საზოგადოება
გარემოვაჭრეები მუშაობის აკრძალვის მოლოდინში - ზუგდიდის მერიამ ნაწილი უკვე გააფრთხილა [ვიდეო]
FaceBook Twitter
E-mail Print
ქალაქ ზუგდიდის მუნიციპალიტეტის საკრებულომ გარევაჭრობის რეგულაციის წესი მარტის თვეში დაამტკიცა. დადგენილების თანახმად, აკრძალვა ქალაქის 15 ქუჩას შეეხება. როდიდან ამოქმედდება ძალაში შესული წესი, ჯერჯერობით უცნობია. მერიაში „ლაივპრესს“ განუცხადეს, რომ ისინი ყოველმხრივ ცდილობენ გარევაჭრობისგან ტერიტორიების გათავისუფლებას, მხოლოდ ეს „უმტკივნეულოდ“ და ადამიანების „ინტერესების დაცვის“ გზით უნდა მოხდეს.

„მერიის ზედამხედველობის სამსახურის თანამშრომლები ახდენენ გარემოვაჭრეების ზეპირ და წერილობით გაფრთხილებებს“, - გვითხრეს მერიაში.

ზუგდიდის ცენტრალური სუპერმარკეტის (ბაზარი) მიმდებარედ, კედიას ქუჩაზე გარემოვაჭრეების ნაწილმა დაგვიდასტურა, რომ ისინი მართლაც გააფრთხილეს რეგულაციის წესის ამოქმედების შესახებ. მათ მერიის წარმომადგენლებმა დახლებისგან ქუჩის გასაწმენდად ათ-დღიანი ვადა მისცეს, თუმცა ეს პერიოდი გავიდა და ხელმეორედ არავინ მისულა. ალტერნატივა, თუ სად უნდა განაგრძონ მუშაობა, როგორც მოვაჭრეებმა განმარტეს, არავისთვის შეუთავაზებიათ.

მოვაჭრეები, რომლებსაც „ლაივპრესი“ გაესაუბრა, ვარაუდობენ, რომ მათი განთავსება უნდა მოხდეს ბაზრის უკანა მხარეს მშენებარე შენობაში, სადაც მათვივე სიტყვებით, ყველასთვის სამყოფი ადგილი ვერ იქნება. ასევე, გვითხრეს, რომ არ იციან, მოახერხებენ თუ არა გადასახადის გადახდას მცირე შემოსავლით.

„არაფერი ვიცით. ველოდებით. არ მოგვწონს ეს გადაწყვეტილება. ექვსი თვე ვთხოვეთ, მაგრამ ჯერ პასუხი არ მიგვიღია. მერიაშიც შევიტანეთ წერილი. გადაწყვეტილება არ მიგვიღიაო ჯერ. მიმდინარეობსო განხილვა და შეგატყობინებთო“, - ამბობენ გარემოვაჭრეები.

კედიას ქუჩისგან განსხვავებით, სიახლის თაობაზე არავის გაუფრთხილებია ზუგდიდის ისტორიულ-არქიტექტურული მუზეუმის შესასვლელში მოვაჭრე ადამიანები. ისინი ამბობენ, რომ ძალიან მძიმე პირობებში ცხოვრობენ და ამ გადაწყვეტილების აღსრულება მათ კარგს არაფერს მოუტანს.

გაფრთხილება არ მიუღიათ ქალაქის ცენტრალური ბულვარის მიმდებარე ტერიტორიაზე ხილ-ბოსტნეულით მოვაჭრეებსაც. მათ გვითხრეს, რომ არ იცნობენ დამტკიცებულ წესს.

აქ მომუშავე ადამიანებისგან განსხვავებით, მოსალოდნელ ცვლილებებზე გააფრთხილეს კოსტავას ქუჩაზე მეორეული საქონლით მოვაჭრე ქალი. გვითხრა, რომ მისთვის ეს „ლუკმა-პურის“ შოვნის საშუალებაა და არ იცის რას მოიმოქმედებს, თუკი ადგილის გათავისუფლება მოუწევს.

მისგან განსხვავებით, არ გაუფრთხილებიათ ამავე ქუჩაზე სიგარეტით და წვრილმანებით მოვაჭრე ქალი.

გარემოვაჭრეები თანხმდებიან, რომ ქუჩის პირობებში საქონლის გაყიდვა არ არის სწორი, თუმცა მეორეს მხრივ საუბრობენ მძიმე და გამოუვალ მდგომარეობაზე, რომელშიც უწევთ ცხოვრება. ამბობენ, რომ „ქუჩაში დგომა მათი არჩევანი არ არის“.

საკრებულოს დადგენილების თანახმად, გარევაჭრობა აიკრძალება ზვიად გამსახურდიას გამზირზე, ცენტრალური ბულვარის ტერიტორიაზე, მუზეუმის ცენტრალურ შესასვლელთან, ნარმანიას, კედიას, თეატრის, მეუნარგიას, ცოტნე დადიანის, სოხუმის ქუჩა მდინარე ჩხოუშის ხიდამდე, ლაღიძის, მერაბ კოსტავას, ნიკოლაძის ქუჩის კვეთამდე, გამარჯვების, მარცხენა სანაპიროს და ვახტანგ მე-6-ს ქუჩებზე. ამავე დადგენილების მიხედვით, ქუჩებზე, სადაც გარევაჭრობა აიკრძალა, შესაძლებელია ღია კაფეების, ყვავილების მაღაზიის და წიგნის სტელაჟების განთავსება.

რაც შეეხება ნაყინს და გამაგრილებელ სასმელებს, მათზე დროებითი ნებართვა ერთჯერადად, სეზონურად გაიცემა, სათანადო პირობების განსაზღვრის შემდეგ.

გარევაჭრობა ზუგდიდში წლების განმავლობაში მოუგვარებელ პრობლემას წარმოადგენს. მისი აკრძალვა რამდენჯერმე სცადეს სხვადასხვა ხელისუფლების პირობებში, თუმცა საპროტესტო აქციების გამართვის შემდეგ ისევ დაუშვეს.

Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.