საზოგადოება
ინტერნეტის რეაქცია ზუგდიდის მერიის თანამშრომლის რუსულგერბიან მაისურზე
FaceBook Twitter
E-mail Print
ზუგდიდის მერიის თანამშრომლის, გურამ (ცაცა) შელიას გამოქვეყნებული ფოტო, სადაც მას რუსეთის გერბის გამოსახულებით მაისური აცვია, წარწერით „რასია“, ინტერნეტმომხმარებლების მხრიდან მწვავე კრიტიკის საგანი გახდა. „მოღალატე“, „მოსიარულე პროვოკაცია“, „სამარცხვინო“, „სრულმასშტაბიანი იდიოტი“ - ყველაზე მსუბუქი გამონათქვამებია, რითაც ცაცა შელიას მოიხსენიებენ სოციალურ ქსელსა თუ „ლაივპრესის“ გვერდზე. კომენტარების დიდი ნაწილი უცენზურო სიტყვებს და გინებას შეიცავს. 

„ტაში! ზუგდიდის საკრებულო და მერია - ოფიციალურ დელეგაციებს რუსეთიდან როდის მიიღებთ?“, - წერს „საერთაშორისო გამჭვირვალობა საქართველოს“ რეგიონული ოფისების მენეჯერი მალხაზ ჭკადუა.

„გეტყობა ახლა რუსულ „ხიზილალას" რომ ჭამ კოვზობით. გოგლი-მოგლს ხომ სჯობია?“, - ამბობს გიული წერეთელი.

ვინმე ლეილა ტაბატაძე კითხულობს - „და მერიას უნდა მუშაობდეს ასეთი გარეწარი? პასუხს არავინ მოსთხოვს იცის და იმიტომ“.

„ყველაფერი გავიგე მაგრამ ეს როგორ მოხდა ამ გაუგებრობაში და საერთოდ მერიაში? ბუდიონი ხარ თუ ჩაპაევიო დამცინოდა, რუსეთის მომხრე პატრიოტებთან რო იყო. ძაან მიკვირს“, - წერს გიორგი ვერავა.

„ფუი შენს ზუგდიდელობას. იქნებ პუტინი დაიხატო გულზე კიდე“, - ამბობს გიგა ბაჩილავა.

ვინმე გიზო ჟვანია მეგრულად ხსნის ამ ფაქტს - დორჩინე ცაცა (დაბერებულა ცაცა).

„თახსირი და უნამუსო, სამშობლოს გამყიდველი თუ ჩაიცმევს ამ მაისურს, თორე კაცური კაცი ერსა და მამულის მოყვარული ამას არ გააკეთებს“, - წერს ლუდა სალია.

გურამ შელიას მხარდამჭერებიც გამოუჩნდნენ. ერთ-ერთი სამეგრელო-ზემო სვანეთის გუბერნატორის მოადგილე დავით კოდუაა, რომელიც ცალსახად აცხადებს, რომ რუსეთი ოკუპანტია, თუმცა აგრესიის ობიექტს „კარგ ზუგდიდელად“ მოიხსენიებს, რომელსაც ქალაქისთვის ბევრი გაუკეთებია.

„გუშინ გამობრძნედილებო, კარგად მოიკითხეთ გუშინწინდელი თაობა და ვის რა ეცვა იმ თაობის დროს. ყველას კარგად გვახოვს სოფელ დარჩელში, როცა ერთდროულად იწვოდა 27 სახლი, როგორ გადაუდგა ცაცა შელია მხედრიონის ტანკს და როგორ მოახერხა მთელი სოფელი ცეცხლში არ გაეხვიათ!!!

მოიკითხეთ, 2008 წლის რუსეთ-საქართველოს ომის დროს სწორედ ეს ადამიანი იყო იმ ერთეულების რიგებში, რომლებმაც არ დატოვეს საკუარი კუთხე და ქალაქში გაქცევის პირას მყოფ დაბნეულ ხალხს იფარებდა საკუთარ და ნათესავების სახლებში.

ვინც მას იცნობთ, ალბათ იცით, ის ფეხბურთის კარგი მცოდნეა. ჩემგან განსხვავებით, მისთვის სპორტი და პოლიტიკა სულ სხავადსხვა სამყაროა!!! ჩემი თხოვნაა, შეეშვით მის გარიყვას“, - წერს გუბერნატორის მოადგილე.

იგივე პოზიციას იზიარებს „სპორტულ დაწესებულებათა მართვის ცენტრის“ ხელმძღვანელი დავით კვაშილავაც.

„ცაცას იმ ხალხმა დასცინოს, ვისაც იარაღი ეკავა სამშობლოს დასაცავად. დასცინოს იმათაც, მხედრიონის ჯალათებს წინ რომ გადაუდგა, აოხრებული კიდევ მეტად რომ არ ააოხრებინა.ბევრი იტყვის, პატარები ვიყავით 90-იანებშიო. თუ პატარები იყავით 90-იან წლებში და იარაღს ვერ დაიკავებდით, მაშინ 2008-ში აგეღოთ იარაღი და გებრძოლათ პარტიზანულად. რა,კოღოები შეგაწუხებდათ თუ თბილი საბნის უქონლობა, ან შხაპის მიუღებლობა? ან კიდევ ტყვია- წამალი შემოგაკლდებოდათ და ვერ იომებდით?თქვენ რომ ხართ, იმდენი მეგობარი მარტო რუსეთში გვყავს ჩვენ. არაფერს ვამბობ უკრაინაზე და ბელორუსზე“, - წერს მერიის თანამშრომელი.

გურამ შელიას გამოესარჩლა ლადო ქვარცხავაც, ახალსოფელში მერის წარმომადგენელი - ცაცა კოლორიტი ზუგდიდელია...და ეს აქსიომაა...მეტი ჩემი ადვოკატობა მას არაფერში ჭირდება. მარტო ერთს დავამატებდი ის ჩემი უფროსი ძმაა.

მას მხარდაჭერას უცხადებს „პატრიოტთა ალიანსის“ წარმომადგენელი ზუგდიდში ნინო კვარაცხელიაც და გურამ შელიას „უფროს მეგობრად“ მოიხსენიებს.

„ჩვენ მადლიერი უნდა ვიყოთ მისი, ვინც ნაკლზე მიგვითითებს.....მაგრამ რასაც წერენ და რომელ მაისურითაც გამოგჭიმეს ჩემო ცაცა, ეს ნაკლი არ არის.....ეს მათი ნაკლია, ვინც უკუღმა უყურებს ამ ცხოვრებას. მახათისტებს რა გამოლევს.

თეში მეტი ოდარდებელი ვემერჩასი. დო თე დარდიანეფი გაიხანგებუდასი. (ამის მეტი სადარდებელი არ გქონოდეს. ეს დადარდიანებულები გაგეგიჟებინოს)“, - ამბობს ნინო კვარაცხელია.

გურამ შელიას გამოესარჩლა „სამეგრელოს კონსტიტუციის“ ავტორი რაჟდენ თოდუა მეგრულ ენაზე. ის მაგინებლებს უხსნის, ვიდრე სიტყვა ოკუპანტს გამოიყენებდნენ, მისი მნიშვნელობა უნდა იცოდნენ.

ააიპ ზუგდიდის ბოტანიკური ბაღის მართვის ცენტრის თანამშრომელმა გურამ (ცაცა) შელიამ 5 ივნისს გამოაქვეყნა ფოტოსურათი, სადაც მას აცვია მაისური წარწერით „რუსეთი“ და ახატია ამავე სახელმწიფოს გერბი. ამბობს, რომ მაისური რუსეთის ნაკრების გულშემატკივრობის ნიშნად ჩაიცვა, რადგან ამ გუნდს ჯერ კიდევ საბჭოთა კავშირის დროიდან გულშემატკივრობს. დღეს ეს ფოტო მის „ფეისბუკ“ გვერდზე ვეღარ ნახავთ, თუმცა მაინც იძებნება სხვა ფოტო, სადაც იგივე მაისური აცვია, შარშან, აგვისტოს თვეში გადაღებული, ადგილმდებარეობად კი ინგირის აეროპორტია მითითებული. 

მერიაში აცხადებენ, რომ ისინი არ იზიარებენ თანამშრომლის პოზიციას, და რომ მას სიტყვიერ გაფრთხილებასაც მისცემენ.
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.