საზოგადოება
მშობლებს მოწყვეტილი შვილები - აკრძალული გადაადგილების შედეგი [ვიდეო]
FaceBook Twitter
E-mail Print
ხურჩა-ნაბაკევის და ორსანტია-ოტობაიის საკონტროლო-გამშვები პუნქტების ჩაკეტვით, გადაადგილება აეკრძალათ იმ მოსწავლეებსაც, რომლებიც ყოველდღიურად კვეთდნენ საოკუპაციო საზღვარს, ზუგდიდის სკოლებში ქართულ ენაზე განათლების მისაღებად.

ზუგდიდის სოფელ განმუხურის სკოლა ზოგიერთმა მოსწავლემ უკვე დატოვა, ნაწილი კი ნათესავებთან დარჩა. ისინი ოტობაიაში და ფიჩორში, საკუთარ სახლებს ენგურის ხიდის გავლით, მხოლოდ შაბათ-კვირას ესტუმრებიან. განმუხურის საჯარო სკოლის დირექტორის მოადგილემ, ზურაბ ჯოლოგუამ „ლაივპრესს“ უთხრა, რომ სულ 15 მოზარდიდან, ახლა 9 მოსწავლე დადის.

საოკუპაციო საზღვრის ჩაკეტვამდე დიდი ხნით ადრე წამოვიდა და ხურჩაში, ნათესავებთან დროებით ცხოვრობს ოკუპირებული ნაბაკევის მკვიდრი რამდენიმე მოსწავლე. დირექტორმა დალილა ჩიქავამ „ლაივპრესს“ განუცხადა, რომ მათ განათლების მიღება სოფელ კოკის სკოლაში ამჯობინეს.

ხურჩა-ნაბაკევის საკონტროლო-გამშვები პუნქტის დახურვის გამო, ცხრა აღსაზრდელი ვერ მივიდა ხურჩის ახლადგარემონტებულ საბავშვო ბაღში, ორი კი იძულებულია დროებით ნათესავებთან სოფელში დარჩეს.

შარშანდელი მონაცემებით, აფხაზეთის მოსაზღვრე სამეგრელოს სოფლების სამ სკოლაში 51 მოსწავლე სწავლობდა ოკუპირებული ტერიტორიიდან. ეს ის მოზარდები არიან, რომლებმაც საკუთარ რაიონში განათლების მიღებაზე უარი თქვეს სკოლებში ქართულად სწავლის შეზღუდვის გამო.

აფხაზეთის დე ფაქტო მთავრობამ ჯერ კიდევ გასულ წელს „ახალი კანონის“ თანახმად დაიწყო საკონტროლო-გამშვები პუნქტების შემცირება. აპრილში ჩაიკეტა პუნქტები ზუგდიდის სოფელ შამგონას მოსაზღვრე თაგილონთან და წალენჯიხის სოფელ ფახულანის მოსაზღვრე ლეკუხონაში. მიმდინარე წლის, 5 მარტს კი ხურჩა-ნაბაკევისა და ოტობაია-ორსანტიის ე.წ. გადასასვლელების დახურვით ადმინისტრაციულ საზღვარზე ზუგდიდის მუნიციპალიტეტთან მხოლოდ ენგურის ხიდი, ხოლო წაენჯიხასთან ფახულანი-საბერიოს ე.წ. გამშვები პუნქტი დარჩა.

Print E-mail
Twitter
სხვა მასალები
ოკუპირებული აფხაზეთიდან საქართველოს კონტროლირებად ტერიტორიაზე
11:20 / 14.04.2021
ოკუპირებული აფხაზეთიდან საქართველოს კონტროლირებად ტერიტორიაზე
COVID-19 პანდემიამ მსოფლიოს საკმაოდ მძიმე კვალი დააჩნია,
12:48 / 09.04.2021
COVID-19 პანდემიამ მსოფლიოს საკმაოდ მძიმე კვალი დააჩნია,
პანდემიით დაზარალებული ტურისტული ბიზნესი სვანეთში ზაფხულის
იმედადაა.
17:06 / 26.03.2021
პანდემიით დაზარალებული ტურისტული ბიზნესი სვანეთში ზაფხულის იმედადაა.
კორონავირუსი

საბჭოთა რეპრესიები

ვიდეო
ბიზნესი და თერაპია პანდემიაში - საყელოები ანასა და ესმასგან  [ვიდეო]
საკერავი მანქანის ჩუმი ხმაური არღვევს ოთახის მყუდროებას, ხანაც
მოვედით, რომ პანდემია დასრულდეს - ზუგდიდელი პენსიონერები Covid19-ის ვაქცინაციაზე [ვიდეო]
აქ ახლა რიგი უნდა იყოს, - ამბობს 69 წლის რუბენ გახარია და მოსაცდელი
არ შეიძლება ვინმეს გამო ოცნებებზე უარი თქვა - სპელეოლოგი ქალი ჩხოროწყუდან [ვიდეო]
ჩხოროწყუში მიგარიას კირქვულ მასივზე არსებულ ლამაზ მღვიმეებს
ფოტო
კორონავირუსის საწინააღმდეგო ვაქცინაცია ზუგდიდში [ფოტო]
საქართველოში კორონავირუსის საწინააღმდეგო ვაქცინაციის
 „ყინულის სამყარო“ სვანეთში
„ყინულის მინი სამყაროში“ ასე დაარქვა საკუთარ ფოტოამბავს
დათოვლილი მესტია და ჰეშკილი [ფოტო]
სვანეთი განსაკუთრებით ლამაზია ზამთარში, როცა მთები
საშობაო „ალილო“ მრევლის გარეშე [ფოტო]
პანდემიის გამო, ტრადიციული საშობაო „ალილოს" მსვლელობა
სვანეთი შემოდგომის ფერებში [ფოტოამბავი]
სვანეთი წელიწადის ნებისმიერ დროს გამოირჩევა
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.