საზოგადოება
რა პროგრამას სთავაზობს ზუგდიდის მერია ძალადობის მსხვერპლ ქალებს
FaceBook Twitter
E-mail Print
ძნელია მოძალადე ქმრისგან წამოსვლა, როცა არ იცი შემდეგ როგორ იარსებო. ქალები ძალადობას წლების განმავლობაში ითმენენ იმიტომ, რომ არ არიან ეკონომიკურად ძლიერები, - ამბობენ ქალთა უფლებების დამცველები და ძალადობის მსხვერპლი ქალები, რომელთაც გენდერული ძალადობის წინააღმდეგ 16 დღიანი კამპანიის ფარგლებში გამართულ შეხვედრებზე ვესაუბრეთ.

ზუგდიდში მცხოვრებმა ახალგაზრდა ქალმა გვითხრა, რომ მოძალადე ქმრისგან წამოსასვლელად დიდი დრო დასჭირდა, რაც ფსიქოლოგიური ბარიერების გადალახვის გარდა, ეკონომიკური სირთულეებითაც იყო განპირობებული.

„ძალიან ძნელია გააცნობიერო, რომ მსხვერპლი ხარ. როცა ფსიქოლოგიურ ბარიერებს გადალახავ, შემდეგ იწყებ ფიქრს იმაზე, როგორ იარსებო ქმრის ოჯახიდან წამოსვლის შემდეგ“, - ამბობს ძალადობის მსხვერპლი.

ის მეორე წელია რაც მოძალადე ქმრისგან წამოვიდა. ამბობს, რომ დამოუკიდებლად მოახერხა საზოგადოებაში თავის დამკვიდრება. თავის დროზე მუნიციპალური სერვისები ვერ მიიღო, იმ მიზეზით, რომ ზუგდიდის მერიაში არსებული ძალადობის მსხვერპლი ქალების დახმარების პროგრამის არსებობის შესახებ არ იცოდა.

ზუგდიდის ჯანდაცვის და სოციალური სამსახურის უფროსმა ნინო სხულუხიამ გვითხრა, რომ მერია ძალადობის მსხვერპლი ქალებისთვის 800 ლარიან ერთჯერად ფულად დახმარებას გასცემს.

„მიმდინარე წელს, თემში 3, ქალაქში კი ერთი ქალბატონი იყო, ვინც ჩვენგან იღებდა ფულად დახმარებას“, - განმარტა მან.

ფოტოზე: ნინო სხულუხია

მერიის ფულადი დახმარების მიმღებ ძალადობის მსხვერპლ ქალებს შორის ერთ-ერთს არასამთავრობო ორგანიზაცია „თანაზიარი“ დაეხმარა საჭირო დოკუმენტაციის მომზადებაში.

„არასრულწლოვანმა გოგონამ მოგვმართა. ჩვენ დავეხმარეთ ყველა საჭირო დოკუმენტაციის მოგროვებაში, რის შემდეგაც მის ანგარიშზე ჩაირიცხა 800 ლარი. მისთვის ეს თანხა იყო სასიცოცხლოდ მნიშვნელოვანი. ზოგადად, არ ვარ მომხრე ერთჯერადი დახმარებებით დაფინანსების, მაგრამ ეს ის შემთხვევაა, როცა მხარს ვუჭერ, იმიტომ რომ ცენტრალურ დონეზე ძალადობის მსხვერპლი ქალების დახმარებისა და მათი ეკონომიკური გაძლიერებისთვის არაფერი კეთდება“, - გვითხრა არასამთავრობო ორგანიზაცია „თანაზიარის“ ხელმძღვანელმა ხათუნა ბეჭვაიამ.

მისივე თქმით, ფულადი დახმარებების გაცემის პარალელურად, ადგილობრივმა ხელისუფლებამ ქალთა ეკონომიკური გაძლიერების მიმართულებით უნდა გააგრძელოს მუშაობა.

ფოტოზე: ხათუნა ბეჭვაია

„ახალი წლის ბიუჯეტის კანონპროექტის სოციალურ პროგრამებში არის დაფინანსება არასამთავრობო ორგანიზაციებისთვის. მინდა რომ გამოვიყენო ეს პროგრამა და მათი თანადაფინანსების და სხვა დონორი ორგანიზაციის არსებობის შემთხვევაში, გავხსნა ზუგდიდში სოციალური საწარმო ძალადობის მსხვერპლი ქალებისთვის, რათა მოხდეს მათი დასაქმება და ეკონომიკური გაძლიერება“, - განაცხადა ხათუნა ბეჭვაიამ.

„სამოქალაქო აქტივობისა და თანასწორობის“ ცენტრის ხელმძღვანელი ციცინო შენგელიაც მიიჩნევს, რომ ძალადობის მსხვერპლი ქალების დაფინანსებით ზუგდიდი სხვა მუნიციპალიტეტებისგან გამოირჩევა, თუმცა მისივე თქმით, საჭიროა ადგილობრივ თვითმმართველობებში ისეთი მოხელეები იყვნენ დასაქმებულები, რომლებიც მეტად მგრძნობიარე იქნებიან გენდერული საკითხების მიმართ.

„კარგი სტარტი გვაქვს, მაგრამ მეტი მუშაობაა საჭირო. 16 დღიანი კამპანიის ფარგლებში სოფლის რწმუნებულებთან გვქონდა შეხვედრები. ისინი ფიქრობენ, რომ ქალებზე უპირატესები არიან, თუმცა რატომ, პასუხი არ აქვთ. ამ სოფლებში ფაქტი რომც გამოვლინდეს, ასეთი რწმუნებული იტყვის, რომ ოჯახის ამბავი გარეთ არ უნდა გავიდეს. კარგი იქნება მოხდეს მოხელეთა გადამზადება გენდერული სწავლების მიმართულებით, იმისათვის რომ შევძლოთ სოფლად მეტი ასეთი ფაქტის გამოვლენა“, - თქვა ციცინო შენგელიამ.

ფოტოზე: ციცინო შენგელია

ზუგდიდის მერიაში გვითხრეს, რომ ძალადობის მსხვერპლი ქალებისთვის მომავალ წელს გათვალისწინებული ერთჯერად ფულადი დახმარება ისევ 800 ლარი იქნება. გარდა ამისა, ზუგდიდში მალე გაიხსნება კრიზისული ცენტრი, რომელსაც შენობა ადგილობრივმა მუნიციპალიტეტმა გადასცა, ცენტრი 6 – 7 ბენეფიციარზეა გათვლილი.

ფოტოზე: გოგი რევია

რაც შეეხება, საჯარო მოხელეთა გადამზადების საკითხს, ზუგდიდის მერიის სოციალური დაცვის განყოფილების უფროსის გოგი რევიას თქმით, ახალ ბიუჯეტში ამ მიმართულებით თანხა გათვალისწინებულია.
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.