.

„მნიშვნელოვანია, რომ ახალი თაობა ინტერესდება სახელოვანი წინაპრების ისტორიით. ბავშვებმა კანდოს შესახებ თემები დაწერეს სკოლაში, შემდეგ კი შევიტყვეთ, რომ განათლების სამინისტროსა და მერიის ინიციატივით, სახლის ფასადზე მემორიალურ დაფას გააკრავენ, რაც მნიშვნელოვანია, რათა საზოგადოებამ იცოდეს თავისი გმირების შესახებ“.

უახლოეს დღეებში სახლს, სადაც ლეონიდე (კანდო) ხუბულავა ცხოვრობდა, მემორიალურ დაფას გააკრავენ.

Print E-mail
Twitter
სხვა მასალები
ზუგდიდელი სოციალ-დემოკრატი კონდრატე შამათავა,
16:12 / 28.01.2020
ზუგდიდელი სოციალ-დემოკრატი კონდრატე შამათავა,
ზუგდიდი რევოლუციური პროცესების პირისპირ მეოცე საუკუნის პირველ
წლებში, საერობო მაზრის არჩევნები,
18:46 / 13.12.2019
ზუგდიდი რევოლუციური პროცესების პირისპირ მეოცე საუკუნის პირველ წლებში, საერობო მაზრის არჩევნები,
ეს მამაჩემია, ვანო ბაბილუა - ფოთელი რეპრესირებულის შვილი ძველ,
გახუნებულ ფოტოზე, ბევრ,
15:22 / 09.12.2019
ეს მამაჩემია, ვანო ბაბილუა - ფოთელი რეპრესირებულის შვილი ძველ, გახუნებულ ფოტოზე, ბევრ,
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში გათოვდა. თოვა ხანმოკლე იყო და მალევე დადნა.
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.