საზოგადოება
ზუგდიდის მერიის შლაგბაუმი, შეზღუდული გადაადგილება მოქალაქეებისთვის [ფოტო]
FaceBook Twitter
E-mail Print
ზუგდიდის მერიის და სამხარეო ადმინისტრაციის შენობის მიმდებარე ბავშვთა კლინიკასა და სავაჭრო ობიექტებში ტრანსპორტით მისვლა მოქალაქეებისთვის შეზღუდულია, იქვე დამონტაჟებული შლაგბაუმის გამო.

მერიამ შლაგბაუმი ავტოტრანსპორტის არასანქცირებული შესვლის შეზღუდვის უზრუნველყოფის მიზნით შარშან დაამონტაჟა.

სამოქალაქო აქტივისტი როსტომ ზარანდია მიიჩნევს, რომ ტერიტორია, რომელზეც საგზაო ბარიერი დამტაჟდა, არ არის მხოლოდ ადმინისტრაციის საკუთრება, ის არის ქუჩა და მისით სარგებლობის უფლება ნებისმიერ მოქალაქეს უნდა ჰქონდეს.

მან გვითხრა, რომ დაინტერესდა, თუ ვისი ნებართვის საფუძველზე მოხდა ბარიერის დამონტაჟება, რაზეც წერილობით მიმართა ქალაქის საკრებულოს და მერიას.

„პრობლემაა საკადასტრო კოდთან დაკავშირებითაც. შლაგბაუმი დამონტაჟდა გასული წლის აპრილში, როცა საკადასტრო ნახაზის მიხედვით, ის კოსტავას ქუჩა იყო. ნახაზში ცვლილებები შევიდა ამ თემაზე ჩემს მიერ გაკეთებული განცხადებების შემდეგ. საკრებულოდან ცხრადღიანი დუმილის შემდეგ, მეათე დღეს გამცეს ორწინადადებიანი პასუხი, რომ ამ ობიექტის მონტაჟის ნებართვა საკრებულოს არ გაუცია. მერიამ შემატყობინა, რომ შლაგბაუმი არაა ის ობიექტი, რომელსაც ნებართვა სჭირდება“, - გვითხრა როსტომ ზარანდიამ.

მერიაში „ლაივპრესს“ განუცხადეს, რომ ქალაქ ზუგდიდის მუნიციპალიტეტის მერიის ადმინისტრაციული შენობის მიმდებარედ შლაგბაუმის განთავსების შესახებ გადაწყვეტილება ტერიტორიაზე ავტომანქანების პარკირების რეგულირების მიზნით და კანონის დაცვით იქნა მიღებული.

„შლაგბაუმის მართვის პულტი მიმდებარე ტერიტორიაზე განთავსებულ ყველა ობიექტს გააჩნია. ქალაქ ზუგდიდის მერიისთვის რაიმე სახის პრეტენზიით ობიექტის მფლობელებს არ მოუმართავთ“, - გვითხრეს მერიაში.

მართალია მერიისთვის ოფიციალური პრეტენზიით არ მიუმართავს სამედიცინო ცენტრ „თანაზიარის“ ადმინიასტრაციას, თუმცა მისი ხელმძღვანელი ხათუნა ბეჭვაია მიიჩნევს, რომ კლინიკის პაციენტებისთვის შლაგბაუმი ბარიერია, რომლის გადალახვა ტრანსპორტით მისული პაციენტებისთვის შეუძლებელია.

„მერიიდან დამირეკეს და მითხრეს, რომ თანამშრომლების სია მიმეტანა, ვისაც მანქანა ქონდა. მივუტანე, მაინც ორი პულტი მოგვცეს ჩემთვის და მთავარი ექიმისთვის. ჩემი სამედიცინო ცენტრს გადავეცი. როცა შემოდიან და აფიქსირებენ, რომ მოჰყავთ ავადმყოფი ბავშვები, ჩვენი თანამშრომლები მყისიერად რეაგირებენ ამაზე, ეს დამატებითი ბარიერები არ უნდა იყოს. როცა უცხოელი სტუმრები ჩამოდიან, გაოცებულები არიან, რა მიზეზით არის იქ შლაგბაუმი. ამ შემთხვევაში წინასწარ ვრეკავ თანამშრომლებთან, რომ გააღონ შლაგბაუმი“, - უთხრა „ლაივპრესს“ ხათუნა ბეჭვაიამ.

ადმინისტრაციის ტერიტორიაზე მდებარე კაფეს მეპატრონე ელგუჯა ჭითანავა ამბობს, რომ მერიისთვის პრეტენზიით არც მას მიუმართავს, თუმცა განმარტავს, რომ შლაგბაუმი მისი ბიზნესისთვის ხელისშემშლელია.

„მეც მაქვს ეს პულტი, მაგრამ ჩემს კლიენტებს ხომ არ აქვს?! მათთვის პრობლემაა მანქანით ჩვენს ობიექტში მოსვლა, რა თქმა უნდა ეს ჩემთვის ხელის შემშლელია, თუმცა ამ საკითხთან დაკავშირებით მერიისთვის არ მიმიმართავს“, - გვითხრა ელგუჯა ჭითანავამ.

ახალგაზრდა იურისტთა ასოციაციის (საია) ზუგდიდის ორგანიზაციის ხელმძღვანელი ჯემალ ჭკადუა ამბობს, რომ შლაგბაუმი ისე უნდა განთავსდეს, რომ სხვა ორგანიზაციებს და მოქალაქეებს არ შეეზღუდოთ თავისუფლად გადაადგილება.

„ეს შლაგბაუმი რომ მხოლოდ ადმინისტრაციული შენობის წინ იყოს არ არის პრობლემა. აქედან გამომდინარე იმ ტერიტორიაზე შლაგბაუმის დადგმა მიზანშეწონილი არ არის. გასაგებია, რომ თანამშრომლებს აქვთ სამართავი პულტები, მაგრამ იმ კლინიკაში მოქალაქეები მიდიან, პაციენტებს ხომ არ აქვთ ეს პულტები?! ბუნებრივია, რომ იზღუდება მათი თავისუფლად გადაადგილების უფლება“, - უთხრა „ლაივპრესს“ ჯემალ ჭკადუამ.

სამოქალაქო აქტივისტმა როსტომ ზარანდიამ გაიხსენა, თუ როგორ „გადალახა“ შლაგბაუმი, როცა სამედიცინო კლინიკაში ნათესავი მიიყვანა:

ფოტო: როსტომ ზარანდია

„ხშირად დამყავს ბავშვები იმ პედიატრიულ კლინიკაში, ადრე მიწევდა მოშორებით პარკირება, რადგან ამ შლაგმაუმმა ფაქტიურად მიმდებარე ტერიტორიაზე პარკირება შეუძლებელი გახადა. საჯარო მოხეელებმა აითვისეს ტერიტორია. იყო შემთხვევები, როცა მოქალაქეებმა დაამტვრიეს ეს წინაღობა, მაგრამ მალევე აღადგენდნენ ხოლმე.

მე, როცა მიწევდა მისვლა კლინიკაში, ჯიუტად დავდგებოდი შლაგბაუმთან და სანამ არ გამიღებდნენ, მანამ არ შევწყვეტდი გამაყრუებელ სიგნალს. ბოლოს მაგალითად, ორი სიცხიანი ბავშვი მიმყავდა ერთდროულად, მივატოვე შლაგბაუმთან მანქანა და ბავშვები კლინიკაში ხელში აყვანილი წავიყვანეთ, ჩვენს გვერდით ორ მამაკაცს, ხელში აყვანილი მოხუცი მიყავდა კლინიკაში“.
Print E-mail
Twitter
სხვა მასალები
ქალთა უფლებრივი მდგომარების გამოსწორების კუთხით, რითი იყო
მნიშვნელოვანი 2019 წელი,
15:38 / 04.01.2020
ქალთა უფლებრივი მდგომარების გამოსწორების კუთხით, რითი იყო მნიშვნელოვანი 2019 წელი,
ნათელა ბერანძე ზამთრის ცივ დღეებს სახლის ერთ ოთახში, ბუხართან
ატარებს. ბუხრის სიახლოვეს დგას საწოლიც.
11:37 / 28.12.2019
ნათელა ბერანძე ზამთრის ცივ დღეებს სახლის ერთ ოთახში, ბუხართან ატარებს. ბუხრის სიახლოვეს დგას საწოლიც.
ზუგდიდის ხანდაზმულთა დღის ცენტრში დღეს დიდი დღეა.
15:18 / 25.12.2019
ზუგდიდის ხანდაზმულთა დღის ცენტრში დღეს დიდი დღეა.
ეერთი, ოორი, საამი, - 3 წლის ილია კმაყოფილი და გახარებული ითვლის
ქაღალდზე მის მიერ დახატულ ჩიტებს.
18:23 / 08.11.2019
ეერთი, ოორი, საამი, - 3 წლის ილია კმაყოფილი და გახარებული ითვლის ქაღალდზე მის მიერ დახატულ ჩიტებს.
ვიდეო
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე საპროტესტო
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
„ოდოია“ აფხაზებს შობა-ახალ წელს ულოცავს [ვიდეო]
ანსამბლი „ოდოია“ აფხაზებს შობა-ახალ წელს მათი ძველებური,
ზუგდიდის ბოტანიკურმა ბაღმა პირველი დამთვალიერებლები მიიღო [ვიდეო]
ზუგდიდის ბოტანიკური ბაღი დღეიდან ყველასთვის ღიაა.
საახალწლო ქოხები მუყაოსგან [ვიდეო]
ზუგდიდელმა ხელოვანმა ირინა მიქავამ საახალწლო სამზადისი უკვე
ფოტო
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
ჩირის ფარდები მარტვილის სოფლებში [ფოტო]
მარტვილში ხურმა სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
მზარეულის მაგიდა
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.