საზოგადოება
ზუგდიდში სუნელებით მოვაჭრეები ახალ რეგულაციებს არ ეთანხმებიან [ვიდეო/ფოტო]
FaceBook Twitter
E-mail Print
საქართველოს მთავრობის ახალმა რეგულაციებმა სუნელებისა და სანელებლების წარმოება-რეალიზაციასთან დაკავშირებით, ზუგდიდის ბაზრის მოვაჭრეების უკმაყოფილება გამოიწვია. მოქალაქეები, რომლებიც წლებია საკუთარ სახლში ამზადებენ სანელებლებს და თავად ყიდიან, ამბობენ, რომ ჯერ ისინი შეზღუდვების შესახებ არავის გაუფრთხილებია. მათივე თქმით, რეგულაციების დაწესების შემთხვევაში მუშაობის გაგრძელებას ვერ შეძლებენ, ეს ბიზნესი კი მათთვის ოჯახების რჩენის ერთადერთი წყაროა.

საქართველოს მთავრობის დადგენილება „სუნელებისა და სანელებლების წარმოებასთან, გადამუშავებასა და ბაზარზე განთავსებასთან დაკავშირებით რისკის მართვის დროებითი ზომების მიღების შესახებ“ ძალაში დღეს შევიდა. შეზღუდვების ვადა განსაზღვრულია არაუმეტეს 2 წლით.

ახალი წესების თანახმად: იკრძალება ფიზიკური პირების (გარდა ინდივიდუალური მეწარმეებისა) მიერ სუნელებისა და სანელებლების წარმოება ან გადამუშავება და რეალიზაცია; ეს შესაძლებელია მხოლოდ იმ შემთხვევაში, როცა მომხმარებლის თანდასწრებით ადგილზე ხდება სუნელებისა და სანელებლების დაფქვა; ბიზნესოპერატორის მიერ წარმოებული ან გადამუშავებული სუნელებისა და სანელებლების ბაზარზე განთავსება შესაძლებელია მხოლოდ დაფასოებული სახით საქართველოს კანონმდებლობით განსაზღვრული ეტიკეტირების მოთხოვნების დაცვით, რაც უზრუნველყოფს მიკვლევადობას და ეფექტური სახელმწიფო კონტროლის გატარებას.

როგორც დადგენილებაში ვკითხულობთ, პროდუქტი, რომელიც არ აკმაყოფილებს ჩამოთვლილ ნორმებს, „ექვემდებარება ამოღებას, გამოთხოვასა და განადგურებას“.

ზუგდიდის ბაზარში, სუნელებისა და სანელებლების განყოფილებაში დაახლოებით 20 ქალი მუშაობს და არცერთს არ აქვს ინდმეწარმის სტატუსი. პროდუქტის ნაწილი მათ დახლებზე ღიად, მცირე ზომის ტომრებით უწყვიათ, ნაწილი კი ერთჯერადი მოხმარების ჭიქებში, შუშის ქილებში და პოლიეთილენის პარკებშია შეფუთული. მოვაჭრეები დარწმუნებული არიან, რომ მათი სუნელები ჯანმრთელობისთვის უსაფრთხოა და ყველა საჭირო ნორმას აკმაყოფილებს.

56 წლის ზუგდიდელი ლეილა ძაძამია, 20 წელია სანელებლებს ბებიის რეცეპტით ამზადებს და ზუგდიდის ბაზარში ყიდის. ამბობს, რომ ამ ხნის მანძილზე მომხმარებელს მისი პროდუქტის ხარისხის გამო უკმაყოფილება არ გამოუთქვამს. დარწმუნებულია, რომ მედიით გავრცელებული ინფორმაცია სანელებლებში ტყვიის მაღალი შემცველობის შესახებ გადაჭარბებულია. მეტიც, ლეილა ძაძამია ფიქრობს, რომ ეს მიზანმიმართული კამპანიაა, რომელიც კერძო პირების ბიზნესის დაზარალებას ითვალისწინებს, უფრო მსხვილი კომპანიების სასარგებლოდ. მის აზრს იზიარებენ „ლაივპრესის“ მიერ გამოკითხული სუნელებით მოვაჭრე სხვა რესპონდენტებიც.

პარალელურად სურსათის ეროვნული სააგენტო საკუთარ რეგიონულ სამსახურებს უკვე აწვდის ინფორმაციას, თუ როგორ უნდა მოხდეს სუნელებისა და სანელებლების წარმოება-რეალიზაციის ნორმების კონტროლი.

„სურსათის ეროვნული სააგენტოს რეგიონულ სამსახურებს დღესვე მიეწოდებათ წერილი, იმასთან დაკავშირებით თუ როგორ უნდა მოხდეს კონტროლის მექანიზმების განხორციელება და უკვე შემდეგში დაიწყება კონტროლი. როგორც არის კანონში გაწერილი იმ მექანიზმებით გააკონტროლებს სააგენტო“, - განუცხადეს „ლაივპრესს“ სურსათის ეროვნული სააგენტოს პრესსამსახურში.

უწყებამ მოსალოდნელი ცვლილებების შესახებ განცხადება 7 თებერვალს გამოაქვეყნა, სადაც ნათქვამია, რომ 2017 წელს სახელმწიფო კონტროლის ფარგლებში ჩატარებული ლაბორატორიული კვლევის შედეგებით, სუნელებისა და სანელებლების 187 ნიმუშიდან 33 შემთხვევაში (18%) გამოვლინდა ტყვიის გადაჭარბებული შემცველობა. დარღვევები, უმეტეს შემთხვევაში (88%), იმ ფიზიკური პირების, ასევე კუსტარული წარმოებების პროდუქციაში დაფიქსირდა, რომლებიც არ იყვნენ რეგისტრირებულნი და, შესაბამისად, მათ მიმართ არ ხორციელდებოდა სახელმწიფო კონტროლი.

სააგენტოში განმარტავენ, რომ აღნიშნული გარემოებიდან გამომდინარე, დღის წესრიგში დადგა რისკის მართვის დროებითი ზომების მიღება, რაც მიზნად მომხმარებლის ინტერესებისა და ჯანმრთელობის დაცვას ისახავს.

Print E-mail
Twitter
სხვა მასალები
ერთ პატარა, მშვიდ ქალაქში, რომელიც გერმანიის უკიდურეს სამხრეთ
რეგიონში,
14:01 / 24.08.2019
ერთ პატარა, მშვიდ ქალაქში, რომელიც გერმანიის უკიდურეს სამხრეთ რეგიონში,
2008 წლის 10 აგვისტო, დილის შვიდი საათია, თუმცა სოფელს ღვიძავს,
11:34 / 07.08.2019
2008 წლის 10 აგვისტო, დილის შვიდი საათია, თუმცა სოფელს ღვიძავს,
ჭკადუაშში, დადიანების ყოფილ სანადირო რეზიდენციასთან მიახლოებისას
უზარმაზარ მწვანე მინდორზე,
19:04 / 05.08.2019
ჭკადუაშში, დადიანების ყოფილ სანადირო რეზიდენციასთან მიახლოებისას უზარმაზარ მწვანე მინდორზე,
საბჭოთა რეპრესიები
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ფოტო
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის მუნიციპალიტეტის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.