საზოგადოება
სამცხე-ჯავახეთში ცხოველთა თავშესაფარს აშენებენ, სამეგრელოში კი ამის ფული არ აქვთ
FaceBook Twitter
E-mail Print
სამეგრელოს მუნიციპალიტეტების მერები მიუსაფარ ცხოველთა თანამედროვე სტანდარტების მქონე თავშესაფრის მშენებლობაზე უარს ამბობენ იმ მიზეზით, რომ მისი მოწყობისთვის საჭირო თანხები ადგილობრივ ბიუჯეტებს არ აქვთ.

ზუგდიდის მაჟორიტარი დეპუტატის მერაბ ქვარაიას ინიციატივით, ზუგდიდში რეგიონის თვითმმართველობების წარმომადგენლების შეხვედრა გაიმართა მიუსაფარ ცხოველთა თავშესაფრის მოწყობაზე, სადაც მათ არასამთავრობო ორგანიზაცია „პროგრამებისა და განვითარების ცენტრმა“ სამცხე-ჯავახეთისა და კახეთის რეგიონებში დაგეგმილი თავშესაფრების პროექტები გააცნო.

შემოთავაზებული პროექტის მიხედვით, თავშესაფარში ცხოველებს უმკურნალებენ, ჩაუტარებენ აცრებს, სტერილიზაციას, კასტრაციას, რაც მათ გამრავლებას ჰუმანური გზით შეაჩერებს. ასეთი პროექტის განხორციელება „პროგრამებისა და განვითარების ცენტრის“ წარმომადგენლის ლაშა გეგეჭკორის თქმით, კახეთში 1 მილიონ 240 ათასი ლარი ჯდება, სამცხე-ჯავახეთში კი 994 246 ათასი.

სამეგრელოს მუნიციპალიტეტების მერების განცხადებით, მიუსაფარი ცხოველების პრობლემა ყველგან მწვავეა, თუმცა თავშესაფრის მოწყობისთვის დასახელებული თანხები მათ არ აქვთ.

მერაბ ქვარაიას განცხადებით კი, თანხების მოძიება შესაძლებელია.

„მართალია ამ ეტაპზე მათ აბრკოლებთ ფინანსები, მაგრამ პრობლემის სწორად გააზრების შემთხვევაში, თანხების მოძიება შესაძლებელია. ფინანსების არქონა არ არის აქ მთავარი პრობლემა. კარგი იქნება, თუ თვითმმართველობის ხელმძღვანელები სწორად გაიაზრებენ ამ საკითხს. ეს პრობლემა ყველა შემთხვევაში გადასაწყვეტია. თუ ამ შეფასებამდე მივლენ, შემდეგ უკვე შეიძლება თანხების მოძიება ადგილობრივ ბიუჯეტში, ან დონორ ორგანიზაციებთან“, - უთხრა „ლაივპრესს“ დეპუტატმა.

როგორ მოხდა თანხების მოძიება თავშესაფრის მშენებლობისთვის სამცხე-ჯავახეთის რეგიონში, სადაც 6 მუნიციპალიტეტია, ამის გასარკვევად პრეზიდენტის რწმუნებულს რეგიონში, კახა სამხარაძეს დავუკავშირდით.

მისი ცნობით, უახლოეს დღეებში გამოცხადდება ტენდერი თავშესაფრის საპროექტო წინადადებაზე, რის შემდეგაც დაიწყება სამშენებლო სამუშაოების პირველი ეტაპი.

„თავშესაფრის მოსაწყობად თანხების გამოყოფა ეტაპობრივად უნდა მოხდეს, რადგან ერთბაშად საამისო ფინანსური რესურსები ჩვენ არ გვაქვს. წელს, ყველა მუნიციპალიტეტს რისი საშუალებაც აქვს, იმ თანხას გაიღებს. როცა რეგიონი შეიძენს პროექტს, მერე გადავა სამშენებლო სამუშოებზე, რომლის პირველი ეტაპის განხორციელებას შევძლებთ, მეტს ვერა, მომავალი წლის ბიუჯეტში კი თამამად შეგვეძლება დაწყებული საქმის დამთავრება“, - უთხრა „ლაივპრესს“ კახა სამხარაძემ.

კახეთის რეგიონალური განვითარების სააგენტოს ხელმძღვანელ მალხაზ ჭრელაშვილის თქმით, მიუსაფარ ცხოველთა თავშესაფრის აშენების მზაობა რეგიონში აქვთ, თუმცა საამისო თანხები მოძიებული ჯერ არ არის.

„ეს პრობლემა აწუხებს ყველა, სასტუმროს, ბიზნესს, მცირე მეწარმეს, მოსახლეობას. ამიტომ დღის წესრიგში დადგა, რომ ცივილურად მოწესრიგდეს და აშენდეს თანამდროვე სტანდარტების თავშესაფარი და გადავწყვიტეთ დონორების მოძიება“, - გვითხრა მალხაზ ჭრელშვილმა.

ზუგდიდის მაჟორიტარი დეპუტატის თქმით, რეგიონში თავშესაფრის მოწყობაზე მუნიციპალიტეტების მერებთან და საკრებულოების თავმჯდომარეებთან კიდევ შედგება შეხვედრა.

„ჩვენ შევეცდებით დონორი და პარტნიორი ორგანიზაციების დახმარებით გარკვეული კვლევა ჩავატაროთ და კიდევ ერთხელ შევთავაზოთ მუნიციპალიტეტებს ჩვენი კვალიფიციური ანალიზი. ამის შემდეგ უკვე დარწმუნებული ვარ გამოიკვეთება მიმართულება, თუ როგორ უნდა მოხდეს ამ პრობლემის გადაჭრა“, - გვითხრა მერაბ ქვარაიამ.

მისი ინიციატივით, მიუსაფარი ძაღლების თავშესაფრის პროექტი ზუგდიდში 2015 წელს შემუშავდა, თუმცა მოგვიანებით ადგილობრივმა ხელისუფლებამ განაცხადა, რომ მისი აშენებისთვის საჭირო თანხები არ აქვს.

თავშესაფრის აშენების მოთხოვნით, ზუგდიდში საპროტესტო აქციები არაერთხელ გაიმართა.
Print E-mail
Twitter
სხვა მასალები
2008 წლის 10 აგვისტო, დილის შვიდი საათია, თუმცა სოფელს ღვიძავს,
11:34 / 07.08.2019
2008 წლის 10 აგვისტო, დილის შვიდი საათია, თუმცა სოფელს ღვიძავს,
ჭკადუაშში, დადიანების ყოფილ სანადირო რეზიდენციასთან მიახლოებისას
უზარმაზარ მწვანე მინდორზე,
19:04 / 05.08.2019
ჭკადუაშში, დადიანების ყოფილ სანადირო რეზიდენციასთან მიახლოებისას უზარმაზარ მწვანე მინდორზე,
ანასტასია, ქრისტინე, გიორგი, ქეთი, გრიგოლი, თეკლე, მაია, ეკატერინე
- ბავშვები
15:39 / 31.07.2019
ანასტასია, ქრისტინე, გიორგი, ქეთი, გრიგოლი, თეკლე, მაია, ეკატერინე - ბავშვები
საბჭოთა რეპრესიები
ვიდეო
თხილი ხარისხით ფასდება [ვიდეო]
სამეგრელოში თხილის მოსავლის აღება აქტიურად მიმდინარეობს.
27 წლის თვითნასწავლი ოსტატი ურთიდან [ვიდეო]
ზუგდიდის მუნიციპალიტეტის სოფელ ურთაში
კოსმოსში გაფრენაზე მეოცნებე პლანეტების მოყვარული 9 წლის ბიჭი [ვიდეო]
კოსმოსი, პლანეტები, გალაქტიკა, უჩვეულო ღრუბელი
ვლაქერნობა ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად მსვლელობით დაიწყო.
ფოტო
სახიფათო ორმოები საჯიჯაო-ნარაზენის გზაზე [ფოტო]
ზუგდიდის მუნიციპალიტეტის სოფელ ნარაზენის და ხობის მუნიციპალიტეტის
მესტიელი გიდი ტურისტებს ქორულდის ტბებზე ეპატიჟება [ფოტო]
სოციალურ ქსელში დაწყებული კამპანიის „გაატარე ზაფხული
იდლიანი - სოფელი სვანეთში [ფოტო]
იდლიანი 150-კომლიანი თემია მესტიის მუნიციპალიტეტში.
გამოცდიდან გამოსული აბიტურიენტების ემოციები [ფოტო]
საქართველოში ერთიანი ეროვნული გამოცდები დღეიდან დაიწყო.
როგორი ეზოები აქვს ზუგდიდში კორპუსებს [ფოტო]
ზუგდიდში მრავალბინიანი კორპუსების ეზოები ის ადგილია,
მზარეულის მაგიდა
მარტივად და სწრაფად მოსამზადებელი ჭვიშტარი [ვიდეო]
ჭვიშტარს მეგრულ სამზარეულოში განსაკუთრებული ადგილი უჭირავს.
პასკები იასამნებით მხატვრისგან [ვიდეო]
მაგიდაზე ფუნჯებით სავსე ქილა დგას. მხატვარი მარიკა კორკელია
ფუჩხოლია [ვიდეო]
ფუჩხოლია მეგრული სიტყვაა და ქართულად ნიშნავს - დაფშვნილს,
როგორ მოვამზადოთ წელვადი ელარჯი [ვიდეო]
ერთ-ერთი ყველაზე პოპულარული მეგრული კერძის მოსამზადებლად
გებჟალია ნადუღით [ვიდეო/ფოტო]
ზუგდიდის სოფელ ახალსოფელში მცხოვრები ბელა კვარაცხელიას
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.