საზოგადოება
დე ფაქტო მთავრობას სურს ენგურის ხიდზე ოთხთვალა მიკროავტობუსით შეცვალოს [ვიდეო]
FaceBook Twitter
E-mail Print
„ოცდამეერთე საუკუნეში ვართ და ცხენით დავდივართ. ბოლოსდაბოლოს ჩვენც, ხომ ხალხი ვართ. მთავრობა ხელს არ გვიწყობს და დავჩანჩალებთ. თუ ამას (ოთხთვალას) მიკროავტობუსით შეცვლიან, კარგი იქნება. ამოისუნთქავს ხალხი, - ამბობს ზუგდიდიდან გალის სოფელ წარჩეში მიმავალი მგზავრი, რომელმაც „ლაივპრესისგან“ შეიტყო დე ფაქტო მთავრობის სურვილის შესახებ, ენგურის ხიდზე მოძრავი ტრანსპორტი - ოთხთვალას შებმული ცხენები მიკროავტობუსით შეიცვალოს.

ოკუპირებულ აფხაზეთის მცხოვრებლები, მეტწილად კი ქართველებით დასახლებული გალის მოსახლეობა, ქართულ-აფხაზური კონფლიქტის შემდეგ სწორედ ოთხთვალას საშუალებით გადმოდის დანარჩენ საქართველოში და ბრუნდება უკან ოკუპირებულ ტერიტორიაზე.

მიუხედავად იმისა, რომ უკვე მეორე წელია მუშაობს გაეროს ლტოლვილთა უმაღლესი კომისარიატის ინიციატივით დაწესებული უფასო მიკროავტობუსი, ის მგზავრთა დიდ ნაკადს ვერ აკმაყოფილებს. შედეგად ძირითად ტრანსპორტად კვლავ ცხენი და ურემი რჩება. ხუთი ოთხთვალა დილის რვიდან საღამოს რვა საათამდე მუშაობს. მისი ერთი გაჩერება ზუგდიდის სოფელ რუხში, მეორე კი ენგურის ხიდის მეორე მხარეს, ე.წ. აფხაზურ საგუშაგოსთანაა.

საეთო ჯამში, ზუგდიდი-გალის მიმართულებით მგზავრს ორი გაჩერება და ტრანსპორტის შეცვლა მოუწევს. პირველი - ზუგდიდის ბაზარი - სოფელი რუხი, რაც მიკროავტობუსით 2 ლარი, ტაქსით კი 7 ლარამდე ღირს. მეორე - სოფელი რუხი-ე.წ. აფხაზური საგუშაგო, ოთხთვალათი მგზავრს ეს მანძილი ერთი ლარი დაუჯდება და ამდენივე თითო ჩანთა. აფხაზურ საგუშაგოსთან მისუფლებს საკუთარ სოფლებში გასამგზავრელად კი მანძილის მიხედვით 2-დან 5-ლარამდე გადახდა მოუწევთ. საერთო ჯამში ერთი გზის ხარჯი მინიმუმ 5-დან 15 ლარამდე მერყეობს.

გალელები ამბობენ, რომ იმ შემთხვევაში თუ ოთხთვალას მიკროავტობუსი ჩაანაცვლებს, გადაადგილება მნიშვნელოვნად გამარტივდება. მითუფრო მაშინ, თუ ზუგდიდის ავტოსადგურიდან აფხაზურ საგუშაგომდე პირდაპირი რეისი დაინიშნება. სწორედ ასეთი ინფორმაცია აქვს გალის რაიონის სოფელ ნაბაკევში მცხოვრებ „ლაივპრესის“ რესპონდენტს:

„ასე უთქვამთ ეს არისო ნამდვილი სირცხვილი ოცდამეერთე საუკუნეში ოთხთვალათი, რომ გადმოყავთო ხალხი. ჩხოუშის (ზუგდიდი) ავტოსადგური რომ არის იქედან დაუშვებენო აქ, სულ პოსტამდე მარშუტკებს. ისე მართლა სირცხვილია მეთვრამეტე საუკუნეში ვართ ჩარჩენილი“, - განაცხადა რესპონდენტმა, რომელსაც ვინაობის დასახელება უსაფრთხოების დაცვის მიზნით არ სურს.

„ლაივპრესის“ კითხვაზე მსგავსი ინიციატივის ოფიციალურად დაყენების შემთხვევაში, ითანამშრომლებენ თუ არა დე ფაქტო მთავრობასთან, საქართველოს სახელმწიფო უსაფრთხოების სამსახურში განაცხადეს:

„ჩვენთვის, ცენტრალური ხელისუფლებისთვის ამოსავალი წერტილი არის, მოქალაქეებს არ შეექმნათ თავისუფლად გადაადგილების უფლება და ყველა ადამინის უფლებები იყოს დაცული“. სუს-ის პრესსამსახურში ამ თემაზე სხვა განმარტებები არ გააკეთეს.

აფხაზეთის დე ფაქტო ხელისუფლების სურვილი ენგურის ხიდზე ოთხთვალას გაუქმების შესახებ გასულ კვირას გალის ტელევიზია „გალ ტვ-სგან” გახდა ცნობილი. საკითხი გალის დე ფაქტო ადმინისტრაციის თათბირზე თანამშრომელმა, ბეჟან უბირიამ წამოჭრა. მისი სიტყვებით, გადაადგილებისთვის ოთხთვალას გამოყენება „ქვეყნის“ იმიჯზე უარყოფითად აისახება. მითუფრო მაშინ როცა დე ფაქტო ხელისუფლებამ დიდი რესურსი დახარჯა ე.წ. ცენტრალური საკონტროლო გამშვები პუნქტის, „ენგურის“ ინფრასტრუქტურის მოსაწყობად, იქამდე მისასვლელი გზების მშენებლობასა და ავტობუსის გამოყოფაზე.

იმ შემთხვევაში, თუ დე ფაქტო ხელისუფლება ამ სურვილის ინიციატივად ქცევას გადაწყვეტს, საკითხი გალის ან ჟენევის შეხვედრების ფორმატში უნდა განიხილონ.

Print E-mail
Twitter
სხვა მასალები
ერთ პატარა, მშვიდ ქალაქში, რომელიც გერმანიის უკიდურეს სამხრეთ
რეგიონში,
14:01 / 24.08.2019
ერთ პატარა, მშვიდ ქალაქში, რომელიც გერმანიის უკიდურეს სამხრეთ რეგიონში,
2008 წლის 10 აგვისტო, დილის შვიდი საათია, თუმცა სოფელს ღვიძავს,
11:34 / 07.08.2019
2008 წლის 10 აგვისტო, დილის შვიდი საათია, თუმცა სოფელს ღვიძავს,
ჭკადუაშში, დადიანების ყოფილ სანადირო რეზიდენციასთან მიახლოებისას
უზარმაზარ მწვანე მინდორზე,
19:04 / 05.08.2019
ჭკადუაშში, დადიანების ყოფილ სანადირო რეზიდენციასთან მიახლოებისას უზარმაზარ მწვანე მინდორზე,
საბჭოთა რეპრესიები
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ფოტო
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის მუნიციპალიტეტის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.