საზოგადოება
მგონია ახლა მთებს შევძრავ - ქალი ძალადობის მსხვერპლთა თავშესაფრიდან [ვიდეო/ფოტო]
FaceBook Twitter
E-mail Print
ის, რაც ცხოვრებაში გადავიტანე, ამად ღირდა. ძალიან გავიზარდე. დამოუკიდებლად დავდექი ფეხზე. შემიძლია ნებისმიერ რამეს შევეჭიდო. ასე მგონია, რომ ახლა სამი ბავშვით შევძლებ მთები შევძრა, - ამბობს 31 წლის ნათია (სახელი პირობითია, რადგან ვინაობის გამხელა არ სურს). ის ზუგდიდში მოქმედი ძალადობის მსხვერპლ ქალთა თავშესაფრის უკვე ყოფილი ბინადარია. თავშესაფარი, რომელიც 8 თვის წინ გაიხსნა, რეგიონში ერთადერთია. დაწესებულება უკვე მოემსახურა 24 ოჯახს - ქალებს შვილებთან ერთად.

თავშესაფარი ჰქვია, თორემ ერთი ჩვეულებრივი, ერთსართულიანი მყუდრო სახლია. აღჭურვილი ყველა საჭირო ტექნიკით, საყოფაცხოვრებო ნივთებით და ბავშვთა გასართობი სივრცით.

ნათიამ ამ გარემოში სამ შვილთან ერთად სამი თვე გაატარა. მიიღო მორალური მხარდაჭერა, ფსიქოლოგიური და იურიდიული დახმარება. გახდა ინფორმირებული იმ სერვისების შესახებ, რასაც მერია სთავაზობს ძალადობის მსხვერპლ ქალებს. ახლა ნათია დამოუკიდებლად ცხოვრობს. არ დაბრუნდა იმ ოჯახში, სადაც ქმრისგან ჯერ ფსიქოლოგიური, შემდეგ კი ფიზიკური ძალადობის მსხვერპლი გახდა. არც მშობლებთან წასულა. იცოდა „მამა არ დაიბრუნებდა განათხოვარ ქალს უკან სახლში“.

დღეს ნათია ზუგდიდში, ნაქირავებ სახლში ცხოვრობს. ბინის ქირის დიდ ნაწილს (100 ლარს) მუნიციპალიტეტის მერია უხდის. მიიღო ერთჯერადი დახმარება 800 ლარი, რომელიც ახალი საქმის დაწყებაში დაეხმარა. ნათიას მეორადი ტანსაცმლის მაღაზია აქვს და სამ შვილს სხვების დახმარების გარეშე პატრონობს.

ნათიასგან განსხვავებით, თავშესაფარში მცხოვრები ქალების ნაწილი ადმინისტრაციამ საკუთარ სახლებში გააცილა. იქ, საიდანაც თავის დროზე გამოიქცნენ. თქვეს, რომ ოჯახში კონფილქტი მოუგვარდათ და ისევ უკან დაბრუნება ისურვეს.

შინაგან საქმეთა სამინისტროს მონაცემებით, 2018 წელს სამეგრელო-ზემო სვანეთში ოჯახში სხვადასხვა ფორმით ძალადობის 117 შემთხვევა, ერთი მკვლელობა და ჯანმრთელობის დაზიანების 2 ფაქტი დაფიქსირდა. ქალთა უფლებების დაცვის კუთხით ზუგდიდში მომუშავე ორგანიზაცია „მერკურში“ მიაჩნიათ, რომ ეს არ არის სრული მონაცემები, რადგან ოჯახში ძალადობის ფაქტების ნაწილი არ ხმაურდება. ამ ინფორმაციას მალავენ თავად მსხვერპლები. მიზეზი ხშირ შემთხვევაში შიშია, შიში არა მარტო მოძალადის, არამედ საზოგადოების.

„არის სტერეოტიპული აზროვნება. ეს ითვლება სირცხვილად და ამიტომ, ქალები ხშირად წლობით უძლებენ ძალადობას“, - ამბობს „მერკურის“ ხელმძღვანელი ნანა თოდუა. სწორედ მისმა ორგანიზაციამ 11 წლიანი მუშაობის შემდეგ მოახერხა და რეგიონში პირველი ძალადობის მსხვერპლ ქალთა თავშესაფრი გახსნა. მას ამაში პარტნიორი პოლონური ორგანიზაცია „HumanDog Faundation“ და პოლონეთის საგარეო საქმეთა სამინისტრო დაეხმარა.

„თავიდან ჩვენთან ძალიან დათრგუნულები, შეშინებულები მოდიოდნენ. თავიდან აქ ციხე ჰგონიათ, მერე აქაურობა უყვარდებათ და აქედან წასვლა უჭირთ. მახსოვს, ერთხელ როგორ მოვიდა დედამთილის ნაცემი ქალი. მას გადაადგილებაც კი უჭირდა. ის ჩვენთან პოლიციამ მოიყვანა. ძალიან შეშინებული იყო, ლაპარაკიც კი არ უნდოდა. მოგვიანებით ის გამოკეთდა და აქედან სულ სხვა განწყობით და გეგმებით წავიდა. ეს სახლი დაცულია. მის ადგილმდებარეობას ვასაიდუმლებთ, ყველა ბენეფიციარს ვთხოვთ, რომ მისამართი არავის უთხრას“, - თქვა ირმა დარასელიამ, თავშესაფრის ადმინისტრატორმა.

შინაგანაწესის თანახმად, თავშესაფარში დარჩენის მაქსიმალური ვადა 3 თვეა. ამ ხნის განმავლობაში მსხვერპლებთან და ბავშვებთან მუშაობენ ფსიქოლოგები, იურისტები. ასწავლიან ქალებს სხვადასხვა ხელსაქმეს, იმის მიხედვით, თუ ვის რა უნარები გააჩნია. არის სტილისტის, ჭრა-კერვის, მასაჟისტის, ბუღალტრის და ა.შ. კურსები. ორგანიზაცია თავშესაფრის ბინადრებთან ურთიერთობას დაწესებულების დატოვების შემდეგაც აგრძელებს. ნანა თოდუა ამბობს, რომ ბენეფიციარებს მათთან კავშირის გაწყვეტა უჭირთ. 

თავშესაფრის ბოლო ბენეფიციარი ნოემბრის დასაწყისში ქმართან ერთად ნაქირავებ ბინაში გააცილეს. მხარეების ჩართულობით და მოლაპარაკებით ასე მოგვარდა დედამთილთან უთანხმოება. ამჟამად თავშესაფარი ახალი დიასახლისების მოლოდინშია. „მერკურის“ ხელმძღვანელი ნანა თოდუა სწუხს იმაზე, რომ ირგვლივ ოჯახში ძალადობის ფაქტები გაცილებით მეტია, ვიდრე მომართვიანობა, რაც ისევ და ისევ სტერეოტიპების ბრალია.

„ერთხელაც უნდა გადადგა ეს ნაბიჯი. თუ ვერ გააკეთე, მთელი ცხოვრება სხვაზე იქნები დამოკიდებული და ინანებ. ამიტომ, უნდა გაბედო და ახალი ცხოვრება დაიწყო“, - ურჩევს ნათია ძალადობის მსხვერპლ ქალებს.

Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
რობოტი „თამადა“ და კედლის სათბური - ზუგდიდელი ახალგაზრდების გამოგონება ბაზარზე გასავლელად ემზადება [ვიდეო]
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
როგორ დავსაქმდე - ზუგდიდში სამუშაოს მაძიებლებისთვის ონლაინ პლატფორმა შეიქმნა  [ვიდეო]
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
საოკუპაციო ხაზთან მცხოვრები მოზარდები ცვლილებებისთვის [ვიდეო]
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
80 წლის კეკე მასწავლებელი სოფელ ხაბუმედან [ვიდეო]
მერი (კეკე) გულუა უკვე 60 წელია ჩხოროწყუს სოფელ ხაბუმეს სკოლაში ასწავლის. რამდენიმე წლის წინ სახელმწიფოს
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.