საზოგადოება
C ჰეპატიტის მართვის ცენტრი აფხაზებისთვის და ქართველებისთვის [ვიდეო/ფოტო]
FaceBook Twitter
E-mail Print
ზუგდიდში უკვე თითქმის წელიწად-ნახევარია C ჰეპატიტის მართვის ცენტრი ფუნქციონირებს, რომელიც სამეგრელო-ზემო სვანეთის გარდა, აფხაზეთიდან გამოსულ პაციენტებს ემსახურება. მათ შორის ეთნიკურ აფხაზებსაც. ულტრათანამედროვე აპარატურით აღჭურვილი სივრცე ვირუსის გამოვლენის გარდა, მის გენოტიპს ადგენს, დადასტურების შემთხვევაში კი მოქალაქეები ელიმინაციის სახელმწიფო პროგრამაში ერთვებიან. კლინიკის ხელმძღვანელმა ვლადიმერ მიქავამ „ლაივპრესს“ უთხრა, რომ ამ ხნის მანძილზე 1 700-მდე ადამიანი მიიღეს. აქედან C ჰეპატიტი 375-ს აღმოჩნდა. მკურნალობის სრული კურსი უკვე გაიარა 300-მა პირმა, განკურნების თითქმის 100%-იანი მაჩვენებელით. ამ ეტაპზე მკურნალობას 139 პაციენტი განაგრძობს.

ცენტრში მოქალაქეებს ერთი ფანჯრის პრინციპით ემსახურებიან, სადაც სკრინინგთან ერთად, დიაგნოსტიკის, ექიმის კონსულტაციის, რეგისტრაციის და მედიკამენტების მიღების სერვისი მოქმედებს. სამედიცინო დაწესებულების მმართველი მუშაობის პროცესს და მომართვიანობის მაჩნენებელს პოზიტიურად აფასებს.

„დღეში საშუალოდ ვიღებთ 15-20 პაციენტს. მათ შორის არიან აფხაზეთიდან გადმოსული იძულებით გადაადგილებული პირები, დაახლოებით 15-20%. არიან ეთნიკური აფხაზებიც. 20 ადამიანამდე უკვე გვყავდა. მათ ნეიტრალური პასპორტები ქონდათ. არიან ისეთებიც, რომლებმაც სურვილი გამოთქვეს პროგრამაში ჩართვის და ამ პასპორტების აღების“, - განმარტა ვლადიმერ მიქავამ.

ცენტრი ორშაბათიდან შაბათის ჩათვლით მუშაობს, დილის ათის ნახევრიდან საღამოს ხუთ საათამდე. შაბათს სამუშაო დრო უფრო ადრე, ორი საათისთვის სრულდება. აქ მოქმედებს უახლესი აპარატურით აღჭურვილი ლაბორატორიაც, სადაც ყველა საჭირო გამოკვლევა ტარდება.

პროცესი რამდენიმე საფეხურს მოიცავს. მათ შორისაა ღვიძლის დაზიანების ხარისხის დადგენის შემდგომ, მკურნალობის რეჟიმის განსაზღვრა, რომელიც 12 ან 24 კვირას გრძელდება. ერთ-ერთი ეტაპია მკურნალობის მონიტორინგიც. ეს კვლევებს გულისხმობს. თუმცა ყველაფერი ამით არ სრულდება. ექიმ-ინფექციონისტ მზია გაბედავას განმარტებით, მკურნალობის დასრულების სამი თვის თავზე ვირუსის წინააღმდეგ განხორციელებული ღონისძიებების ეფექტურობას აფასებენ.

„ამას ქვია მყარი ვირუსული პასუხი. ეს არის მკურნალობის ეფექტურობის შეფასება. ვადგენთ, პაციენტი განიკურნა თუ არა ჰეპატიტის ვირუსისგან. ძირითადად, ვინც ჩვენთან მკურნალობდა, ყველას გაუნულდა ვირუსი“, - აღნიშნა ექიმმა.

ცენტრს პაციენტები ვირუსის განვითარების სხვადასხვა ეტაპზე მიმართავენ. მათ შორის ციროზის და დეკომპენსირებული ციროზის დროსაც. ეს ის მდგომარეობაა, როცა ღვიძლის ფუნქცია მხოლოდ ნაწილობრივ არის შენარჩუნებული. მსგავსი შემთხვევებისას ადამიანი ინკურნება C ჰეპატიტისგან, თუმცა ვითარება ორგანოზე იგივე რჩება. ის მეტად აღარ პროგრესირდება.

მზია გაბედავას თქმით, მიმდინარე წლის აპრილიდან მოქმედებს საპილოტე პროგრამა, რომლის ფარგლებშიც უბნის ექიმები კარდაკარ დადიან და მოქალაქეებს სკრინინგს უტარებენ. ამბობს, რომ შედეგად ვირუსით დაავადებულთა გამოვლენის მაჩვენებელმა იმატა.

მკურნალობის ფარგლებში პროგრამაში ჩართულ პირებს ძვირადღირებული პრეპარატები უსასყიდლოდ გადაეცემათ. ეს მედიკამენტები განსხვავებულია ვირუსის ხარისხის მიხედვით. უფრო მსუბუქი შემთხვევის დროს ინიშნება ჰარვონი, რთული ფორმების დროს კი მას რივავრინი ემატება.

მკურნალობის პროცესის დიდ ნაწილს სახელმწიფო აფინანსებს. გარკვეული თანხის გაღება მოქალაქეებს უკვე თავად უწევთ. მაგალითად, დიაგნოსტიკის ხარჯებს, რომელიც 15-16 კვლევას მოიცავს, მთავრობა 30%-ით, ადგილობრივი ხელისუფლება კი, სადაც პაციენტია მიწერილი, დანარჩენი 70%-ით ფარავს. სოციალურად დაუცველი ადამიანების შემთხვევაში პირიქით ხდება.

შემდგომი ეტაპის დროს, რაც მკურნალობის მონიტორინგს გულისხმობს, ხარჯების 30%-ს სახელმწიფო ფარავს, 70%-ს კი მოქალაქე. იგივე პირობები ვრცელდება ეთნიკურ აფხაზებზეც, რომლებიც ელიმინაციის პროგრამაში ერთვებიან.

„მათ უმარვლესობას მიწერა აქ აქვს. 30%ს სახელმწიფო უფინანსებს, დანარჩენს მერია, იმის მიხედვით, თუ სად არიან მიწერილი. თუ არ აქვს მიწერა, თვითონ იხდის თანხას. 250 ლარამდე დაახლოებით. მკურნალობის მონიტორინგის დროს კი კიდევ 150 ლარამდე“, - გვითხრა მზია გაბედავამ.

მისივე განმარტებით, დიაგნოზის მიმართ შიში ბევრ მოქალაქეს აქვს, თუმცა ვირუსი ადვილად ინკურნება. ამიტომაც, რაც უფრო საწყის ეტაპზე მიმართავენ ცენტრს პაციენტები, შედეგიც ბევრად ეფექტური იქნება - აღდგება ღვიძლის დაზიანებული უჯრედები.

ზუგდიდში C ჰეპატიტის მართვის ცენტრი 22 მარტს გაიხსნა. მისი მშენებლობისთვის მილიონ 88 ათასი ლარი დაიხარჯა.

ვირუსის გავრცელების მაჩვენებლით, უკვე რამდენიმე წელია სამეგრელო-ზემო სვანეთი პირველ ადგილზეა რეგიონებს შორის, ქალაქებს შორის კი მოწინავე პოზიციაზე ზუგდიდია.

Print E-mail
Twitter
სხვა მასალები
ხანდაზმულთა კლუბი 2018 წელს ზუგდიდში გაეროს განვითარების ფონდის
მხარდაჭერით გაიხსნა.
13:07 / 19.10.2019
ხანდაზმულთა კლუბი 2018 წელს ზუგდიდში გაეროს განვითარების ფონდის მხარდაჭერით გაიხსნა.
სკოლის საკლასო ოთახიდან ქართული ხალხური სიმღერები ისმის. კარს
ფრთხილად ვაღებ, დაკაკუნების გარეშე.
13:01 / 01.10.2019
სკოლის საკლასო ოთახიდან ქართული ხალხური სიმღერები ისმის. კარს ფრთხილად ვაღებ, დაკაკუნების გარეშე.
დაბომბილი ქალაქი, დენთის სუნი, ქუჩაში ცხედრები
16:30 / 27.09.2019
დაბომბილი ქალაქი, დენთის სუნი, ქუჩაში ცხედრები
ვიდეო
ბოტანიკური ბაღი გახსნამდე ერთი თვით ადრე [ვიდეო]
ზუგდიდის განახლებული ბოტანიკური ბაღი,
ბაღის იატაკი - საძინებელი თუ „მოსვენების კუთხე“?
ზუგდიდის მუნიციპალიტეტის სოფელ დარჩელის საბავშვო ბაღში
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
ფოტო
გაფერადებული სვანეთი
სვანეთი წელიწადის ყველა დროს ლამაზია.
სპორტული მოედნები ზუგდიდში [ფოტო]
ზუგდიდის ცენტრალურ უბნებში სპორტული მოედნების ნაწილი
ფოტოამბავი ოკუპირებული გალიდან
როგორ გამოიყურება ოკუპირებული ქალაქ გალის ცენტრი დღეს,
სახიფათო ორმოები საჯიჯაო-ნარაზენის გზაზე [ფოტო]
ზუგდიდის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.