საზოგადოება
ახალი სატრანსპორტო ხაზი ენგურის ხიდზე - გაფიცული მძღოლები და კმაყოფილი მგზავრები [ვიდეო]
FaceBook Twitter
E-mail Print
ზუგდიდის ცენტრიდან სოფელ რუხში, აფხაზეთის ადმინისტრაციულ საზღვრამდე მოძრავი კერძო მიკროავტობუსების და ტაქსების მძღოლები, ასევე ენგურის ხიდზე მომუშავე ოთხთვალა ურმების მეპატრონეები გაფიცვას განაგრძობენ. სხვადასხვა სახის, დაახლოებით 30-მდე ტრანსპორტის მფლობელი აპროტესტებს ახალი მიკროავტობუსების დაწესებას. საუბარია ზუგდიდის ბაზრის სიახლოვეს მდებარე ე.წ. გალის ავტოსადგურიდან ენგურის ხიდის ბოლომდე, ე.წ. აფხაზურ საგუშაგომდე მიმავალ ტრანსპორტზე, რომელიც ოთხი თვის წინ ამუშავდა.

გაფიცულების თქმით, ახალ სამარშრუტო ხაზს არაოფიციალურად ყოფილი პარტიზანული დაჯგუფება „ტყის ძმების“ ხელმძღვანელი დათო შენგელია აკონტროლებს, რომლის დახმარებითაც და დე ფაქტო რესპუბლიკის წარმომადგენლებთან მოლაპარაკებით, 4 მიკროავტობუსი ოკუპირებულ ტერიტორიაზე შესვლას ახერხებს. იმის გამო, რომ თავად ხიდს იქით გადასვლის უფლება არ აქვთ, მგზავრები მოაკლდათ და სამუშაოს გარეშე დარჩნენ. გაფიცულები თანაბარი სამუშაო პირობების შექმნას ითხოვენ.

პროტესტის ნიშნად ენგურის ხიდთან საავტომობილო გზის გადაკეტვა სცადა ოთხთვალა ურმის მესაკუთრე სოფო მიქიამ, თუმცა ადგილზე მობილიზებულმა სამართალდამცავება ამის უფლება არ მისცეს. შსს-ს ინფორმაციით, სოფო მიქია ადმინისტრაციულ სამართალდარღვევათა კოდექსის 166-ე-173-ე მუხლებით დააკავეს, რაც საზოგადოებრივი წესრიგის დარღვევას და სამართალდამცველისთვის წინააღმდეგობის გაწევას გულისხმობს.

გაფიცულების პოზიციას არ იზიარებენ ახალი მიკროავტობუსების მესაკუთრეები და აცხადებენ, რომ მათაც უნდა იმუშაონ სერვისის გაუმჯობესებაზე. ზუგდიდში მდებარე ე.წ. გალის ავტოსადგურის წარმომადგენელმა არსენა ჩანგელიამ ენგურის ხიდთან შეკრებილთა გაფიცვას პროვოკაცია უწოდა. აღნიშნა, რომ არ აქვს მნიშვნელობა, ვისი ხელმძღვანელობით მოხდება მგზავრების ტრანსპორტირება, დათო შენგელიასი, თუ სხვა პირის, რადგან ხალხისთვის სასიკეთო საქმე გაკეთდა.

სატრანსპორტო საშუალებების მძღოლების პროტესტს არ იზიარებენ მგზავრებიც. გალელები აცხადებენ, რომ მათთვის გაცილებით კომფორტული და ეკონომიურია ახალი სატრანსპორტო ხაზი. მგზავრების თქმით, ზუგდიდის ბაზრის სიახლოვეს მდებარე სადგურიდან ე.წ. აფხაზურ საგუშაგომდე მიკროავტობუსს ორ ლარად მიჰყავს ისინი და არ იხდიან დამატებით თანხას მსუბუქ ტვირთზე, მაშინ, როცა ადრე რამდენიმე ტრანსპორტის შეცვლა უწევდათ, რაც გაცილებით ძვირი ჯდებოდა.

თავის მხრივ, სატრასპორტო საშუალებების უკმაყოფილო მძღოლები აცხადებენ, რომ მათი მოთხოვნის შეუსრულებლობის შემთხვევაში ფართო მასშტაბიან აქციებს დაიწყებენ.

ზუგდიდის ავტოსადგურიდან გალის ე.წ. დაბალი ზონის რამდენიმე სოფლის მიმართულებითაც მოძრაობს მიკროავტობუსი, თუმცა ეს სიახლე არ არის. მსგავსი მომსახურებით მგზავრები წლებია სარგებლობენ. პარალელურად ენგურის ხიდზე უკვე ორი წელია გალელებს ემსახურება გაეროს ლტოლვილთა უმაღლესი კომისარიატის ინიციატივით დაწესებული უფასო მიკროავტობუსი.

Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.