საზოგადოება
სენაკელი ბავშვების გამოგონება - შემდეგი გაჩერება NASA [ვიდეო]
FaceBook Twitter
E-mail Print
სენაკის წმინდა ალექსი შუშანიას სახელობის სკოლა-გიმნაზიის მე-8 კლასის ხუთი მოსწავლე მაისში, ამერიკის შეერთებულ შტატებში, NASA-ს კოსმოსური ცენტრის უნივერსიტეტში გაემგზავრება. ეს წარმატება ახალგაზრდებს მცირე ზომის მოწყობილობამ მოუტანა, რომელიც მათ საკუთარი ხელით, სკოლის ლაბორატორიაში შექმნეს.

სენსორებისგან, მაგნიტის თუ სხვა პრიმიტიული ტექნიკური აღჭურვილობისგან დამზადებული მოწყობილობა არის შეტყობინების სისტემა მეწყერსაშიში ზონებისთვის, რომელიც მყისიერად აფიქსირებს ნიადაგში წარმოქმნილ ცვლილებებს და ზღვრული ნორმის გადაჭარბების შემთხვევაში სიგნალს აწვდის აპარატურის ცენტრალურ სერვერს. პარარელურად ამ ინფორმაციის მიღებას ბაზაში დარეგისტრირებული მოსახლეობაც შეძლებს.

მოსწავლეებს მოწყობილობის დამზადების იდეა მას შემდეგ გაუჩნდათ, რაც შარშან აგვისტოში სტიქიამ სკოლის მიმდებარე ტერიტორია ჩაანგრია. ამბობენ, რომ საქართველო, განსაკუთრებით სამეგრელოს რეგიონი მეწყერის მხრივ აქტიური ზონაა, რასაც თან სდევს მატერიალურ ზარალთან ერთად ადამიანური ტრაგედიებიც. შესაძლოა აპარატმა ვერ უზრუნველყოს მატერიალური დანაკარგების თავიდან აცილება, მაგრამ ახალგაზრდა გამომგონებლების მტკიცებით, სწრაფი შეტყობინების პირობებში მოსახლეობის ევაკუაცია დროულად მაინც მოხდება.

მოსწავლეების გამოგონილი მოწყობილობა. ფოტო: ლაივპრესი

მოზარდებს ჩანაფიქრის განსახორციელებლად 500 აშშ დოლარი „სმართ ქიდსის“ ათასწლეულის გამოწვევის ფონდმა გამოუყო. მოსწავლეების გამოთვლით, საბოლოო ჯამში, მოწყობილობის ნიადაგში დასამონტაჟებლად, გეოლოგთა მომსახურების ჩათვლით, 10 ათასი ლარია საჭირო. გამომგონებლების თქმით, აპარატურის უპირატესობა ის არის, რომ მისი დამზადება იაფი ჯდება, არ მოითხოვს რელიეფის წინასწარ ცოდნას და ყველანაირ პირობებს ერგება. ამასთან, გამოირჩევა სიზუსტით, და საიმედოობით.

მოსწავლეები ამბობენ, რომ ხელსაწყოთი საქართველოს გაზისა და ნავთობის კორპორაცია დაინტერესდა, სადაც მოსწავლეები სტაჟირებას გაივლიან. ამას გარდა, კორპორაციამ „სმართ ქიდსს“ 5 ათასი ლარი საჩუქრად გადასცა, აპარატურის ნიადაგში დამონტაჟების ხარჯის დასაფარად, რათა მისი ეფექტურობა რეალურ გარემოში გამოსცადონ. მოწყობილობის განთავსებას ბავშვები სკოლის მიმდებარე ტერიტორიასა და ნოქალაქევში გეგმავენ.

„ეს უკვე დასრულებული პროექტია, მუშაობს, უბრალოდ დასადგენია, რა უნდა იყოს ზღვარი მაგნიტს და სენსორს შორის რეალურ გარემოში და დამონტაჟების შემთხვევაში იმუშავებს“, - უთხრა მოსწავლეების მენტორმა უტა კილასონიამ „ლაივპრესს“.

დაჯილდოვების ცერემონიალი

როგორც გამოვარკვიეთ, სკოლა-გიმნაზიის მოსწავლეების ეს გამოგონება პირველი არ არის. შარშან მოსწავლეებმა საბარათე სისტემა შექმნეს და ციფრული ვოლტმეტრი, ამპერმეტრი დაამზადეს ლაბორატორიისთვის.

პატარა გამომგონებლებს წარმატების ემოცია ჯერაც არ განელებიათ. გვიჩვენეს მიღებული სერთიფიკატები და მთავარი ჯილდო - საგზური კოსმოსური ცენტრის უნივერსიტეტში. ისინი ათდღიანი ვიზიტის ფარგლებში ჰიუსტონს ეწვევიან და იქნებიან პირველი ქართველები, რომლებიც NASA-ს ყველზე დიდ ცენტრში ერთ კვირას დაჰყოფენ.

ათასწლეულის ინოვაციის კონკურსი 2015 წლიდან ხორციელდება და მასში სულ 240-მა ჯგუფმა მიიღო მონაწილეობა. მისი მიზანი ახალგაზრდებში ინოვაციებისა და ახალი ტექნოლოგიების შექმნის წახალისებაა. კონკურსს ათასწლეულის გამოწვევის ფონდი აშშ-ის საელჩოს ფინანსური მხარდაჭერით ახორციელებს.

Print E-mail
Twitter
სხვა მასალები
საქართველოში პური ისევ გაძვირდა. ფასმა საშუალოდ 10 თეთრით მოიმატა,
12:03 / 23.10.2021
საქართველოში პური ისევ გაძვირდა. ფასმა საშუალოდ 10 თეთრით მოიმატა,
კორონავირუსის მოსალოდნელი მეხუთე ტალღის და მოახლოებული ზამთრის
ფონზე,
14:11 / 09.10.2021
კორონავირუსის მოსალოდნელი მეხუთე ტალღის და მოახლოებული ზამთრის ფონზე,
2 ოქტომბერს ზუგდიდი, სხვა მუნიციპალიტეტების მსგავსად,
ახალ მერს და საკრებულოს აირჩევს.
14:25 / 01.10.2021
2 ოქტომბერს ზუგდიდი, სხვა მუნიციპალიტეტების მსგავსად, ახალ მერს და საკრებულოს აირჩევს.
კორონავირუსი

საბჭოთა რეპრესიები

ვიდეო
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.