საზოგადოება
როგორ აღმოჩნდა აფხაზეთის „რესპუბლიკის“ მონეტები ამერიკულ კატალოგში
FaceBook Twitter
E-mail Print
ამერიკის შეერთებულ შტატებში გამომავალმა სქელტანიანმა ჟურნალმა „მსოფლიო მონეტები“, წლის კატალოგში გამოაქვეყნა ინფორმაცია აფხაზეთში მოჭრილი მონეტების შესახებ, სადაც რუსეთის მიერ ოკუპირებული საქართველოს რეგიონი დამოუკიდებელ ქვეყნად არის მოხსენიებული.

ერთი მხრივ, სოხუმში იამაყეს ამ მიღწევით და შეაფასეს, როგორც „ნაყოფიერი მუშაობის“ შედეგი. თბილისში კი გაჩნდა დიდი კითხვის ნიშანი, თუ როგორ აღმოჩნდა დე ფაქტო რესპუბლიკის მონეტები იმ სახელმწიფოს კატალოგში, რომელიც საქართველოს ტერიტორიულ მთლინობას აღიარებს და ერთ-ერთი მთავარი სტრატეგიული პარტნიორია.

კითხვაზე პასუხის მისაღებად „ლაივპრესმა“ ინფორმაცია პირველწყაროსთან გამოარკვია. „მსოფლიოს მონეტების“ რედაქციამ მოგვწერა, რომ ახალი კატალოგის რვა გვერდში, რომელიც სარეკლამო სივრცეებია, დე ფაქტო რესპუბლიკამ თანხა გადაიხადა.

„კორპორაცია F+W Media ყიდის სარეკლამო სივრცეს მსოფლიო მონეტების სტანდარტული კატალოგის პრიალა გარეკანის შიდა მხარეს. მსოფლიო მონეტების სტანდარტული კატალოგის 2001-2019 წლის მე-13 გამოცემაში, აფხაზეთის ბანკმა შეისყიდა სივრცე 8 გვერდიანი რეკლამისთვის, 2008-2016 წლებში მათ მიერ გამოცემული მონეტების წარმოსაჩენად. ამ რეკლამით ილუსტრირებულ იქნა აფხაზეთის მიერ გამოცემული მონეტების ძალიან მცირე ნაწილი“, - აცხადებს ჟურნალის რედაქცია.

მათივე განმარტებით, მხოლოდ „აფხაზეთის ბანკის“ მიერ ნაყიდ გვერდებზე გვხვდება ისტორია და აფხაზეთის ამჟამინდელი სტატუსი, მსოფლიო მონეტების სტანდარტული კატალოგის 2001 - მე-13 გამოცემაში კი არსად მოიპოვება ჩანაწერი, სადაც აფხაზეთი მოხსენიებულია, როგორც დამოუკიდებელი ერი.

ჟურნალის რედაქციაში აღნიშნავენ, რომ მსოფლიო მონეტების სტანდარტული კატალოგი არ უზრუნველყოფს აფხაზეთის მონეტების სტანდარტულ ჩამონათვალს, სადავო რეგიონის სუვერენიტეტის საერთაშორისო დონეზე აუღიარებლობის გამო.

სამაგიეროდ, აფხაზეთის შესახებ ინფორმაციას ვერ ნახავთ pdf ფაილში, „ლაივპრესს“ საქართველოს საგარეო საქმეთა სამინისტრომ რომ მიაწოდა. მათ თავდაპირველად გვითხრეს - ფოტოები და ვიდეო, რომელიც დე ფაქტო რესპუბლიკის წარმომადგენელმა გამოაქვეყნა, სინამდვილეს არ შეესაბამებოდა, თუმცა ამერიკული ჟურნალისგან მიღებული პასუხის შემდეგ დაგვიდასტურეს ინფორმაციის უტყუარობა.

„კომპანიასთან თავიდანვე ჰქონდა კომუნიკაცია საქართველოს საელჩოს აშშ-ში, და ეს კომუნიკაცია დღესაც გრძელდება. მათ ჩვენთანაც დაადასტურეს, რომ სარეკლამო ადგილი შეიძინა აფხაზეთის ბანკმა, მაგრამ ახლა ის არის დასადგენი, როგორ იურიდიულ სუბიექტთან გაფორმდა შეთანხმება. მუშაობა ამ საკითხზე გრძელდება“, - გვითხრეს სამინისტროში და აღნიშნეს, რომ მათ მიერ მოპოვებულ კატალოგის pdf ფაილს არ ჰქონდა ის სარეკლამო გვერდები, რაც ბეჭდურ ვერსიაში გამოქვეყნდა.

კრძალავს, თუ არა ამერიკის შეერთებული შტატების კანონი ამერიკული ორგანიზაციებისთვის თანხის მიღებას დე ფაქტო რესპუბლიკებისგან, შეკითხვით საქართველოს აშშ-ის საელჩოს მივმართეთ.

„ზოგადად, ამერიკის კანონმდებლობა არ შეიცავს კონკრეტულ რეგულაციებს კერძო ბიზნესის საქმიანობასთან დაკავშირებით“, - გვითხრეს საელჩოში.

„ლაივპრესი“ ფეისბუკის საშუალებით დაუკავშირდა „აფხაზეთის ეროვნული ბანკის“ ხელმძღვანელ ბესლან ბარათელიას, თუმცა მან არ გვიპასუხა.

სწორედ ბესლან ბარათელიამ ნოემბერში გამოაქვეყნა ფოტოები და ვიდეო, სადაც ჩანს, რომ ამერიკული ჟურნალის ახალ კატალოგში აფხაზეთი დამოუკიდებელ ქვეყნად არის მოხსენიებული.

„გილოცავთ ყველას ამ მოვლენას, რომელიც დიდი ხნის ძალისხმევის შედეგია. აფხაზეთის ბანკი განაგრძობს მუშაობას სამახსოვრო მონეტების - აპსარის პოპულარიზაციისთვის“, - დაწერა ბარათელიამ სოციალურ ქსელში, თუმცა არაფერი უთქვამს იმაზე, რომ ეს რეკლამა იყო, რაშიც ფული გადაიხადა.

ამერიკული კატალოგი 1500 გვერდიანი ილუსტრირებული გამოცემაა, რომელიც აქვეყნებს ინფორმაციას მსოფლიო ქვეყნების მონეტების და მათი ისტორიის შესახებ.
Print E-mail
Twitter
სხვა მასალები
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს
მართავს.
18:32 / 04.11.2022
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს.
თეა ადიკაშვილსა და დარეჯან ცირამუას თბილისიდან 28
კილომეტრში,
02:06 / 02.09.2022

თეა ადიკაშვილსა და დარეჯან ცირამუას თბილისიდან 28 კილომეტრში,

გიგა დოღონაძეს ქუთაისის ცენტრალურ არქივში შევხვდით.
17:45 / 25.06.2022
გიგა დოღონაძეს ქუთაისის ცენტრალურ არქივში შევხვდით.
22:08 / 15.04.2022
"როცა საზოგადოებას ნაკლები ინფორმაცია აქვს, დეზინფორმაციას მარტივად იჯერებს.
კორონავირუსი

საბჭოთა რეპრესიები

ვიდეო
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
რობოტი „თამადა“ და კედლის სათბური - ზუგდიდელი ახალგაზრდების გამოგონება ბაზარზე გასავლელად ემზადება [ვიდეო]
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
როგორ დავსაქმდე - ზუგდიდში სამუშაოს მაძიებლებისთვის ონლაინ პლატფორმა შეიქმნა  [ვიდეო]
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
საოკუპაციო ხაზთან მცხოვრები მოზარდები ცვლილებებისთვის [ვიდეო]
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
80 წლის კეკე მასწავლებელი სოფელ ხაბუმედან [ვიდეო]
მერი (კეკე) გულუა უკვე 60 წელია ჩხოროწყუს სოფელ ხაბუმეს სკოლაში ასწავლის. რამდენიმე წლის წინ სახელმწიფოს
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.