საზოგადოება
ზუგდიდში პირველად გაიხსნა ცენტრი მოზარდების დასახმარებლად [ვიდეო]
FaceBook Twitter
E-mail Print
ზუგდიდში ბავშვთა და ახალგაზრდების ადვოკატირების ცენტრი მარტის თვეში გაიხსნა. მიზანი როგორც ძალადობის მსხვერპლი მოზარდების დახმარება, ასევე მსგავსი ფაქტების პრევენციის უზრუნველყოფაა. ამასთან, ცენტრის ფსიქოლოგები 21 წლამდე სხვადასხვა საჭიროების მქონე ახალგაზრდებთანაც მუშაობენ უნარების გამოსამუშავებლად, გარემოში ადაპტირებისთვის.

იმ ათამდე მოზარდს შორის, რომელთაც ცენტრის მომსახურებით უკვე ისარგებლეს, ქცევითი პრობლემების ახალგაზრდები სჭარბობენ. კერძოდ, მათ ხშირ შემთხვევაში უჭირთ ირგვლივ მყოფებთან კომუნიკაციის დამყარება, რაც საბოლოო ჯამში კონფლიქტით სრულდება.

ფსიქოლოგმა მარიამ ლემონჯავამ „ლაივპრესს“ უთხრა, რომ არიან ბავშვები, რომლებზეც ზრდასრული პირები ინტერნეტის მეშვეობით გარკვეული საფრთხისშემცევლი გავლენის მოხდენას ცდილობენ. აქვთ შემთხვევები, როცა მშობლები გამოთქვამენ სურვილს, ბევრად ეფექტურად შეძლონ საკუთარი შვილის ქცევის მართვა და ნაკლებად მკაცრები იყვნენ აღზრდის პროცესში.

მარიამ ლემონჯავა განმარტავს, რომ პრობლემას ასევე წარმოადგენს მოზარდების სუსტი უნარ-ჩვევები, სხვადასხვა სიტუაციაში დამოუკიდებლად მოახდინონ თავის დაცვა, რომლის გაუმჯობესებაზეც მუშაობენ.

ცენტრის კიდევ ერთ ფსიქოლოგს, ნინო კაკაჩიას უკვე მოუხდა მუშაობა რთული ქცევის ბენეფიციარებთან, რომლებსაც სკოლის პედაგოგებთან პრობლემები აქვთ. ერთ-ერთი მთავარი გამოწვევა ამ პროცესში, როგორც განმარტავს, მოზარდების მოტივაციის ამაღლებაა, მათთვის ნებისყოფის გამომუშავების ხელშესაწყობად.

ფსიქოლოგის თქმით, ბავშვების აგრესიას ხშირ შემთხვევაში თავად მასწავლებლების მხრიდან მოსწავლეების მიმართ არაკორექტული მიმართვები განაპირობებს. ნინო კაკაჩიას სიტყვებით, გაღიზიანებაც მხოლოდ პასუხია ამ ყველაფერზე.

ახალგაზრდა ფსიქოლოგი ამბობს, რომ ზოგჯერ პედაგოგს პირადი უთანხმოება აქვს მოსწავლის მშობელთან, საბოლოოდ კი აგრესიას ბავშვზე ანთხევს და კონფლიქტური სიტუაციაც არასრულწლოვანს აზარალებს.

ცენტრის ფსიქოლოგისვე განმარტებით, ეს უფრო კონსერვატორ მასწავლებლებს ეხებათ, რომლებიც მშობლებისგან განსხვავებით სიახლეებს ძნელად ეგუებიან და ნაკლებად ითვალისწინებენ მათ რეკომენდაციებს.

ჯერჯერობით მსგავსი საჭიროებით ცენტრისთვის არავის მიუმართავს, თუმცა მათი საქმიანობის კიდევ ერთი მიმართულება, მართლმსაჯულების წინაშე წარსადგენი ბავშვების ფსიქოლოგიური დახმარებაა:

„მოზარს სჭირდება უფრო მეტი მხარდაჭერა, სჭირდება რაღაც კონკრეტული უნარების განვითარება, იმისთვის, რომ უფრო უკეთ იგრძნოს თავი, უფრო ადაპტური იყოს გარემოში [პოლიციაში, სასამართლოზე]“, - ამბობს მარიან ლემონჯავა.

მიუხედავად მუშაობის ხანმოკლე პერიოდისა, მომსახურების მენეჯერი ირმა ალასანია ამბობს, რომ ცენტრი წარმატებით ფუნქციონირებს, რასაც სერვისებით დაინტერესების მზარდი მაჩვენებელიც მოწმობს:

„საიდან გაიგეს და როგორ მოგვაგნეს, ნამდვილად საინტერესოა იმ თვალსაზრისით, რომ დაწყებული არ გვქონდა მუშაობა, ჩვენმა პირველმა ბენეფიციარმა როგორც აღმოჩნდა გაავრცელა ინფორმაცია, თავისი შედეგით კმაყოფილმა. მოგვმატა ცენტრს კიდევ რამდენიმე ბენეფიციარი“, - აღნიშნა მან.

ირმა ალასანიას თქმით, ბევრად მეტი ეფექტურობის მისაღწევად მუშაობის გაგრძელებას სხვადასხვა სტრუქტურასთან თანამშრომლობის გზით და კოორდინაციით გეგმავენ. ამბობს, რომ მოსახლეობამ მათი სერვისების მიმართ დიდი ინტერესი გამოხატა, რაც პირად საუბრებშიც არაერთხელ უთქვამთ - „კარგი იქნებოდა მისი უფრო ადრე ამოქმედებაც, რადგან თავის დროზე როცა დასჭირდათ, მაშინ ვერავის მიმართეს“.

ზუგდიდში ბავშვთა და ახალგაზრდების ადვოკატირების ცენტრი ევროკავშირის ფინანსური მხარდაჭერით გაიხსნა. სამწლიან პროექტს საზოგადოებრივი ჯანდაცვის ფონდი ადგილობრივ არასამთავრობო ორგანიზაცია „თანაზიართან“ ერთად ახორციელებს, „სთეფ ფორვარდთან“ და „ბიგესთან“ თანამშრომლობით.

Print E-mail
Twitter
სხვა მასალები
ღამე, როცა ოჯახის წევრებს სძინავთ, 36 წლის ცირა ლუკავა საკუთარ
ოთახში გადის,
18:02 / 23.01.2020
ღამე, როცა ოჯახის წევრებს სძინავთ, 36 წლის ცირა ლუკავა საკუთარ ოთახში გადის,
ამ განცხადებიდან, ამ პროტესტიდან ვიწყებით ჩვენ სადაც ვართ, ზოგი
აჯიკასთან, ზოგი შაქართან...
17:43 / 22.01.2020
ამ განცხადებიდან, ამ პროტესტიდან ვიწყებით ჩვენ სადაც ვართ, ზოგი აჯიკასთან, ზოგი შაქართან...
ქალთა უფლებრივი მდგომარების გამოსწორების კუთხით, რითი იყო
მნიშვნელოვანი 2019 წელი,
15:38 / 04.01.2020
ქალთა უფლებრივი მდგომარების გამოსწორების კუთხით, რითი იყო მნიშვნელოვანი 2019 წელი,
ნათელა ბერანძე ზამთრის ცივ დღეებს სახლის ერთ ოთახში, ბუხართან
ატარებს. ბუხრის სიახლოვეს დგას საწოლიც.
11:37 / 28.12.2019
ნათელა ბერანძე ზამთრის ცივ დღეებს სახლის ერთ ოთახში, ბუხართან ატარებს. ბუხრის სიახლოვეს დგას საწოლიც.
ვიდეო
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ კომპანია „ვან ოორდს“,
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე საპროტესტო
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
„ოდოია“ აფხაზებს შობა-ახალ წელს ულოცავს [ვიდეო]
ანსამბლი „ოდოია“ აფხაზებს შობა-ახალ წელს მათი ძველებური,
ზუგდიდის ბოტანიკურმა ბაღმა პირველი დამთვალიერებლები მიიღო [ვიდეო]
ზუგდიდის ბოტანიკური ბაღი დღეიდან ყველასთვის ღიაა.
ფოტო
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
ჩირის ფარდები მარტვილის სოფლებში [ფოტო]
მარტვილში ხურმა სამეურნეო კულტურაა.
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
მზარეულის მაგიდა
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.