ცოცხალი ისტორიები
დემეტრე ლიპარტია - აგრარულ მეცნიერებათა დოქტორი
FaceBook Twitter
E-mail Print
ზუგდიდელ დემეტრე ლიპარტიას ცოტა ხნის წინ აგრარულ მეცნიერებათა დოქტორის ხარისხი მიანიჭეს. ასევე, ის არის ტრენერი აგრარულ საკითხებში.

...

ყველაფერი 2007 წელს დაიწყო, როდესაც სკოლა დავამთავრე და ჩავაბარე საქართველოს სუბტროპიკული მეურნეობის სახელმწიფო უნივერსიტეტში (უნივერსიტეტს ასე ერქვა, სანამ წერეთლის სახელმწიფო უნივერსიტეტს მიიერთებდა, როგორც აგრარულ ფაკულტეტს). კარგად მახსოვს მეგობრების და ნათესავების გაკვირვება - „სკოლაში კარგად სწავლობდი, გამოცდებზე კარგი ქულები და გრანტიც აიღე და რატომ აგრარული მიმართულება?“.

პასუხი ზუსტად არ მახსოვს. უბრალოდ მახსოვს, რომ ვამბობდი - ეს ჩემი გადაწყვეტილებაა. ქუთაისში მანამდე მხოლოდ ექსკურსიით ვიყავი ნამყოფი. ჩემთვის უცხო ქალაქი მალე მშობლიური გახდა. ბაკალავრიატზე სწავლის დროს პირველი კურსის გამოცდების წარმატებით ჩაბარების შემდეგ დამენიშნა პრეზიდენტის სტიპენდია, რომელიც მაშინ ერთეულებს ენიშნებოდათ. თუ სწორად მახსოვს, უნივერსიტეტში სულ 12 სტუდენტს ჰქონდა. (დიდი კონკურსის, კონკურენციის მიუხედავად, სტიპენდიის შენარჩუნება მთელი სწავლის განმავლობაში შევძელი).

ბაკალავრიატის დამთავრების შემდეგ ჩავაბარე ამავე უნივერსიტეტში, ისევ აგარარული მიმართულებით. გამოცდებაზე ისევ გრანტი ავიღე და მაგისტრატურაც წარჩინებით დავამთავრე 2013 წელს. აგრარული მიმართულებით მაგისტრატურა რომ დავამთავრე, კვლავ მაგისტრატურაზე ჩავაბარე ევროპულ აკადემიაში, სადაც ამჯერად ბიზნეს ადმინისტრირების მაგისტრის ხარისხი მომენიჭა. 2015 წელს დავუბრუნდი ჩემს მიმართულებას. ჩავაბარე გამოცდები და გრანტით გავაგრძელე სწავლა დოქტორანტურაზე.

საინტერესოა ის, რომ მთელი ამ ხნის განმავლობაში პარალელურად ვმუშაობდი. ბაკალავრიატზე სწავლის დროს ვმუშაობდი Mcdonald’s-ში. ძალიან კარგად მახსენდება მენეჯერების ხელშეწყობა სწავლაში. განრიგს უპრობლემოდ მიცვლიდნენ ხოლმე. შემდეგ სასტუმროში, 2011-2014 წლებში USAID/EPI და Ferrero/AgriGeorgia ტრენერი ვიყავი თხილის მიმართულებით. შემდეგ საქართველოს თხილის მწარმოებელთა ასოციაციაში. ამჟამად კარტლისის აგრო კონსულტანტი ვარ. (სულ მიმართლებდა სამსახურში, კარგი გუნდი იყო და ხელს მიწყობდნენ სწავლაში).

და აი, 2018 წლის 7 დეკემბერს დადგა სწავლის დამთავრების დროც, დისერტაციის დაცვის თარიღი. თუმცა მიმაჩნია, რომ სწავლა სიკვდილამდეა.

უნივერსიტეტში ადრე მივედი მეგობრებთან და მშობლებთან ერთად. 14:00 საათის მოახლოვებასთან ერთად, დარბაზი ივსებოდა პროფესორ-მასწავლებლებით, მეგობრებით, ნათესავებით, თანამშრომლებით. ზუსტად დროულად მობრძანდნენ მოწვეული აკადემიკოსები თბილისიდან, ბათუმიდან, კახეთიდან და თურქეთიდან. დაცვას 40-ამდე პროფესორი, ექსპერტი ესწრებოდა, დარბაზი სავსე იყო.

ძალიან ვღელავდი. მიუხედავად იმისა, რომ წლებია ტრენერი ვარ და პრაქტიკული შეხება მქონდა თხილთან. მოხსენების დამთავრების, შემდეგ ორი საათის განმავლობაში გაგრძელდა სამეცნიერო დებატები და კითხვა-პასუხი. ფარული კენჭისყრის შემდეგ, მდივანმა გამოაცხადა შეფასება. მაქსიმალური, 7 მიმიღია. ასე მომენიჭა აგრარულ მენციერებათა დოქტორის ხარისხი.

ბოლოს მინდა ახალგაზრდებს ვურჩიო, კარგად ისწავლონ. სწავლას ყოველთვის აქვს აზრი და შესაბამისი დაფასება. თუ საქმის სპეცილისტი ხარ, არასდროს დაიკარგები.
Print E-mail
Twitter
სხვა მასალები
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.