ზუგდიდის სასამართლომ პოლიციელების ცრუ დასმენაში ბრალდებულს გირაო შეუფარდა
ზუგდიდის რაინოულმა სასამართლომ პოლიცილეების ცრუ დასმენაში ბრალდებულ
ოდენა ბარამიას აღმკვეთის
ღონისძიების სახით 5000 ლარის ოდენობის გირაო შეუფარდა. შესაბამისი
გადაწყვეტილებით, მოსამართლე შოთა ბიჭიამ პროკურორ დავით პაპავას
მოთხოვნა ნაწილობრივ დააკმაყოფილა. პროკურატურა ბრალდებულის დაკავებას
ითხოვდა, რადგან მისი განმარტებით, არსებობს საფრთხე, რომ ოდენა
ბარამია ხელს შეუშლის გამოძიების მიმდინარეობას. ამასთან, დავით
პაპავას განცხადებით, ოდენა ბარამია მანამდე ხუთჯერ იყო ნასამართლევი.
მათ შორის, მსგავსი ბრალდებითაც, რაც დღეს აქვს წაყენებული.
ოდენა ბარამიას ბრალი 22 ნოემბერს წარედგინა საქართველოს სისხლის სამართლის კოდექსის 373-ე მუხლის მესამე ნაწილის „ა“ ქვეპუნქტით, რაც მძიმე ან განსაკუთრებით მძიმე დანაშაულის ჩადენის სესახებ ცრუ დასმენას გულისხმობს. დანაშაული ითვალისწინებს 4-დან 6-წლამდე პატიმრობას.
სხდომას თავად ბრალდებულიც ესწრებოდა, რომელმაც პირი პროტესტის ნიშნად ამოიკერა, თუმცა საუბარს ახერხებს. მან აღნიშნა, რომ თავს დამნაშავედ არ მიიჩნევს და პროკურატურამ „ცრუ ბრალდება წაუყენა იმ პოლიციელების გამართლების მიზნით, რომლებმაც მას 8 თვის წინ ფიზიკური შეურაცხყოფა მიაყენეს“.
ბრალდების მიერ საქმის მიზანმიმართულად გადაკვალიფიცირებაზე საუბრობს ბრალდებულის უფლება დამცველი ადვოკატი ნუგზარ ჩუხუა. მისი თქმით, პროკურატურამ რეალურად პოლიციელების მიერ ნაცემი და დაზარალებული ოდენა ბარამია ბრალდებულად წარმოაჩინა.
ოჯახის განცხადებით, მათ არ გააჩნიათ გირაოს გადახდის შესაძლებლობა, დარწმუნებული არიან საკუთარ სიმართლეში და ზუგდიდის სასამართლოს გადაწყვეტილებას გაასაჩივრებენ.
პროკურატურის ინფორმაციით, მიმდინარე წლის 4 აპრილს ოდენა ბარამია ნასვამ მდგომარეობაში მართავდა მანქანას, საჭე ვერ დაიმორჩილა და მოხდა ავტოსაგზაო შემთხვევა. ადგილზე მისულ პოლიციელებს ბესიკ გოროზიანს და ედიკ სიჭინავას, რომლებმაც მას კანონდარღვევისთვის ავტომანქანის მართვის უფლება 3 წლის ვადით ჩამოართვეს, სიტყვიერი შეურაცხყოფა მიაყენა. შედეგად ის გადაიყვანეს განყოფილებაში. როგორც პროკურორი აღნიშნავს, არსებობს მოწმეების შესაბამისი ჩვენებები და ექსპერტიზის დასკვნა.
თავის მხრივ, ბრალდებული აცხადებს, რომ ნასვამი არ ყოფილა, მას ავტომობილი გაუფუჭდა და პოლიციელებმა, რომლებიც თითქოს დასახმარებლად იყვნენ მისული სიტყვიერი შეურაცხოფა მიაყენეს, რაც ვერ მოითმინა და თავადაც გინებით უპასუხა. ამის შემდეგ როგორც ოდენა ბარამია აცხადებს, მას სცემეს, გადაიყვანეს სენაკის სოფელ ნოსირის პოლიციის განყოფილებაში, სადაც კვლავ ფიზიკური შეურაცხყოფა მიაყენეს, რის შემდეგაც მას სამედიცინო დახმარება დასჭირდა და გადაიყვანეს საავადმყოფოში.
7 აპრილს, ოდენა ბარამიამ პოლიციელებს უჩივლა მისი ცემის გამო, რაზევ გამოძიება დაიწყო, თუმცა როგორც ბრალდების მხარე ირწმუნება, გამოძიების პროცესში გამოიკვეთა, რომ ოდენა ბარამიამ პოლიციელების მხრიდან განხორციელებულ ძალადობასთან დაკავშირებით იცრუა და მას შესაბამისად ბრალიც წაუყენეს.
ბრალდებული აცხადებს, რომ გააგრძელებს პროტესტს და არ გაიხსნის ნაკერს, სანამ სასამართლოთი არ დადასტურდება მისი უდანაშაულობა. საქმესთან დაკავშირებით არსებითი განხილვა 27 დეკემბერს ჩაინიშნა.
სხდომას სახალხო დამცველის სამეგრელო-ზემო სვანეთის წარმომადგენელიც დაესწრო.
ოდენა ბარამიას ბრალი 22 ნოემბერს წარედგინა საქართველოს სისხლის სამართლის კოდექსის 373-ე მუხლის მესამე ნაწილის „ა“ ქვეპუნქტით, რაც მძიმე ან განსაკუთრებით მძიმე დანაშაულის ჩადენის სესახებ ცრუ დასმენას გულისხმობს. დანაშაული ითვალისწინებს 4-დან 6-წლამდე პატიმრობას.
სხდომას თავად ბრალდებულიც ესწრებოდა, რომელმაც პირი პროტესტის ნიშნად ამოიკერა, თუმცა საუბარს ახერხებს. მან აღნიშნა, რომ თავს დამნაშავედ არ მიიჩნევს და პროკურატურამ „ცრუ ბრალდება წაუყენა იმ პოლიციელების გამართლების მიზნით, რომლებმაც მას 8 თვის წინ ფიზიკური შეურაცხყოფა მიაყენეს“.
ბრალდების მიერ საქმის მიზანმიმართულად გადაკვალიფიცირებაზე საუბრობს ბრალდებულის უფლება დამცველი ადვოკატი ნუგზარ ჩუხუა. მისი თქმით, პროკურატურამ რეალურად პოლიციელების მიერ ნაცემი და დაზარალებული ოდენა ბარამია ბრალდებულად წარმოაჩინა.
ოჯახის განცხადებით, მათ არ გააჩნიათ გირაოს გადახდის შესაძლებლობა, დარწმუნებული არიან საკუთარ სიმართლეში და ზუგდიდის სასამართლოს გადაწყვეტილებას გაასაჩივრებენ.
პროკურატურის ინფორმაციით, მიმდინარე წლის 4 აპრილს ოდენა ბარამია ნასვამ მდგომარეობაში მართავდა მანქანას, საჭე ვერ დაიმორჩილა და მოხდა ავტოსაგზაო შემთხვევა. ადგილზე მისულ პოლიციელებს ბესიკ გოროზიანს და ედიკ სიჭინავას, რომლებმაც მას კანონდარღვევისთვის ავტომანქანის მართვის უფლება 3 წლის ვადით ჩამოართვეს, სიტყვიერი შეურაცხყოფა მიაყენა. შედეგად ის გადაიყვანეს განყოფილებაში. როგორც პროკურორი აღნიშნავს, არსებობს მოწმეების შესაბამისი ჩვენებები და ექსპერტიზის დასკვნა.
თავის მხრივ, ბრალდებული აცხადებს, რომ ნასვამი არ ყოფილა, მას ავტომობილი გაუფუჭდა და პოლიციელებმა, რომლებიც თითქოს დასახმარებლად იყვნენ მისული სიტყვიერი შეურაცხოფა მიაყენეს, რაც ვერ მოითმინა და თავადაც გინებით უპასუხა. ამის შემდეგ როგორც ოდენა ბარამია აცხადებს, მას სცემეს, გადაიყვანეს სენაკის სოფელ ნოსირის პოლიციის განყოფილებაში, სადაც კვლავ ფიზიკური შეურაცხყოფა მიაყენეს, რის შემდეგაც მას სამედიცინო დახმარება დასჭირდა და გადაიყვანეს საავადმყოფოში.
7 აპრილს, ოდენა ბარამიამ პოლიციელებს უჩივლა მისი ცემის გამო, რაზევ გამოძიება დაიწყო, თუმცა როგორც ბრალდების მხარე ირწმუნება, გამოძიების პროცესში გამოიკვეთა, რომ ოდენა ბარამიამ პოლიციელების მხრიდან განხორციელებულ ძალადობასთან დაკავშირებით იცრუა და მას შესაბამისად ბრალიც წაუყენეს.
ბრალდებული აცხადებს, რომ გააგრძელებს პროტესტს და არ გაიხსნის ნაკერს, სანამ სასამართლოთი არ დადასტურდება მისი უდანაშაულობა. საქმესთან დაკავშირებით არსებითი განხილვა 27 დეკემბერს ჩაინიშნა.
სხდომას სახალხო დამცველის სამეგრელო-ზემო სვანეთის წარმომადგენელიც დაესწრო.